1 SAMUEL 31:4 - KA BAIBL

⁴ Ynda kumta, u Saul u la ong ha uta uba rah ïa ki atiar jong u, “To sei ïa la ka waitlam, bad to dung peib'la ïa nga da ka; ïoh kine ïa ki bym shym la otsher kin wan bad dung peib'la ïa nga, bad ba kin lehbeiñ ïa nga.” Hynrei, uta u nongrah atiar jong u um treh, namar ba u la sheptieng eh. Namar kata, u Saul u la shim ïa la ka waitlam, bad u la hap halor jong ka.

Khasi CL Bible (BSI)

⁴ U ong ha u samla uba rah atiar jong u, “Sei ïa la ka waitlam bad dung ïap ïa nga, kumta ba kine ki Philistia bymriewblei kin ym ïoh dung bad pynïap ïa nga.” Hynrei uta u samla u la sheptieng eh ban leh ïa kata. Kumta u Saul u shim ïa la ka waitlam bad u rynsied ïa lade ha ka.

1 SAMUEL 31:4 ပူးပေါင်းရင်းမြစ်များ

2 SAMUEL 1:1

Te hadien ka jingïap u Saul, haba u Dabid u la lah wan phai noh na kaba pynïap ïa ki Amalek, bad haba u Dabid u la shong ar sngi ha Siklag,

2 SAMUEL 1:14

U Dabid te u la ong ha u, “Kumno ba mem shym la sheptieng ban rah ïa la ka kti ïa ka ban pynjot noh ïa uba la sleh jong U Trai?”

2 SAMUEL 1:20

To wat ïathuh ïa kane ha Gath, wat pynbna ha ki lynti shnong ka Ashkelon; ïoh kin kmen ki khun kynthei ki Philistia, ïoh kin kyrkoh ki khun kynthei jong kita ïa ki bym shym la otsher.

2 SAMUEL 1:6

Te uta u samla uba ïathuh ha u, u la ong, “Ka la jia ba nga don ha u lum Gilboa, te ha khmih, u Saul u la shaniah ha la u sum; ha khmih ruh, ki kali ïapom bad ki nongshong kulai ki ïabeh eh nadien jong u.

2 SAMUEL 17:23

Te haba u Ahithophel u la ïohi ba ym shym leh kumba u la pyni buit ma u, u la teh jin ha la ka kadda, bad u la ïeng, bad u la leit sha la ïing, ha ka shnong jong u, bad haba u la pynbeit ïa la ka ïing, u la phasi ïa lade; bad u la ïap, bad la tep ïa u ha u maw jingtep u kpa jong u.

2 SAMUEL 21:12

Bad u Dabid u la leit shim ïa ki shyieng jong u Saul bad ki shyieng jong u Jonathan u khun jong u na ki rangbah Jabesh-gilead, kiba la lah tuh ïa ki na ka lynti bah ka Beth-shan, ha kaba ki Philistia ki la phasi ïa ki, ha kata ka sngi ba ki Philistia ki la pynïap ïa u Saul ha Gilboa:

1 SYIEM 16:18

Te haba u Simri u la ïohi ba la jop ïa ka shnong, u la leit rung shapoh ka kut ka ïing u syiem, bad u la thang ïa ka ïing u syiem halor jong u da ka ding, bad u la ïap,

1 SYIEM 16:27

Te kiwei ki jingleh u Omri kiba u la leh, bad ka bor kaba u la pyni, ym shym la thoh ïa ki ha Ka Kitab Ki Khronikl Ki Syiem Ki Israel?

1 KHRONIKL 10:4

Ynda kumta, u Saul u la ong ha u nongrah atiar jong u, “To sei ïa ka waitlam jong me, bad to dung peib'la ïa nga da ka; ïoh ba kine ki bym-otsher kin ïawan bad kin lehbeiñ ïa nga.” Hynrei, u nongrah atiar jong u, um treh; namar u la sheptieng shibun eh. Namar kata, u Saul u la shim ïa la ka waitlam, bad u la kyllon halor jong ka.

NONGBISHAR 14:3

U kpa bad ka kmie jong u te ki la ong ha u, “Hato ym don kynthei hapdeng ki khun kynthei ki para jong me, lane hapdeng ki briew jong nga baroh, ba men shu leit ïoh tnga na ki Philistia kiba khlem otsher?” Te u Samson u la ong ha la u kpa, “Pynïoh ïa ka ha nga; naba nga ibha eh ïa ka.”

NONGBISHAR 9:54

Te u la khot kyrkieh ïa uta u samla uba rah ïa ki atiar jong u, bad u la ong ïa u, “To sei ïa ka waitlam, to pynïap ïa nga, ba ki briew kin ym ong shaphang jong nga, ‘Ka kynthei ka la pynïap ïa u.’ ” Te uta u samla jong u, u la dung lyngba ïa u, bad u la ïap.

1 SAMUEL 14:6

Bad u Jonathan u la ong ha uta u samla uba rah ïa ki atiar jong u, “Ïa ngin ïaryngkang sha kata ka karod jong kine kiba khlem otsher: lehse U Trai un ïatrei lem bad ngi: namar ym don ka jingwit ïa U Trai ban pynim da ki babun lane da ki bakhyndiat.”

1 SAMUEL 17:26

Te u Dabid u la kren ha kita ki briew kiba ïeng hajan jong u, u da ong, “Yn leh aïu ïa uta u briew u ban pynïap ïa une u Philistia, bad u ban pynduh noh ïa kane kaba jahburom na Israel? naba uei une u Philistia uba khlem otsher, ba u beiñ ïa ki paidïapom jong U Blei u ba-im?”

1 SAMUEL 17:36

Kumta u shakri jong me u la pynïap ïa uta u sing bad ïa kata ka dngiem: te une u Philistia uba khlem otsher un long kum uwei na kita, namar ba u la beiñ ïa ki paidïapom jong U Blei u ba-im.”

1 SAMUEL 26:10

U Dabid u la ong ruh, “Katba im U Trai, U Trai hi un shoh ïap ïa u; lane kan poi hi ka sngi jong u ïa ka ban ïap; lane un hiar thma, bad un ïap.

1 SAMUEL 31:5

Bad haba uta u nongrah atiar jong u, u la ïohi ba u la ïap u Saul, u ruh u la hap ha la ka waitlam, bad u la ïap lem bad u.