1 SAMUEL 30:8 - KA BAIBL

⁸ Te u Dabid u la kylli na U Trai, u da ong, “Lada ngan beh nadien une u paid, ngan lap ïa u ne em?” U ruh U la ïathuh ha u, “To beh; namar men lap shisha, bad da shisha men ïoh pat ïa kiei kiei baroh.”

Khasi CL Bible (BSI)

⁸ U Dabid u kylli na U Trai, “Ngan leit beh ne em ïa kine ki nonglute? Ngan lap ne em ïa ki?” U jubab, “Khie leit beh ïa ki; men lap ïa ki, bad men pyllait ïa kiba la shah ringmraw.”

1 SAMUEL 30:8 ပူးပေါင်းရင်းမြစ်များ

JENESIS 14:16

Bad u la wallam pat ïa kata ka spah baroh, bad ïa u Lot ruh u khunruid jong u, bad ïa ka spah jong u ruh, u la wallam pat keiñ, bad ïa ki kynthei ruh de, bad ïa u paidlang.

2 SAMUEL 5:19

Te u Dabid u la kylli na U Trai, u da ong, “Ngan leit kiew ne em ban ïaleh ïa ki Philistia? Men ai noh ne em ïa ki ha ka kti jong nga?” Bad U Trai u la ïathuh ha u Dabid, “Khie leit kiew; naba ngan ai noh shisha ïa kine ki Philistia ha ka kti jong me.”

2 SAMUEL 5:23

Te haba u Dabid u la kylli na U Trai, U la ong ha u, “Wat leit kiew: hynrei, leit sawdong na shadien jong ki, bad kyntur sha ki ha marpyrshah kita ki dieng Bekaim.

SALM 50:15

bad to khot kyrpad ha nga ha ka sngi ka jingjynjar: ngan pyllait ïa me, te men pyndonburom ïa nga.

SALM 91:15

Un khot kyrpad ïa nga, nga ruh ngan phai ktien ïa u; ha ka jynjar ngan long lem bad u: ngan pyllait ïa u, bad ngan pyndonburom ïa u.

EKSODOS 15:9

Uta u nongshun u la ong, ‘Ngan sa beh, ngan sa lap, ngan sa pynïabynta ïa ka jinglute: yn sa pynhun ïa ka jingkwah jong nga halor jong ki; ngan sei ïa la ka waitlam, ka kti jong nga kan sa pynjot ïa ki.’

JINGKHEIÑ 27:21

Te un ïeng ha khmat u Eleasar lyngdoh, u ban ïakylli na ka bynta jong u, katba kum ka jingbishar ki Urim ha khmat U Trai: da ka ktien jong u, kin ïamih noh shabar, bad da ka ktien jong u, kin ïawan shapoh, ma u, bad ki khun Israel baroh ryngkat bad u, bad u paidlang baroh ruh de.”

NONGBISHAR 20:18

Te ki khun Israel ki la ïaïeng, bad ki la ïaleit kiew sha Bethel, bad ki la ïakylli na U Blei; ki la ong ruh, “Uno u ban leit kiew nyngkong na ka bynta jong ngi ban ïaleh thma ïa ki khun u Benjamin?” U Trai te u la ong, “U Judah un leit kiew nyngkong.”

NONGBISHAR 20:23

(Te ki khun Israel ki la ïaleit kiew bad ki la ïam ha khmat U Trai ha ban da la janmiet; bad ki ïakylli ïa U Trai, ki da ong, “Ngan leit kiew pat ban ïaleh thma ïa ki khun u Benjamin u para jong nga?” U Trai te u la ong, “Leit kiew ban ïaleh ïa u.”)

NONGBISHAR 20:28

bad u Phinehas, u khun u Eleasar, u khun u Aaron, u la ïeng ha khmat jong ka ha kita ki sngi,) ki da ong, “Ngan dang leit shuh sha ka thma ïa ki khun u Benjamin u para jong nga, ne ngan keiñ noh?” Te U Trai u la ong, “Khie leit; namar lashai ngan ai noh ïa u ha ka kti jong me.”

NONGBISHAR 8:4

U Gideon te u la wan sha Jordan, bad u la ryngkang sha shiliang, ma u, bad kita ki laispah ngut kiba bad u, kiba la sngewtlot, pynban ki dang ïabeh.

1 SAMUEL 10:22

Namar kata, ki la kylli shuh ïa U Trai, “La uta u briew un wan pat shane ne em?” Bad U Trai u la ïathuh, “Ha khmih, u rieh ïa lade hapdeng kita ki jingbuh.”

1 SAMUEL 14:37

Bad u Saul u la kylli na U Blei, “Ngan leit hiar ne em hadien kine ki Philistia? ma me ruh men aiti noh ne em ïa ki ha ka kti ki Israel?” Hynrei, um shym phai ktien ha u ha kata ka sngi.

1 SAMUEL 23:2

Namar kata, u Dabid u la kylli na U Trai, u da ong, “Ngan leit ne em, bad ngan pom ïa kine ki Philistia?” Te U Trai u la ïathuh ha u Dabid, “Khie leit, bad pom ïa ki Philistia, bad pyllait im ïa ka Keilah.”

1 SAMUEL 23:4

Ynda kumta, u Dabid u la kylli pat na U Trai. Bad U Trai u la ïathuh ha u bad u la ong, “To ïeng, to leit hiar sha Keilah; namar ngan sa aiti ïa ki Philistia ha ka kti jong me.”

1 SAMUEL 28:6

Bad haba u la kylli na U Trai, U Trai um shym ïathuh ha u, lymne da ki jingphohsniew, lymne da ki Urim, lymne da ki nongïathuhlypa de.

1 SAMUEL 30:18

Bad u Dabid u la ïoh pat ïa kiei kiei baroh kiba ki la lah shim ki Amalek: bad u Dabid u la pynim pat ïa la ki tnga baroh ar ngut.

1 SAMUEL 30:19

Te kim shym la duna ei ei ruh, lymne ka barit lymne ka bakhraw, lymne u khun shynrang lymne ka khun kynthei, lymne ka jinglute, lymne kaei kaei ruh na kita kiba ki la shim noh: u Dabid u la wallam pat ïa kiei kiei baroh.