1 SAMUEL 4:3 - KA BAIBL

³ Te ynda kita ki paidbah ki la ïawan sha ka jaka shong dara, ki tymmen basan jong ki Israel ki la ïa-ong, “Balei U Trai u la shoh ïa ngi mynta ha khmat ki Philistia? Ïa ngin ïaleit shim sha ngi na Sheiloh ïa ka synduk ka jutang U Trai, ba kan wan hapdeng jong ngi, ïa ka ban pynim ïa ngi na ka kti ki nongshun jong ngi.”

Khasi CL Bible (BSI)

³ Ynda ki shipai kiba lait im ki wan phai sha ka jaka shong dara, ki nongïalam jong ki Israel ki ong, “Balei keiñ U Trai u shah ba ki Philistia kin jop ïa ngi mynta ka sngi? Ïa ngin ïaleit bad wanrah ïa ka Synduk Ka Jutang U Trai na Shiloh, ba kumta un leit lem bad ngi bad pyllait im ïa ngi na ki nongshun jong ngi.”

1 SAMUEL 4:3 ပူးပေါင်းရင်းမြစ်များ

2 SAMUEL 15:25

U syiem te u la ong ïa u Sadok, “To leit lam noh pat ïa kata ka synduk U Blei sha shnong: lada ngan shem ka jingsngewbha ha khmat U Trai, un pynphai pat ïa nga, bad un pyni ha nga ïa ka ruh, bad ïa ka jaka shong jong u:

1 KHRONIKL 17:1

Te katba u Dabid u la shong ha la ïing, u Dabid u la ong ha u Nathan u nongïathuhlypa, “Ha khmih, ma nga, nga shong hapoh ka ïing dieng Kedar, hynrei, ka synduk ka jutang U Trai ka shong hapoh ki pyrda.”

SALM 74:1

A U Blei, balei ba me la kyntait ïa nga junom? Balei ba ka jingbitar jong me ka mih tdem pyrshah ïa ki langbrot ka jaka phlang jong me?

SALM 74:11

Balei ba me kynran ïa la ka kti, ïa ka kti kamon jong me? To sei ïa ka na la ka shadem bad pynduh ïa ki.

ISAÏAH 50:1

Kumne u ong U Trai, “Hangno ka kot iehnoh ka kmie jong phi, da kaba nga la pyllait noh ïa ka? Lane uno u nongai ram jong nga uba nga la die ïa phi ha u? Ha khmih, namar ki pop jong phi la die noh ïa phi, bad namar ki ryngkang jong phi la pyllait noh ïa ka kmie jong phi.

ISAÏAH 58:3

‘Ngi la shah jingit balei,’ ki ong, ‘me ruh mem ïohi? Ngi la pynshitom ïa la ka mynsiem, me ruh mem tip?’ Ha khmih, ha ka sngi ka jingshah jingit jong phi, phi ïoh la ka jingsngewbha, bad phi shim jubor ïa ki jingtrei jong phi baroh.

ISAÏAH 59:1

Ha khmih, ïa ka kti U Trai ym shym la pynlyngkot, katba kam lah ban pynim; lymne ka shkor jong u kaba khia, katba kam lah ban ïohsngew:

ISAÏAH 59:2

hynrei, ki jingbymhok jong phi ki la pynïakhlad noh hapdeng jong phi bad U Blei jong phi, bad ki pop jong phi ki la kah ïa ka khmat jong U na phi, katba un ym sngew.

JEREMAÏAH 3:16

Te kan long, ynda phi la roi bad la man bun ha ka ri ha kita ki sngi,’ ” ong U Trai, “kin ym ong shuh, ‘Ka synduk ka jutang U Trai;’ lymne kan ym jia ha ka jingmut: lymne kin ym kynmaw ïa ka; lymne kin ym leit khmih ïa ka; lymne yn ym leh shuh ïa kata.

JEREMAÏAH 7:4

Wat shaniah ha ki ktien shukor, da kaba ong, “Ka templ U Trai, ka templ U Trai, ka templ U Trai, ki long kine.” ’ ”

JINGKHEIÑ 10:33

Te ki la leit mih noh na uta u lum jong U Trai, lai sngi lynti; bad ka synduk ka jutang ka jong U Trai, ka la leit ha shuwa jong ki ha kita ki lai sngi lynti, ban wad ïa ka jaka shongthait ïa ki.

JINGKHEIÑ 10:35

Bad haba kata ka synduk ka la ju mih noh ruh, u Moses u la ju ong, “To ïeng, Ko Trai, bad to ai ban pynsaphred ïa ki nongshun jong me; to ai ruh ba kita kiba shun ïa me kin ïaphet ïap noh ha khmat jong me.”

JINGKHEIÑ 31:6

Te u Moses u la phah noh ïa ki sha kata ka thma, shi hajar hajar na shi jaid baroh, ïa ki bad u Phinehas u khun u Eleasar lyngdoh, sha kata ka thma, lem bad ki jingbuh ki bakyntang, bad ki ronsing ban put ha ka kti jong u.

DEUTERONOMI 29:24

wat ki jaid bynriew baroh te kin ïa-ong, ‘Balei ba U Trai u la leh kumne ïa kane ka ri? ka mut aïu kane ka jingrhem ka jingbitar bakhraw?’

DEUTERONOMI 31:26

“To shim ïa kane Ka Kitab Ka Hukum, bad to buh ïa ka ha ka krung ka synduk ka jutang U Trai uba U Blei jong phi, ba kan long hangta keiñ kum ka sakhi pyrshah ïa me.

2 TIMOTHI 3:5

kiba don ka dur ka jingriewblei, hynrei, kiba la len ïa ka bor jong ka; na kine ruh to phai noh.

HEBRU 9:4

kaba don ka pliang ksiar bathang iwbih, bad ka synduk ka jutang ïa kaba la suit baroh sawdong da ka ksiar, ha kaba la don u khiew ksiar uba don kata ka manna, bad uta u diengduh u Aaron uba la phuh, bad kita ki maw lyngkniap jong ka jutang;

JOSHUA 4:7

Ynda kumta, phin ïathuh ha ki, ‘La pyndkut noh ïa ki um ka Jordan ha shuwa ka synduk ka jutang U Trai; mynba ka la leit sha shiliang ka Jordan, ïa ki um ka Jordan la pyndkut noh: bad kine ki maw kin long ka jingkynmaw ïa ki khun Israel junom.’ ”

JOSHUA 6:6

Te u Joshua u khun u Nun u la khot ïa kita ki lyngdoh, bad u la ong ha ki, “To rah ïa ka synduk ka jutang, to ai ruh ba hynñiew ngut ki lyngdoh kin rah ïa ki hynñiew tylli ki turoi jubili ha shuwa ka synduk U Trai.”

JOSHUA 7:7

Bad u Joshua u la ong, “Waw! A Trai U Blei, balei ba me la shu wallam ïa une u paidbah sha shiliang Jordan, ban ai noh ïa ngi ha ka kti ki Amor, ban pynjot ïa ngi? A ban da ngi la shu hun, ba ngin da shong ruh sha shiliang ka Jordan!

JOSHUA 7:8

A Trai, ngan ong aïu, haba ki Israel ki phai dien na khmat ki nongshun!

1 PETROS 3:21

Kaba ha ka jingpynshisha jong ka, kata ka jingpynbaptis, ka pynim ïa ngi mynta ruh (ym kaba buh noh ïa ka jingtngit ka doh, hynrei, ka jingwad ka jingïatiplem babha sha U Blei), da ka jingpynmihpat ïa U Jisu Khrist,

JUDAH 1:5

Te nga kwah ban pynkynmaw ïa phi, la phi tip shi sien tip ïa kane baroh, ba U Trai haba u pyllait im ïa u paidlang na ka ri Ijipt; hadien kata, u la pynjot noh khoit ïa kita ki bym shym la ngeit.

1 SAMUEL 1:24

Te haba ka la pyniehnoh buiñ ïa u, ka la leit lam ïa u lem bad ka, bad lai tylli ki masi dab, bad shi ephah u 'purew, bad shi lywa ka Waiñ, bad ka la ïalam ïa u sha kata ka ïing U Trai ha Sheiloh: te u khynnah u dang khynnah eh.

1 SAMUEL 14:18

Bad u Saul u la ong ha u Ahijah, “To wallam shane ïa ka synduk U Blei,” namar ka synduk U Blei ka la don bad ki khun Israel ha kata ka por.

1 SAMUEL 4:2

Te ki Philistia ki la khreh riang ïa lade pyrshah ïa ki Israel: te haba ki la ïaleh, la jop ïa ki Israel ha khmat ki Philistia: bad ki la pynïap noh ha madan kumba saw hajar ki briew na ki paidïapom.