1 SAMUEL 4:18 - KA BAIBL

¹⁸ Te haba u la ïathuh shaphang ka synduk U Blei, u la kyllon lyndang na kata ka jingshong hajan ka khyrdop, bad la kheiñ ka ryndang jong u, bad u la ïap: naba u la long u briew uba la tymmen, bad uba khia. Te u la lah bishar ïa ki Israel sawphew snem.

Khasi CL Bible (BSI)

¹⁸ Haba uta u rangbah u ïathuh shaphang ka Synduk ka Jutang, u Eli u kyllon da lyndang na la ka jaka shong kaba harud khyrdop. U la tymmen palat bad sngaid bad kata ka jinghap ka la pynkheiñ ïa u ryndang jong u, bad u la ïap. U la long u nongïalam ha Israel sawphew snem.

1 SAMUEL 4:18 ပူးပေါင်းရင်းမြစ်များ

SALM 26:8

Ko Trai, nga ieit ïa ka jaka shong ka ïing jong me, bad ïa ka jaka ha kaba ka shong sah ka burom jong me.

SALM 42:10

Kumba bad ka wait ha ki shyieng jong nga, ki nongïaleh pyrshah jong nga ki krenbeiñ ïa nga; katba ki ïa-ong ha la ka sngi ïa nga, “Hangno uta U Blei jong me?”

SALM 42:3

Ki ummat jong nga ki la long jingbam ïa nga mynsngi bad mynmiet, katba ki ïa-ong ïa nga ha la ka sngi, “Hangno uta U Blei jong me?”

SALM 69:9

Naba ka jingshitrhem ka ïing jong me ka la bam duh ïa nga; bad ki jingkrenbeiñ jong kiba krenbeiñ ïa me ki la ïahap ha nga.

LEBITIKOS 10:3

Te u Moses u la ong ha u Aaron, “Kane ïa kaba U Trai u la kren, u da ong, ‘Yn pynkyntang ïa nga ha kita kiba wan hajan jong nga, bad yn pyndonburom ïa nga ha khmat u paidlang baroh.’ ” U Aaron te u la sngap.

NONGBISHAR 15:20

Te u la bishar ïa ki Israel ha ki sngi ki Philistia arphew snem.

1 SAMUEL 4:13

Bad haba u la poi, ha khmih, u Eli u shong ha ka jingshong harud lynti ba u da ap khnang: namar ka dohnud jong u ka la syier shaphang ka synduk U Blei. Te haba uta u briew u la poi sha shnong, bad ba u la pynbna ïa kata, ka shnong baroh ka la lynñiar.

1 SAMUEL 4:17

Bad uta uba la wallam khubor u la ïathuh bad u la ong, “Ki Israel ki la phet ïap ha khmat ki Philistia, bad ka la long ka jingpynïap kaba khraw ruh hapdeng u paidbah, ki khun jong me ruh baroh ar ngut, u Hophni bad u Phinehas, ki la ïap, bad ki la knieh ruh ïa ka synduk U Blei.”

1 SAMUEL 4:19

Bad ka pyrsa kurim jong u, ka tnga u Phinehas, kaba la punkhun, bad ka la jan kha ruh; te haba ka la ïohsngew ïa kita ki jingbna ba la knieh ïa ka synduk U Blei, bad ba la ïap u kthaw kurim bad u tnga jong ka, ka la dem ïa lade bad ka la kha; naba ki jingsuh khun jong ka ki la jia ha ka.