1 SAMUEL 3:2 - KA BAIBL

² Te ha kata ka por, mynba u Eli u dang thiah ha la ka jaka, haba ki khmat jong u ki la sdang ban byrïe, ba um lah ban ïohi,

Khasi CL Bible (BSI)

² Ha kawei ka miet u Eli, uba la kham byr-ïe ki khmat, u thiah ha la ka kamra;

1 SAMUEL 3:2 ပူးပေါင်းရင်းမြစ်များ

JENESIS 27:1

Ka la jia ruh, ba haba la tymmen u Isaak, bad ba ki khmat jong u ki la byrngut, katba um imat shynna shuh, ba u la khot ïa u Iso u khun u banyngkong jong u, bad u la ong ha u, “Ko khun”; u te u la ong ha u, “Ha khmih, ma nga.”

JENESIS 48:10

Te ki khmat u Israel ki la ïabyrngut namar ba la tymmen, katba um lah imat shuh: bad u la wallam ïa ki hajan jong u; bad u la doh ïa ki, bad u la kdup ïa ki ruh de.

JENESIS 48:19

Te u kpa jong u, u la kyrngah bad u la ong, “Nga tip ma nga, ko khun, nga tip ma nga: une ruh un long u paidbah, bad un long u bakhraw une ruh de: hynrei, shisha u para uba hadien jong u un long uba kham khraw ïa u, bad u symbai jong u un long ka jingpyndap ki jaid bynriew.”

1 SYIEM 14:4

Te ka tnga u Jeroboam ka la leh kumta bad haba ka la ïeng, ka la leit sha Sheiloh, bad ka la poi ha ïing u Ahijah. Te u Ahijah um lah ban ïohi; namar ki khmat jong u ki la byrïe namar ba u la tymmen.

SALM 90:10

Ki sngi ki snem jong ngi ki long hynñiewphew snem, lane namar bakhlaiñ eh phraphew snem; pynban, ka jingsarong jong ki ka long tang ka jingshitom bad ka jingsngewsih; naba ka la duh shen shen bad ngi her noh.

EKLESIASTIS 12:3

ha ka sngi ba ki nongsumar ïing kin khynñiuh, bad ba ki riewkhlaiñ hi kin 'dor ryngkdung, bad ba ki nongtylliat kin wai noh namar ba ki la khyndiat, bad ba kita kiba khmih na ki jingkhang ïit ki la dum,

1 SAMUEL 2:22

Te u Eli u la tymmen eh; bad u la ïohsngew baroh ba ki khun jong u ki la leh ha ki Israel baroh, kumno ba ki la ju thiah ruh bad kita ki kynthei kiba ju shakri ha ka jingkhang Ka Tabernakl ka jingïaseng.

1 SAMUEL 4:15

Te u Eli u la khyndaiphew phra snem ka rta; bad ki khmat jong u ki la byrïe, ba um lah ïohi shuh.