1 SAMUEL 3:17 - KA BAIBL

¹⁷ Bad u la ong, “Kaei kata kaba U Trai u la kren ha me? Nga kyrpad ïa me wat buhrieh ïa ka na nga: U Blei un leh kumne ïa me, bad tam ruh, lada men buhrieh ei ei na nga na kita kiei kiei baroh kiba u la kren ha me.”

Khasi CL Bible (BSI)

¹⁷ “U Trai u ïathuh aïu ha phi?” u Eli u kylli. “Wat buhrieh ei ei na nga. U Blei un pynshitom jur ïa phi lada phim ïathuh lut ha nga kat ïa kaba u la ong.”

1 SAMUEL 3:17 ပူးပေါင်းရင်းမြစ်များ

2 SAMUEL 14:18

Ynda kumta, u syiem u la ïathuh bad u la ong ha kata ka briew, “Nga kyrpad ïa pha, to wat buhrieh ei ei na kane kaba ngan sa kylli ïa pha.” Te kata ka kynthei ka la ong, “To un kren te u syiem kynrad jong nga.”

2 SAMUEL 19:13

To ong ha u Amasa ruh, ‘Me mem long ka shyieng jong nga bad ka doh jong nga? U Blei un leh kumne ïa nga, bad un pyntam ruh, lada me men ym long kaptan u paidïapom ha khmat jong nga ha la ka sngi ha ka jaka u Joab.’ ”

2 SAMUEL 3:35

Te u paidbah baroh ki la ïawan katba ka dang shai ïa ka ban pynbam kpu ïa u Dabid; hynrei, u Dabid u la smai, u da ong, “Kumne U Blei un leh ïa nga, bad tam ruh, lada ngan mad ïa u kpu, lymne ïa kaei kaei ruh, tad ynda la sep ka sngi.”

2 SAMUEL 3:9

To U Blei un leh kumta ïa u Abner, bad un pyntam ruh, lada, kumba U Trai u la smai ha u Dabid, nga ngam leh kumta ïa u;

1 SYIEM 22:16

U syiem te u la ong ha u, “Katno sien ngan pynsmai ïa me ba men ym kren ha nga ei ei ruh, hynrei, tang ka jingshisha ha ka kyrteng U Trai?”

2 SYIEM 6:31

Ynda kumta, u la ong, “To U Blei un leh kumta ïa nga, bad kham tam ruh, lada ka khlieh u Elisha u khun u Shaphat kan neh ha u ha kane ka sngi.”

SALM 141:5

Ai ba u riewhok un sympat ïa nga, kan long ka jinglehsbun; ai ba uta un sneng ïa nga, kan long kum ka umphniang halor ka khlieh; to ka khlieh jong nga kan ym kyntait ïa ka: naba wat ha ka jingsniew jong ki, ka jingduwai jong nga ka ïaineh.

JEREMAÏAH 38:14

Te u Sedekaïah syiem u la phah khot, bad u la ïalam ïa u Jeremaïah u nongïathuhlypa ha u sha ka khyrdop ka balai kaba don ha ka ïing U Trai: bad u syiem u la ong ha u Jeremaïah, “Ngan kylli ei ei ïa me; wat buhrieh ei ei ruh na nga.”

JEREMAÏAH 42:4

Ynda kumta, u Jeremaïah u nongïathuhlypa u la ong ha ki, “Nga la shahshkor ïa phi; ha khmih, ngan duwai ha U Trai U Blei jong phi katba kum ki ktien jong phi: te ïa kaei kaei ba U Trai un phai ktien ïa phi ngan pynpaw ïa ka ha phi, ngan ym buhrieh ei ei na phi.”

DANIEL 4:19

Ynda kumta, u Daniel, uba kyrteng “u Belteshassar”, u la lyngngoh shi por, bad ki jingpyrkhat jong u ki la pynkhuslai ïa u. U syiem u la kren bad u la ong, “Ko Belteshassar, wat ai ba kata ka jingphohsniew, lane ka jingbatai, kan pynkhuslai ïa me.” U Belteshassar u la ïathuh bad u la ong, “Ko kynrad jong nga, kata ka jingphohsniew to kan long ïa ki nongshun jong me, bad ka jingbatai jong ka, ïa ki nongïaleh ïa me.

MIKAH 2:7

Hato yn ong, ‘A ka ïing u Jakob, La pynkhim ïa U Mynsiem U Trai? kine ki long ki jingleh jong u? Hato ki ktien jong nga kim leh bha ïa uta uba ïaid hok?’

JINGKHEIÑ 23:17

Te haba u la wan poi ha u, ha khmih, u dang ïeng hajan ka jingainguh thang jong u, bad ki rangbah Moab lem bad u. Te u Balak u la ong ha u, “U la kren aïu U Trai?”

MATHAÏOS 26:63

Hynrei, U Jisu u la shu sngap. Te u rangbah lyngdoh u da ïathuh u la ong ha U, “Nga pynsmai ïa me ha U Blei U Ba-im, ba men ïathuh ha ngi, la me long uba U Khrist, U Khun U Blei!”

RUTH 1:17

ha kaba phan ïap ma pha, hangta hi nga ruh ngan ïap, hangta ruh yn tep ïa nga: to U Trai un leh kumta ïa nga, bad tam ruh, lada ei ei sa tang ka jingïap ka ban pynkhlad ïa nga na pha.”

1 SAMUEL 14:44

U Saul te u la ong, “U Blei un leh kumta bad tam ruh: naba men ïap shisha, ko Jonathan.”

1 SAMUEL 20:13

U Trai un leh kumta, bad tam ruh, ïa u Jonathan, lada u kpa jong nga un ibit ban pynsniew ïa me, bad ba ngan ym ïathuh ïa me bad pyllait noh ïa me, ba men ïoh leit ha kaba suk: te U Trai to un long lem bad me, kumba u la long bad u kpa jong nga.

1 SAMUEL 25:22

To U Blei un leh kumta bad tam ruh ïa ki nongshun u Dabid, lada ngan pynsah im na kiei kiei baroh ki jong u hamar ba ka la shai mynstep ïa uwei ruh u khun shynrang.”

1 SAMUEL 3:16

Te u Eli u la khot ïa u Samuel, bad u la ong, “Ko Samuel, u khun jong nga,” u ruh u la ong, “Nga hangne.”