1 SAMUEL 4:19 - KA BAIBL

¹⁹ Bad ka pyrsa kurim jong u, ka tnga u Phinehas, kaba la punkhun, bad ka la jan kha ruh; te haba ka la ïohsngew ïa kita ki jingbna ba la knieh ïa ka synduk U Blei, bad ba la ïap u kthaw kurim bad u tnga jong ka, ka la dem ïa lade bad ka la kha; naba ki jingsuh khun jong ka ki la jia ha ka.

Khasi CL Bible (BSI)

¹⁹ Ka pyrsa kurim u Eli, ka tnga u Phinehas, ka la armet, bad ka la jan dei ka por ba kan kha khun. Haba ka ïohsngew ba la knieh noh ïa ka Synduk ka Jutang U Blei, bad ba u kthaw kurim bad u tnga jong ka ki la ïap, kynsan ka la suh kha bad ka la kha.

1 SAMUEL 4:19 ပူးပေါင်းရင်းမြစ်များ

JENESIS 3:16

Bad ha kata ka briew u la ong, “Da kaba pynroi ngan pynroi ïa ki jingpang jong pha, bad ïa ka jingseng khun jong pha; ha ka jingshitom phan kha ki khun; bad ka jingkwah jong pha kan long sha u tnga jong pha, bad u un synshar halor jong pha.”

JENESIS 35:17

Ka la jia ruh, haba ka dang suhkhun eh ba ka nongbat khun ka la ong ha ka, “To wat sheptieng; naba ine ruh i long i khun shynrang ïa pha.”

1 SYIEM 14:1

Te ha kata ka por u Abijah u khun u Jeroboam u la pang.

SALM 78:64

Ki lyngdoh jong ki, ki la kyllon da ka waitlam; te ki riewkynthei jong ki kim shym ïambriew.

JEREMAÏAH 26:6

te ngan pynlong ïa kane ka ïing kum ka Sheiloh, bad ngan pynlong ka jingtim ïa kane ka shnong ha ki jaid bynriew baroh jong ka khyndew.” ’ ”

1 SAMUEL 4:18

Te haba u la ïathuh shaphang ka synduk U Blei, u la kyllon lyndang na kata ka jingshong hajan ka khyrdop, bad la kheiñ ka ryndang jong u, bad u la ïap: naba u la long u briew uba la tymmen, bad uba khia. Te u la lah bishar ïa ki Israel sawphew snem.

1 SAMUEL 4:20

Te hamar ka por ba kan sa ïap, kita ki kynthei kiba la don lem bad ka ki la ïa-ong, “Wat sheptieng; naba pha la kha khun shynrang.” Hynrei, ka kam shym phai ktien, kam shym sngew ruh ïa kata.