1 SAMUEL 5:10 - KA BAIBL

¹⁰ Kumta, ki la phah lam noh ïa ka synduk U Blei sha Ekron. Te haba ka synduk U Blei ka la poi ha Ekron, ki Ekron ki la lynñiar, ki la ong, “Ki la wallam ïa kane ka synduk U Blei ki Israel ha ngi, ïa ka ban pynïap ïa ngi bad ïa ki briew jong ngi.”

Khasi CL Bible (BSI)

¹⁰ Kumta ki phah noh ïa ka Synduk ka Jutang sha Ekron kawei pat ka nongbah jong ki Philistia, hynrei haba ka poi hangta, ki briew ki la lynñiar jam, “Ki la wallam shane ïa ka Synduk ka Jutang U Blei ki Israel, khnang ban pynïap ïa ngi baroh!”

1 SAMUEL 5:10 ပူးပေါင်းရင်းမြစ်များ

2 SAMUEL 7:9

Bad nga la don ryngkat bad me kat shaba me la leit, bad nga la ot noh ïa ki nongshun jong me baroh na khmat jong me; bad ngan pynlong ïa me ka nam ka bakhraw, kum ka nam jong ki bakhraw tam kiba ha ka pyrthei.

2 SYIEM 1:2

Bad u Ahasaïah u la hap lyngba ka jingkhang ïit ha ka kamra haneng ka jong u kaba ha Samaria, bad u la pang: te u la phah ki nongkit-ktien, bad u la ong ha ki, “Khie leit ïakylli ha u Belsebul u blei ka Ekron, la ngan koit ne em na kane ka jingpang.”

1 KHRONIKL 7:21

bad u Sabad, u khun jong u, bad u Shuthelah u khun jong u, bad u Eser, bad u Elead, ïa kiba ki nong Gath kiba la kha ha ka ri ki la pynïap, namar ba ki la wan hiar ban knieh noh ïa ki jingri jong ki.

AMOS 1:8

te ngan pom noh ïa u shnong u thaw na Ashdod, bad ïa uta uba bat ïa u dieng synshar na Ashkelon; bad ngan pynphai ïa la ka kti pyrshah ïa ka Ekron, bad kita kiba sah jong ki Philistia kin ïap duh noh,” ong U Trai U Blei.

AMOS 6:2

To ïaid haduh Kalneh, bad to khmih; bad nangta to leit haduh ka Hamath bah: ynda kumta, leit hiar sha Gath jong ki Philistia: hato ki kham bha ban ïa kine ki hima? lane ki pud hima jong ki, ki kham jrong ban ïa ka pud hima jong phi?

JOSHUA 13:3

na Shihor, kaba ha shuwa ka Ijipt, haduh ka pud ka Ekron shaphang shatei, ïa kata, la ñiew ka jong ki Kanaan: san ngut ki doloi ki Philistia; ki Gasa, ki Ashdod, ki Ashkelon, ki Gath, bad ki Ekron; ki Abbim ruh, shaphang shathie:

JOSHUA 15:11

bad kata ka pud ka la siat sha khap ka Ekron shaphang shatei: bad ka pud ka la leit sha Shikkeron, bad ka la pom sha u lum Baalah, bad ka la poi sha Jabnil; bad ki kut ka pud ki ha ka duriaw.

JOSHUA 15:45

Ka Ekron, lem bad ki nongbah jong ka bad ki nongrit jong ka:

NONGBISHAR 1:18

Ki Judah ruh ki la jop ïa ka Gasa bad ïa ki phang jong ka, bad ka Ashkelon bad ki phang jong ka, bad ka Ekron bad ki phang jong ka.

1 SAMUEL 17:52

Bad ki paidbah Israel bad Judah ki la ïeng, bad ki la risa, bad ki la beh ïa ki Philistia, haduh kaba poi ha Gath, bad haduh ki khyrdop ka Ekron keiñ. Te kita ki Philistia ki la kyllon ba la pynmynsaw ïa ki ha kata ka lynti sha Shaaraim, jin haduh Gath, bad haduh Ekron de.

1 SAMUEL 5:11

Ynda kumta te, ki la phah ïalum lang ïa ki doloi ki Philistia baroh, bad ki la ïa-ong, “To phah noh ïa kane ka synduk U Blei ki Israel, to ai ruh ba kan leit noh pat ha ka jaka jong ka, ba kan ym pynïap ïa ngi, bad ïa ki briew jong ngi:” naba ka la don ka jingpynjot kaba pynïap ha kata ka shnong baroh; ka kti U Blei ka la ban khia eh hangta.

1 SAMUEL 5:9

Te ynda ki la bah noh ïa ka, ka kti U Trai ka la ïaleh pyrshah ïa kata ka shnong ruh da ka jingpynjot kaba khraw eh: bad u la pynshitom ïa ki rangbah jong kata ka shnong, ki barit bad ki bakhraw, bad ka jingpang ba lang snam ka la mih ha ki.

1 SAMUEL 6:1

Te ka synduk U Trai ka la sah ha ka ri ki Philistia hynñiew bnai.