1 SAMUEL 3:13 - KA BAIBL

¹³ Namar nga la ong ha u hi ba ngan bishar pynrem junom ïa ka ïing jong u, namar kata ka jingbymman kaba u tip ma u, naba ki khun jong u ki la pynlong ka jingtim ïa lade, u te um shym la khang ïa ki.

Khasi CL Bible (BSI)

¹³ Nga lah da ïathuh ha u ba ngan pynshitom ïa ka ïing jong u junom, namar ki khun shynrang jong u ki la kren sniew pyrshah ïa nga. U Eli u tip ba ki leh kumne hynrei bad um shym la khang ïa ki.

1 SAMUEL 3:13 ပူးပေါင်းရင်းမြစ်များ

1 SYIEM 1:6

Te u kpa jong u um ju pynsngewsih ïa u mynno mynno ruh ban ong, “Balei me la leh kumta?” Bad u la long ruh uba bhabriew eh; bad la kha ïa u de hadien u Absalom.

1 SYIEM 2:44

U syiem u la ong ruh ha u Shimei, “Me tip ïa ka jingsniew baroh kaba ka dohnud jong me ka rieh, kaba me la leh ïa u Dabid u kpa jong nga: namar kata, U Trai un pynphai ïa ka jingsniew jong me halor ka khlieh jong me hi.

2 KHRONIKL 20:12

A U Blei jong ngi, hato men ym bishar ïa ki? namar ngim don bor ban ïaleh ïa une u paid bakhraw uba wan ban ïaleh ïa ngi; lymne ngim tip aïu ngin leh: hynrei, ki khmat jong ngi ki long ha me.”

PROBERB 19:18

To sneng ïa la u khun, haba don ka jingkyrmen; bad wat thew la ka dohnud ban pynïap ïa u.

PROBERB 29:15

U dieng sympat bad ka jingsneng ki ai ka jingstad: hynrei, u khynnah ba la shu iehnoh katba mon u pynlehrain ïa la ka kmie.

EKLESIASTIS 7:22

namar bunsien ruh ka dohnud jong me hi ka tip ba ma me hi kumjuh me la tim ïa kiwei.

ESEKIEL 18:30

“Namar kata, ngan bishar ïa phi, ko ka ïing Israel, ïa uwei uwei baroh katba kum ki lynti jong u hi,” ong U Trai U Blei. “To phai pat phi, to phai ïa lade na ki jingpalat jong phi baroh; kumta ka jingbymhok kan ym long ka jingjot jong phi.

ESEKIEL 7:3

Mynta ka bakut ka la wan ha pha, bad ngan phah ïa ka jingbitar jong nga ha pha, bad ngan bishar ïa pha kat kum ki lynti jong pha; bad ngan wallam halor jong pha ïa ki jingijli jong pha baroh.

JOEL 3:12

“Ai ki jaid bynriew kin pynkhih ïa lade, bad kin wan kiew sha Ka Them u Jehoshaphat: naba hangta ngan shong ïa ka ban bishar baroh ïa ki jaid bynriew kylleng sawdong.

MATHAÏOS 10:37

Uta uba ieit ïa u kpa lane ka kmie nalor jong nga, ym dei ïa u ban ïoh ïa nga; bad uta uba ieit ïa u khun lane ïa ka khun nalor jong nga, ym dei ïa u ban ïoh ïa nga.

DEUTERONOMI 17:12

Te uta u briew uba nud leh meng khlem da shahshkor ïa uta u lyngdoh uba ïeng ban shakri hangta ha khmat U Trai uba U Blei jong me, lane ïa uta u nongbishar, te ïa uta u briew yn pynïap noh: bad men ïoh pynduh noh ïa kata ka basniew na Israel.

DEUTERONOMI 21:18

“Lada u briew u don u khun uba mutlop bad uba kiat, u bymkohnguh ïa ka ktien u kpa jong u, lane ïa ka ktien ka kmie jong u, bad haba ki la sneng ïa u ruh, um sngap ïa ki:

1 ÏOANNIS 3:20

ha kita kiei kiei ba kata ka dohnud jong ngi ka pynrem ïa ngi; naba U Blei u long uba kham khraw ïa ka dohnud jong ngi, bad u tip ïa kiei kiei baroh.

1 SAMUEL 2:12

Te ki khun u Eli ki la long ki khun u Belial; kim ithuh ïa U Trai.

1 SAMUEL 2:17

Kumta, ka pop jong kita ki samla ka la khraw eh ha khmat U Trai; naba ki briew ki la isih ïa ka jingainguh jong U Trai.