1 SAMUEL 4:10 - KA BAIBL

¹⁰ Bad ki Philistia ki la ïaleh, bad la jop noh ïa ki Israel, bad ki la phet ïap noh uwei uwei baroh sha la ka ïingjaiñ: te ka la long ka jingpynïap kaba khraw eh; naba la kyllon na ki Israel laiphew hajar ki shipai ba ïaleh na tbian.

Khasi CL Bible (BSI)

¹⁰ Ki Philistia ki la ïaleh tyngeh bad ki la jop ïa ki Israel, kiba phet ïap sha la ki ïing. Ka la don ka jingshah pynïap kaba khraw: Laiphew hajar ngut ki shipai Israel ki shah pynïap.

1 SAMUEL 4:10 ပူးပေါင်းရင်းမြစ်များ

2 SAMUEL 18:17

Te ki la shim ïa u Absalom bad ki la bred ïa u sha ka thliew kaba khraw ha kata ka khlaw, bad halor jong u ki la buh maw shikynton kaba khraw eh: ki Israel baroh te ki la phet ïap uwei uwei sha la ka ïingjaiñ.

2 SAMUEL 18:7

Bad hangta la pynïap ïa u paidbah Israel ha khmat ki shakri u Dabid, bad ka jingpynïap kaba khraw ka la don hangta ha kata ka sngi jin arphew hajar ngut.

2 SAMUEL 19:8

Ynda kumta, u syiem u la ïeng, bad u la shong ha kata ka khyrdop. Te la pynbna ha u paidbah baroh, da kaba ong, “Ha khmih, u syiem u shong ha ka khyrdop”: bad u paidbah baroh u la wan ha khmat u syiem. Te ki Israel ki la phet uwei uwei baroh sha la ka ïingjaiñ.

2 SAMUEL 20:1

Te la jia ba la don hangta u briew u Belial uba kyrteng “u Sheba”, u khun u Bikhri, u kynja Benjamin: une te u la put ïa ka ronsing, bad u la ong, “Ngi ngim don ka bynta ha u Dabid, lymne ngim don ka bynta ba hap ha u khun u Jesse: to uwei uwei baroh sha la ki ïingjaiñ, ko Israel.”

1 SYIEM 12:16

Te haba ki Israel ki la ïohi ba u syiem um pynshahshkor ha ki, u paidbah u la ïathuh ha u syiem, u da ong, “Ngi don bynta aïu ha u Dabid? lymne ngim don ka jingïoh ei ei ha u khun u Jesse: ïa, sha la ki ïingjaiñ, ko Israel; mynta te to khmih hi ïa la ka ïing, ko Dabid.” Kumta, ki Israel ki la leit noh sha la ki ïingjaiñ.

1 SYIEM 22:36

Te la mih ka jingpyrta lyngba u paidïapom hamar kaba sep ka sngi, kaba ong, “To u briew baroh sha la ka shnong, bad u briew baroh sha la ka ri.”

2 SYIEM 14:12

Ïa ka Judah te la jop ha khmat ki Israel; bad ki la phet ïap uwei uwei baroh sha la ka ïingjaiñ.

2 KHRONIKL 13:17

Bad u Abijah bad ki briew jong u ki la pynïap ïa ki, da ka jingpynïap bakhraw: kumta, la pynkyllon ïap na ki Israel sanspah hajar ki rangbah ba la kynsai.

2 KHRONIKL 25:22

Te ïa ki Judah la jop ha khmat ki Israel, bad ki la phet ïap uwei uwei baroh sha la ka ïingjaiñ.

SALM 78:9

Ki khun u Ephraim, haba ki la kieng atiar bad ba ki rah ryntieh, ki la phai dien noh ha ka sngi ka jingïaleh thma.

JEREMAÏAH 7:12

“Hynrei, to khie leit mynta sha ka jaka jong nga kaba la long ha Sheiloh, ha kaba nga la pynshong ïa la ka kyrteng ha ka banyngkong, bad to khmih aïu nga la leh ïa ka namar ka jingsniew ki briew jong nga ki Israel.

LEBITIKOS 26:17

Bad ngan buh ïa la ka khmat pyrshah ïa phi, bad phin kyllon ïap ruh ha khmat ki nongshun jong phi: kita kiba isih ïa phi kin leh bor halor jong phi; bad phin phet ïap noh haba ym don ba beh ïa phi.

DEUTERONOMI 28:15

“Hynrei, kan jia, lada men ym shahshkor shuh ïa ki ktien U Trai uba U Blei jong me, ïa ka ban rakhe ban leh ruh ïa ki hukum jong u bad ïa ki aiñ jong u baroh kiba nga hukum ïa me ha kane ka sngi; ba kine ki jingtim baroh kin ngat ha me, bad kin lap ïa me.

DEUTERONOMI 28:25

“U Trai un pynkyllon ïa me ha khmat ki nongshun jong me: tang da kawei ka lynti men leit ïaleh ïa ki, hynrei, men phet ïap na khmat jong ki da ki hynñiew lynti: bad un pynsakma ïa me sha ki hima ka pyrthei baroh.

1 SAMUEL 3:11

Te U Trai u la ong ha u Samuel, “Ha khmih, ngan sa leh ei ei ha Israel, ha kaba uno uno baroh haba un ïohsngew ïa ka, kin kyllut noh ngiang ki shkor jong u baroh ar.

1 SAMUEL 4:2

Te ki Philistia ki la khreh riang ïa lade pyrshah ïa ki Israel: te haba ki la ïaleh, la jop ïa ki Israel ha khmat ki Philistia: bad ki la pynïap noh ha madan kumba saw hajar ki briew na ki paidïapom.