1 SAMUEL 27:8 - KA BAIBL

⁸ Te u Dabid bad ki rangbah jong u ki la mih ïahiar thma ïa ki Geshur, bad ïa ki Geser, bad ïa ki Amalek: namar kita kiba la ju shong mynno mynno ha kata ka ri, shaphang kaba leit sha Shur, jin haduh ka ri Ijipt keiñ.

Khasi CL Bible (BSI)

⁸ Ha kata ka por u Dabid bad ki rangbah jong u ki ju leit hiarthma ïa ki briew jong ka Geshur, ki Girsi, bad ki Amalek, kiba la ju shong ha kata ka thain naduh mynhyndai. U ju leit lute ïa ka ri jong ki haduh Shur, baroh shi lynter lynti haduh ka ri Ijipt,

1 SAMUEL 27:8 ပူးပေါင်းရင်းမြစ်များ

2 SAMUEL 14:23

Bad u Joab u la ïeng bad u la leit sha Geshur, bad u la wallam ïa u Absalom sha Jerusalem.

2 SAMUEL 14:32

U Absalom te u la ïathuh ha u Joab, “Ha khmih, nga la phah sha me, da kaba ong, ‘Ale shane, ba ngan ïoh phah ïa me sha u syiem, ïa ka ban ong, “Nga la wan noh na Geshur ïa ka ban lei? Ka la kham bha ïa nga ban sah hangto haduh mynta: mynta te, to ai ngan ïohi ïa ka khmat u syiem; bad lada don ka pop ha nga, to un pynïap ïa nga.” ’ ”

2 SAMUEL 15:8

Naba u shakri jong me u la kular ïa ka kular mynba nga la shong ha Geshur ha Syria, da kaba ong, ‘Lada shisha U Trai un wallam pat ïa nga sha Jerusalem, nga te ngan shakri ïa U Trai.’ ”

2 SAMUEL 3:22

Te ha khmih, ki shakri u Dabid bad u Joab ki la wan na kaba beh ïa uwei u paid, bad ki la wallam lem bad ki ka jinglute kaba khraw: hynrei, u Abner um shym don bad u Dabid ha Hebron; naba u la lah phah noh ïa u, u ruh u la lah leit da kaba suk.

2 SAMUEL 3:3

bad u ba-ar jong u, u Khileab, na ka Abigail ka tnga u Nabal u nong Karmel; bad u balai, u Absalom, u khun ka Maakah kaba ka khun u Talmai u syiem ka Gesur;

2 SAMUEL 8:12

kaba na ki Syria, bad na ki Moab, bad na ki khun u Ammon, bad na ki Philistia, bad na ki Amalek, bad na kata ka jinglute kaba na u Hadadeser, u khun u Rehob, u syiem ka Sobah.

1 KHRONIKL 2:23

Bad u Geshur bad u Aram ki la knieh noh ïa ki shnong u Jair na ki, lem bad ka Kenath, bad ki nongrit jong ka, jin hynriewphew ki shnong. Kine baroh ki la long ki khun shynrang u Makhir u kpa u Gilead.

EKSODOS 15:22

Kumta, u Moses u la ïalam ïa ki Israel na ka Duriaw Basaw, ki la ïaleit ruh sha ka ri khlaw jong ka Shur; te ki la ïaid lai sngi lynti ha kata ka ri khlaw, bad kim shym la shem um.

EKSODOS 17:8

Ynda kumta, la wan ki Amalek, bad ki la ïaleh thma ïa ki Israel ha Rephidim.

JINGKHEIÑ 13:29

Kita ki Amalek, ki ïashong sah ha ka ri shathie: te ha ki ri lum, ki ïashong sah ki Heth, bad ki Jebus, bad ki Amor: ki Kanaan ruh ki ïashong hajan kata ka duriaw, bad harud ka Jordan.”

JINGKHEIÑ 14:45

Te kita ki Amalek, bad kita ki Kanaan, kiba la ïashong sah ha uta u lum, ki la ïawan hiar, ki la shoh noh ruh ïa ki, bad ki la pynjot noh thiaw ïa ki, jin haduh Hormah.

JOSHUA 12:5

bad u la synshar ha u lum Hermon, bad ha Salekah, bad ha Bashan baroh, haduh ka pud ki Geshur bad ki Maakath, bad shiteng ka Gilead, ka pud u Sihon u syiem ka Heshbon.

JOSHUA 13:13

Pynban, ki khun Israel kim shym beh ïa ki Geshur, lymne ki Maakath; hynrei, ki Geshur bad ki Maakath ki la shong hapdeng ki Israel, haduh kane ka sngi.

JOSHUA 13:2

Kane ka long ka khyndew kaba dang sah: ki phang ki Philistia baroh, bad ki Geshur baroh;

JOSHUA 16:10

Te kim shym beh noh ïa ki Kanaan kiba shong ha Geser: hynrei, ki Kanaan ki shong hapdeng ki Ephraim, haduh kane ka sngi, bad ki la long shakri ba ai khajna.

NONGBISHAR 1:29

Ki Ephraim ruh kim shym la beh noh ïa ki Kanaan kiba shong ha Geser; hynrei, ki Kanaan ki la shong ha Geser hapdeng jong ki.

1 SAMUEL 29:6

Ynda kumta, u Akhish u la khot ïa u Dabid, bad u la ong ha u, “Katba im U Trai, me la long u bahok, bad ka jingmih shabar jong me bad ka jingwan shapoh jong me lem bad nga ha ka jaka shong dara ka la long kaba sngewbha ha khmat jong nga: namar ngam shym shem ïa ka pop ei ei ha me naduh kata ka sngi kaba me la wan sha nga haduh kane ka sngi: hynrei, kine ki doloi kim sngewbha ïa me.

1 SAMUEL 30:1

Te hamar kaba u Dabid bad u paidbah jong u ki la ïawan poi sha Siklag ha ka sngi ka balai, ki Amalek ki la lah hiar thma sha ka phang shathie, bad ha Siklag, bad ki la jop ïa ka Siklag, bad ki la thang ïa ka da ka ding;