1 SAMUEL 30:6 - KA BAIBL

⁶ Te u Dabid u la sngewpisa eh; naba kita ki paidbah ki la ïa-ong ban lynthem maw ïa u, namar ki mynsiem jong kita ki briew baroh ki la kthang, uwei pa uwei namar la ki khun shynrang bad namar la ki khun kynthei; hynrei, u Dabid u la pynkhlaiñ ïa lade ha U Trai U Blei jong u.

Khasi CL Bible (BSI)

⁶ U Dabid u don mynta ha ka jingma kaba khraw, namar ki briew jong u kiba la sngewkthang haba ki la duh ïa la ki khun ki kti bad ki byrngem ban lynthem maw ïa u; hynrei U Trai U Blei jong u, u ai ha u ka jingshlur.

1 SAMUEL 30:6 ပူးပေါင်းရင်းမြစ်များ

JENESIS 32:7

Ynda kumta, u Jakob u la sheptieng shikatdei eh bad u la sngewjynjar: bad u la pynbynta ïa kita ki briew kiba la don lem bad u, bad ïa ki kynhun langbrot, bad ïa ki masi, bad ïa ki ut, ha ki ar kynhun;

2 SAMUEL 17:8

U Hushai u la ong ruh, “Me ithuh ïa la u kpa bad ïa ki rangbah jong u, ba ki long kiba shynrang ki briew, bad kiba bitar la ki jingmut, kum ka dngiem kaba la jah noh la ki khun ha khlaw: u kpa jong me u long u riewïapom ruh, te un ym sah miet ryngkat bad u paidbah.

2 SYIEM 4:27

Te ynda ka la poi ha uta u briew jong U Blei ha uta u lum, ka la bat na ki kjat jong u. Bad u Gehasi u la wan hajan ban beh noh ïa ka; hynrei, uta u briew jong U Blei u la ong, “To ieh ïa ka: namar ka mynsiem jong ka, ka khuslai hapoh jong ka; bad U Trai u la buhrieh ïa kata na nga, bad um shym la ïathuh ha nga.”

Ka Kitab U Job 13:15

La u pynïap ruh ïa nga, pynban, ngan ap ïa u: la kumta ruh, ngan da ïa la ki lynti ha khmat jong u.

SALM 116:10

Nga ngeit, naba ngan kren: “La pynjynjar shibun ïa nga:”

SALM 138:3

Ha ka sngi kaba nga la khot me la sngap ïa nga, da ka bor ha ka mynsiem jong nga me la pynshngain ïa nga.

SALM 18:2

U Trai u long u mawsiang jong nga, bad ka kut jong nga, bad u nongpyllait jong nga; U Blei jong nga, u mawsiang baskhem jong nga, ha u keiñ ngan shaniah; ka stieh jong nga, bad ka reng ka jingpynim jong nga, ka kut bajrong jong nga.

SALM 18:6

Ha la ka jingpisa nga la khot kyrpad ha U Trai, bad nga la kyang ha U Blei jong nga: u la ïohsngew ïa ka ktien jong nga na ka templ jong u, bad ka jingkyang jong nga ha khmat jong u ka la poi sha ki shkor jong u.

SALM 25:17

Ïa ki jingshitom ka dohnud jong nga la pynkhraw: A to pynmih noh ma me ïa nga na ki jingshipa jong nga.

SALM 27:14

To da ap khmih ha U Trai: to long khlaiñ, bad to pynshlur ïa la ka dohnud; shisha keiñ, to ap khmih ha U Trai.

SALM 31:24

To long khlaiñ, bad to long shlur ka dohnud jong phi, phi baroh kiba kyrmen ha U Trai.

SALM 42:11

Balei pha long kaba la pynnoh, ko ka mynsiem jong nga? Bad balei ba pha pynkhih hapoh jong nga? To kyrmen pha ha U Blei: naba ngan sa ïaroh ïa u pat, uba long ka jingkhiah ka khmat jong nga, bad U Blei jong nga.

SALM 42:5

Balei pha long kaba la pynnoh, ko ka mynsiem jong nga? bad ba pha pynkhih hapoh jong nga? To kyrmen pha ha U Blei: naba ngan sa ïaroh ïa u pat namar ka jingkhiah ka khmat jong u.

SALM 42:7

Ka jingjylliew ka pyrta ha ka jingjylliew ha ka jingsawa ki kshaid jong me: ki jingat phyllung jong me baroh bad ki jingat um jong me ki la shlei halor jong nga.

SALM 56:11

Ha U Blei nga la shaniah, ngan ym sheptieng; u briew u lah leh aïu ïa nga?

SALM 62:1

Ka mynsiem jong nga ka ap kyrmen tang ha U Blei: na u ka wan ka jingpynim jong nga.

SALM 62:5

Ko mynsiem jong nga, to ap kyrmen tang ha U Blei; naba ka jingkhmih lynti jong nga ka long na u.

SALM 71:4

To pyllait im ïa nga, A U Blei jong nga, na ka kti u bymman, na ka kti jong u briew bymhok bad uba dom.

SALM 71:5

Naba me long ka jingkyrmen jong nga, A Trai U Blei: me long ka jingshaniah jong nga naduh nga dang samla.

EKSODOS 17:4

Te u Moses u la kyrpad jam ha U Trai, u da ong, “Ngan leh aïu ïa une u paidbah? Sa khyndiat kin sa lynthem ïa nga.”

PROBERB 18:10

Ka kyrteng U Trai ka long ka kut baskhem: u bahok u phet sha ka, bad u skhem.

ISAÏAH 25:4

Namar me la long ka kut baskhem ïa u baduk, ka kut baskhem ïa u bakyrduh, ha ka jingshipa jong u, ka jaka rieh na ka 'erïong, ka syrngiew na ka jingshit, haba ka jingbeh lyer jong kiba beh ishyrkhei ka long kum ka 'erïong pyrshah ka kynroh.

JEREMAÏAH 16:19

A Trai, ka bor jong nga, bad ka kut baskhem jong nga, bad ka jaka rieh jong nga ha ka sngi ka jingjynjar, sha me ki jaid bynriew kin wan na ki bakut ka khyndew, bad kin ong, “Ki kpa jong ngi kim shym ïoh ei ei, hynrei, tang ki jinglamler, ïa ka jingthala keiñ, bad kiei kiei ki bym pynmyntoi.

JONAH 2:2

bad u la ong, “Nga la kyrpad ha U Trai namar ka jingjynjar jong nga, te u la phai ktien ha nga; na ka kpoh ka dujok nga la kyang, bad me la ïohsngew ïa ka ktien jong nga.

JINGKHEIÑ 14:10

Hynrei, uta u paidbah baroh, u la ong ban lynthem ïa ki da ki maw. Te ka burom U Trai ka la paw ha Ka Tabernakl ka jingïaseng ha khmat ki khun Israel baroh.

MATHAÏOS 21:9

Kita ki paidbah de kiba ïaid sha shuwa, bad kita kiba bud nadien, ki la ïapyrta, ki da ong, “Hosanna ïa U Khun u Dabid! Long ba la kyrkhu ïa uta uba wan ha ka kyrteng U Trai! Hosanna ha kiba jrong tam eh!”

MATHAÏOS 27:22

U Pilat u la ong ha ki, “Haba kumta, ngan leh kumno ïa U Jisu, ïa uba ki khot ‘U Khrist’?” Ki ong baroh ha u, “To ai ba yn sahnarphna ïa U.”

ÏOANNIS 8:59

Ynda kumta, ki la ïarah ïa ki maw ba kin ïoh lynthem ïa u, hynrei, U Jisu u la buhrieh ïa lade, bad u la mih noh na ka templ.

Ka Shithi U Paul Sha Ki Nong Rom 4:18

Uba khlem ka jingkyrmen, pynban, u la ngeit ha ka jingkyrmen, ïa kaba un jia long ma u, u kpa kiba bun ki jaid bynriew katba kum kata ïa kaba la ong: “Kumta uta u symbai jong me un long.”

Ka Shithi U Paul Sha Ki Nong Rom 4:20

bad da kaba u khmih ha kata ka jingkular ka jong U Blei, um shym la lyngngoh artatien da ka jingbymngeit; hynrei, la pynkhlaiñ ïa u ha kata ka jingngeit, u da pyndonburom ïa U Blei;

Ka Shithi U Paul Sha Ki Nong Rom 8:31

Kumno te ngin ïa-ong ïa kine kiei kiei ruh? Lada U Blei u long na ka bynta jong ngi, uei uta u ban ïaleh bad ngi?

2 KORINTH 1:6

Te la ka long ba la pynjynjar ïa ngi, ka long na ka bynta ka jingpyntngen bad ka jingpynim ïa phi; lane la ka long ba la pyntngen ïa ngi, ka long na ka bynta ka jingpyntngen bad ka jingpynim ïa phi keiñ, kaba trei ha kaba ïaishah ïa kijuh ki jingshah ïa kiba ngi ruh ngi shah.

2 KORINTH 4:8

Ha kiei kiei baroh la pynjynjar sat ïa ngi, hynrei, ym shym la pynshipa ïa ngi; la tap baïong ïa ngi, hynrei, ym ha ban da kut lad;

2 KORINTH 7:5

Namar haba ngi la lah poi ha Makedonia ruh, ka met jong ngi kam shym ïoh suk khyndiat; hynrei, ha kiei kiei baroh la pynjynjar ïa ngi, habar don ki jingïaleh, hapoh ka jingsheptieng.

HEBRU 13:6

Ba kumta, da ka jingsngewshlur bha ngi ong, “U Trai u long u nongïarap jong nga, ngan ym sheptieng: u briew un leh aïu ïa nga?”

NONGBISHAR 18:25

Bad ki khun u Dan ki la ong ha u, “Wat ai ban ïohsngew shuh ïa ka ktien jong me hapdeng jong ngi, ïoh ba ki briew babitar kin kynrup ïa me, bad men duh ïa la ka jingim, bad ki jingim kiba ha ïing jong me de.”

NONGBISHAR 20:22

Bad uta u paidbah, u paidbah Israel keiñ, u la pynshlur ïa lade, bad ki la khreh pat riang ïa ka thma ha kajuh ka jaka ha kaba ki la khreh ha ka sngi nyngkong.

1 SAMUEL 1:10

Bad ka la kthang ka mynsiem jong ka, ka la duwai ruh ha U Trai, ka da ïam eh.

1 SAMUEL 23:16

Te u Jonathan u khun u Saul u la ïeng, bad u la leit sha u Dabid ha kata ka 'law lynnong; bad u la kyrshan bor ïa ka kti jong u ha U Blei.

1 SAMUEL 28:15

Te u Samuel u la ong ha u Saul, “Balei ba me la pynkhih ïa nga, ïa ka ban pynmih ïa nga?” Te u Saul u la ïathuh, “Ma nga, nga la shipa noh khop; namar ki Philistia ki ïaleh thma ïa nga, bad U Blei u la kynriah noh na nga, bad um ïathuh shuh ïa nga, lymne da ki nongïathuhlypa, lymne da ki jingphohsniew; namar kata, nga la khot ïa me, ba men pyntip ïa nga ïa kaei kaba nga dei ban leh.”