1 SAMUEL 3:14 - KA BAIBL

¹⁴ Namar kata, nga la smai ha ka ïing u Eli, ba yn ym sait ïa ka jingbymman ka ïing u Eli da ka jingkñia lymne da ka jingainguh junom.”

Khasi CL Bible (BSI)

¹⁴ Namar kata nga la pynbna da ka jingsngewkhia ba ha ka ïing u Eli yn ym don jingkñia lane ka jingainguh kaba lah ban weng noh ïa kane ka pop bashyrkhei ba ka ïing jong u ka la leh.”

1 SAMUEL 3:14 ပူးပေါင်းရင်းမြစ်များ

SALM 51:16

Namar me mem sngewmon ïa ka jingkñia; ne nga la ai ïa ka: mem sngewbha ïa ka jingainguh thang.

ISAÏAH 22:14

Te U Trai ki paid u la pasiaw ïa lade ha ki shkor jong nga, “Da shisha ïa kane ka jingbymhok yn ym pyndam noh na phi haduh ba phin da ïap, ong U Trai, U Trai ki paid.”

JEREMAÏAH 15:1

Ynda kumta U Trai u la ong ha nga, “La u Moses bad u Samuel ki ïeng ha khmat jong nga, pynban, ka jingmut jong nga kam lah ban phai sha kine ki briew: to shop noh ïa ki na khmat jong nga, bad to kin leit noh.

JEREMAÏAH 7:16

“Namar kata, me to wat duwai na ka bynta une u paidbah, lymne wat pynjam ka jingpyrta lane ka jingduwai na ka bynta jong ki, lymne wat pynlong ka jingïasaid ha nga: naba ngan ym sngap ïa me.

ESEKIEL 24:13

Ha ka jingtngit jong pha ka don ka jingleh awria: namar nga la pynkhuid ïa pha bad pham khuid satia, phan ym khuid shuh na ka jingtngit jong pha, haduh ba ngan da pynhun ïa la ka jingbitar shla halor jong pha.

LEBITIKOS 15:31

“Kumta hi, phin pynkyrpang ïa ki khun Israel na ki jingbymkhuid jong ki; ba kin ym ïap noh ha ka jingbymkhuid jong ki, da kaba pynlong bymkhuid ïa Ka Tabernakl jong nga kaba hapdeng jong ki.”

1 SAMUEL 2:25

Lada u briew un leh pop ïa u parabriew, U Blei un bishar ïa u; hynrei, lada u briew un leh pop ïa U Trai, uei u ban ïasaid na ka bynta jong u?” Pynban, kim shym sngap ïa ka ktien u kpa jong ki, naba U Trai u la thew ban pynïap noh ïa ki.