1 SAMUEL 4:13 - KA BAIBL

¹³ Bad haba u la poi, ha khmih, u Eli u shong ha ka jingshong harud lynti ba u da ap khnang: namar ka dohnud jong u ka la syier shaphang ka synduk U Blei. Te haba uta u briew u la poi sha shnong, bad ba u la pynbna ïa kata, ka shnong baroh ka la lynñiar.

Khasi CL Bible (BSI)

¹³ U Eli, uba dang pyrkhat khuslai shaphang ka Synduk ka Jutang, u dang shong harud lynti, u da peit lyngngoh. Uta u rangbah u pynphriang ïa ka khubor kylleng ka shnong bad uwei pa uwei u lynñiar da ka jingsheptieng.

1 SAMUEL 4:13 ပူးပေါင်းရင်းမြစ်များ

SALM 26:8

Ko Trai, nga ieit ïa ka jaka shong ka ïing jong me, bad ïa ka jaka ha kaba ka shong sah ka burom jong me.

JEREMAÏAH 48:19

Ko uba shong ha Aroer, to ïeng harud lynti, bad to khmih: to kylli ïa uta uba phet noh, bad ïa kata kaba phet ïap noh; to ong, ‘La leh aïu sha?’

JOSHUA 7:9

Namar ki Kanaan bad ki trai-shnong kiba ha ka ri kin ïohsngew ïa kane, bad kin ker sawdong ïa ngi, kin ot noh ruh ïa ka kyrteng jong ngi na ka khyndew: te men leh kumno ïa la ka kyrteng bakhraw?”

1 SAMUEL 1:9

Kumta, ynda ki la bam la dih ha Sheiloh, ka Hannah ka la ïeng. Te u Eli lyngdoh u shong ha la ka jingshong hajan u rishot ka jingkhang ka templ U Trai.

1 SAMUEL 4:14

Te haba u Eli u la ïohsngew ïa ka jingsawa kata ka jinglynñiar, u la ong, “Kaei kane ka jingsawa kane ka jingkhihwin?” Te uta u briew u la wan kyrkieh bad u la ïathuh ha u Eli.

1 SAMUEL 4:18

Te haba u la ïathuh shaphang ka synduk U Blei, u la kyllon lyndang na kata ka jingshong hajan ka khyrdop, bad la kheiñ ka ryndang jong u, bad u la ïap: naba u la long u briew uba la tymmen, bad uba khia. Te u la lah bishar ïa ki Israel sawphew snem.