1 SAMUEL 27:10 - KA BAIBL

¹⁰ Te u Akhish u la kylli, “Shano phi la hiar thma ha kane ka sngi?” Te u Dabid u la ïathuh, “Pyrshah ïa ka phang shathie ka Judah, bad pyrshah ïa ka phang shathie ki Jerahmil, bad pyrshah ïa ka phang shathie ki Ken.”

Khasi CL Bible (BSI)

¹⁰ Nangta u wan phai pat sha u Akhish, uba ju kylli ïa u, “Phi la leit lute shano ha kane ka kynti?” bad u Dabid ruh u ju ïathuh ïa u ba u la leit sha ka ri Judah kaba shathie, lane sha ka ri ki Jerahmeel, lane sha ka ri bashong ki Ken.

1 SAMUEL 27:10 ပူးပေါင်းရင်းမြစ်များ

JENESIS 27:24

U la ong ruh, “Shisha me long u Iso u khun jong nga hi?” U ruh u la ïathuh, “Nga long keiñ.”

2 SAMUEL 17:20

Bad haba ki shakri u Absalom ki la wan sha kata ka briew ha kata ka ïing, ki la ïakylli, “U Ahimaas bad u Jonathan ki hangno?” Te kata ka briew ka la ïathuh ha ki, “Ki la leit sha shiliang kata ka wah duid.” Kumta, haba ki la wad ïa ki bad ba kim shem, ki la leit phai noh sha Jerusalem.

1 KHRONIKL 2:25

Bad ki khun shynrang u Jerahmil u khun nyngkong u Hesron ki la long u Ram u khun nyngkong, bad u Bunah, bad u Oren, bad u Osem, u Ahijah.

1 KHRONIKL 2:9

Ki khun shynrang u Hesron ruh, ïa kiba la kha ha u: u Jerahmil, bad u Ram, bad u Khelubai.

SALM 119:163

Nga shun bad nga isih ïa ka lamler; hynrei, ïa ka hukum jong me nga ieit.

SALM 119:29

To pynkynriah noh na nga ïa ka lynti ka jinglamler: bad to ai sngewbha ha nga ïa ka aiñ jong me.

PROBERB 29:25

Ka jingsheptieng ïa u briew ka wallam ka jingriam: hynrei, jar uba shaniah ha U Trai un suk skhem.

JINGKHEIÑ 24:21

U la khmih ha ki Ken ruh, te u la shim ïa la ka pharshi, bad u la ong, “Ka jaka shongneh jong me kaba skhem, bad me buh ïa la ka skum ha uta u mawsiang.

EPHESOS 4:25

Naba kumta, da kaba buh noh ïa ka jinglamler, to kren ïa kaba shisha uwei pa uwei bad la u paramarjan; naba ngi ïalong ki dkhot jong ki paralok.

NONGBISHAR 1:16

Bad ki khun u Ken, u kthaw kurim jong u Moses, ki la ïaleit kiew na ka nongbah ki dieng Tlai, lem bad ki khun u Judah sha ka ri khlaw Judah, kaba shaphang shathie jong ka Arad; bad ki la ïaleit shong ruh bad kita ki briew.

NONGBISHAR 4:11

Te u Heber u nong Ken u la pynkhlad ïa lade na ki Ken, wat na ki khun u Hobab u kthaw kurim u Moses, bad u la pynïeng ïa la ka ïingjaiñ haduh uta u dieng Sning ha Saanannim, uba hajan Kedesh.

NONGBISHAR 5:24

“Kan long kaba suk ka Jael, ka tnga u Heber u nong Ken, nalor ki kynthei, kan long kaba suk ma ka nalor ki kynthei ha ka ïingjaiñ.

1 SAMUEL 15:6

Bad u Saul u la ong ha ki Ken, “Khie noh, kynriah noh, leit hiar noh napdeng kine ki Amalek, ba ïoh ngan pynjot noh ïa phi lem bad ki: namar phi la leh isynei ïa ki khun Israel baroh, mynba ki la wan mih noh na ka ri Ijipt.” Kumta ki Ken ki la kynriah noh napdeng kita ki Amalek.

1 SAMUEL 21:2

Te u Dabid u la ong ha u Ahimelekh u lyngdoh, “U syiem u la hukum ïa nga shaphang kano kano ka kam, bad u la ong ha nga, ‘Wat ai ba uno uno ruh un tip ei ei shaphang kata ka kam ïa kaba nga la phah ïa me, bad kaba nga la hukum ïa me’: te ïa ki samla nga la phah noh hangtai.

1 SAMUEL 23:27

Hynrei, u nongkit-ktien u la wan ha u Saul, u da ong, “To pynkloi, bad to wan noh; naba ki Philistia ki la wan hiar thma ha ka ri.”

1 SAMUEL 27:11

Te u Dabid um shym la pynsah im ïa u rangbah lymne ïa ka kynthei, ïa ka ban wallam sha Gath, u da ong, “Ïoh ki pynbna ïa ngi da kaba ong, ‘Kumta u la leh u Dabid,’ ” bad kumta ka la long ka rukom jong u katba u nang shong ha ka ri ki Philistia.

1 SAMUEL 29:8

Te u Dabid u la ïathuh ha u Akhish, “Hato nga la leh aïu ma nga? bad me la shem aïu ha la u shakri katba nga la wan ha khmat jong me haduh kane ka sngi, ba ngam ïoh leit ban ïaleh thma ïa ki nongshun u syiem kynrad jong nga?”

1 SAMUEL 30:29

bad ha kiba ha Rakhal, bad ha kiba ha ki nongbah ki Jerahmil, bad ha kiba ha ki nongbah ki Ken;