1 SAMUEL 3:12 - KA BAIBL

¹² Ha kata ka sngi ngan pyndep noh halor u Eli ïa kita kiei kiei baroh kiba nga la kren shaphang ka ïing jong u, naduh kaba sdang haduh ka bakut.

Khasi CL Bible (BSI)

¹² Ha kata ka sngi ngan pyndep ïa kata baroh kaba nga la kren pyrshah ïa ka ïing u Eli, naduh kaba sdang haduh kaba kut.

1 SAMUEL 3:12 ပူးပေါင်းရင်းမြစ်များ

ESEKIEL 21:5

te ka doh baroh kan tip ba nga U Trai nga la sei noh ïa la ka waitlam na ka jingsop jong ka; kan ym wan phai shuh.

SEKHARAÏAH 1:6

Hynrei, kita ki ktien jong nga bad kita ki hukum jong nga, kiba nga la hukum ïa ki shakri jong nga ki nongïathuhlypa, ki la lap ne em ïa ki kpa jong phi? bad ki la phai bad ki la ong, ‘Kumba U Trai ki paid u la thmu ban leh ïa ngi, katba kum ki lynti jong ngi, bad katba kum ki jingleh jong ngi, kumta u la leh keiñ ïa ngi.’ ”

JINGKHEIÑ 23:19

U Blei um long u briew, ba un lamler; lymne u khun u briew, ba un kylla-ka-bamut: ïa kaba U la ong, un ym leh? Lane ïa kaba U la kren, un ym pyndep noh?

LOUKAS 21:33

Ka bneng bad ka khyndew kin duh noh, hynrei, ki ktien jong nga kin ym duh noh.

JOSHUA 23:15

Te kan long, ba kumba kiei kiei baroh ki babha ki la jia ha phi ïa kiba U Trai U Blei jong phi u la ong ha phi, kumta U Trai un wallam halor jong phi ïa kiei kiei ki basniew baroh, haduh ban da la pynduh noh khoit ïa phi na kane ka ri ka babha ïa kaba U Trai U Blei jong phi u la ai ha phi.

NONGBISHAR 4:24

Te ka kti ki khun Israel ka la nang jop nang jop ïa u Jabin u syiem ka Kanaan, ha ban da ki la pynduh khoit ïa u Jabin u syiem ka Kanaan.

1 SAMUEL 4:11

Bad la knieh ïa ka synduk U Blei ruh; bad ïa kita ki ar ngut ki khun u Eli, u Hophni bad u Phinehas, la pynïap noh de.

1 SAMUEL 4:17

Bad uta uba la wallam khubor u la ïathuh bad u la ong, “Ki Israel ki la phet ïap ha khmat ki Philistia, bad ka la long ka jingpynïap kaba khraw ruh hapdeng u paidbah, ki khun jong me ruh baroh ar ngut, u Hophni bad u Phinehas, ki la ïap, bad ki la knieh ruh ïa ka synduk U Blei.”

1 SAMUEL 4:21

Bad ka la kyrteng ïa u khynnah “u Ikhabod”, da kaba ong, “Kata ka burom ka la jah noh na Israel”: namar ba la knieh ïa ka synduk U Blei, bad namar uta u kthaw kurim jong ka bad u tnga jong ka.

1 SAMUEL 4:22

Te ka la ong, “Kata ka burom ka la jah noh na Israel; namar ba la knieh ïa ka synduk U Blei.”