1 SAMUEL 3:6 - KA BAIBL

⁶ Te U Trai u la nang khot ïa u pat, “Samuel.” Bad u Samuel u la khie bad u la leit sha u Eli, bad u la ong, “Nga hangne; ba me la khot ïa nga.” U te u la ong, “Ngam shym khot, ko khun; leit thiah pat.”

Khasi CL Bible (BSI)

^6-7 U Trai u khot biang ïa u Samuel. U khynnah um shym tip satia ba dei U Trai, namar U Trai um pat ju la kren bad u mynshuwa. Kumta u khie joit bad u leit sha u Eli, bad u ong, “Phi khot ïa nga, bad nga hangne.” Hynrei u Eli u jubab, “Khun jong nga, ngam shym khot ïa phi; khie leit thiah biang.”

1 SAMUEL 3:6 ပူးပေါင်းရင်းမြစ်များ

JENESIS 43:29

U ruh u la khmied ïa la ki khmat, bad u la ïohi ïa la u para, u Benjamin, u khun ka kmie jong u hi, bad u la ong, “Une u long u para bakhatduh eh jong phi, uba phi la ong shaphang jong u ha nga?” Ynda kumta, u la ong, “U Blei un isynei ïa me, ko khun.”

2 SAMUEL 18:22

Ynda kumta, u Ahimaas u khun u Sadok u la ong pat sa shi sien ha u Joab, “La kumno kumno ruh, nga kyrpad ïa me, to shah ïa nga ruh ban phet hadien u Kushi.” U Joab te u la ïathuh, “Ïa ka ban lei men phet ma me, ko khun, haba mem ïohnong na kane ka jingbna?”

MATHAÏOS 9:2

Ha khmih ruh, ki la ïawallam ha u ïa u bapang ïapshiliang, uba thiah ha ka jingthiah: te haba U Jisu u la ïohi ïa ka jingngeit jong ki, u la ong ha uta u bapang ïapshiliang, “To kyrmen, ko khun; la map noh ïa me ïa ki pop jong me.”

1 SAMUEL 3:5

Bad u la phet sha u Eli, bad u la ong, “Nga hangne: ba me la khot ïa nga.” U te u la ong, “Ngam shym khot; leit thiah pat.” Bad u la leit bad u la thiah.

1 SAMUEL 3:7

Te u Samuel um pat shym la ithuh ïa U Trai, lymne ym pat shym la pynpaw ha u ïa ka ktien U Trai.

1 SAMUEL 4:16

Bad uta u briew u la ong ha u Eli, “Nga long uta uba la wan na u paidïapom, bad ha kane ka sngi nga la wan phet na uta u paidïapom.” U te u la ong, “Kumno ka la long, ko khun?”