1 SAMUEL 26:8 - KA BAIBL

⁸ Ynda kumta, u Abishai u la ong ha u Dabid, “U Blei ha kane ka sngi u la aiti ïa u nongshun jong me ha ka kti jong me: mynta te namar kata, to shah ïa nga, nga kyrpad ïa me, ba ngan sum syndon ïa u da une u sum haduh khyndew, te ngan ym sum ar sien ïa u.”

Khasi CL Bible (BSI)

⁸ U Abishai u ong ha u Dabid, “Ha kane ka miet, U Blei u la aiti ïa u nongshun jong phi ha ka bor jong phi. Mynta shah ngan tynrah tang shisien tynrah da une u sum jong u hi haduh khyndew; ngam donkam ban da tynrah ïa u ar sien!”

1 SAMUEL 26:8 ပူးပေါင်းရင်းမြစ်များ

2 SAMUEL 16:9

Ynda kumta, u Abishai u khun ka Seruïah u la ong ha u syiem, “Balei une u 'sew ïap u tim ïa u syiem kynrad jong nga? nga kyrpad ïa me, to shah ïa nga ba ngan leit sha shiliang, ban khrai ïa ka khlieh jong u.”

SALM 31:8

te mem shym la set khop ïa nga ha ka kti u nongshun; me la buh ïa ki kjat jong nga ha ka jaka kaba kylluid.

JEREMAÏAH 40:15

Te u Johanan u khun u Kariah u la kren jar jar ha u Gedalaïah ha Mispah, u da ong, “Shah ba ngan leit, nga kyrpad ïa me, bad ngan pynïap ïa u Ishmael u khun u Nethaniah, bad yn ym don ba tip ïa kata: balei un shim ïa ka jingim jong me, khnang ba ki Jiw baroh kiba la ïalang ha me kin saphred, bad kiba sah na Judah kin ïap?”

NAHUM 1:9

Phi pun aïu pyrshah ïa U Trai? U te un pynkut noh khoit: ka jingjynjar kan ym mih ar sien.

Ka Shithi U Paul Sha Ki Nong Rom 11:32

Namar U Blei u la set lang khop ïa baroh ha ka jingbymkohnguh, ba kumta un ïoh leh isynei keiñ ïa baroh.

DEUTERONOMI 32:30

Kumno uwei un beh ïa ki shi hajar, bad ar ngut kin ïa-pynphet ïap ïa ki shiphew hajar, lymda U Mawsiang jong ki u la die noh ïa ki, bad U Trai u la aiti noh ïa ki?

JOSHUA 21:44

Bad U Trai u la ai ha ki ka jingshongthait baroh sawdong, kat kumba u la smai baroh ha ki kpa jong ki: bad ym shym don uwei u briew na ki nongshun jong ki baroh uba la ïeng ha khmat jong ki; U Trai u la ai noh ïa ki nongshun jong ki baroh ha ka kti jong ki.

NONGBISHAR 1:4

Bad u Judah u la leit kiew; bad U Trai u la aiti ïa ki Kanaan bad ïa ki Peris ha ka kti jong ki: bad ki la pynïap na ki ha Besek shiphew hajar ki rangbah.

1 SAMUEL 23:14

Te u Dabid u la shong ha ka ri khlaw ha ki kut, bad u la shong sah ha ri lum ha ka ri khlaw Siph. Te u Saul u la wad ïa u ha la ka sngi, hynrei, U Blei um shym la aiti noh ïa u ha ka kti jong u.

1 SAMUEL 24:4

Te ki rangbah u Dabid ki la ong ha u, “Ha khmih, kane hi ka sngi ba U Trai u la ong ha me shaphang jong ka, ‘Ha khmih, ngan aiti ïa u nongshun jong me ha ka kti jong me, ba men ïoh leh ïa u katba me ibit.’ ” Te u Dabid u la ïeng, bad u la ot noh ha kaba rieh ïa ka rmiang kata ka barandi kaba ha u Saul.

1 SAMUEL 24:5

Hadien kata, ka dohnud u Dabid ka la dung ïa u, namar ba u la ot noh ïa ka rmiang barandi u Saul.

1 SAMUEL 26:23

Te U Trai un ai ïa uwei pa uwei baroh ïa ka hok jong u bad ka jingïaineh jong u: namar U Trai u la aiti noh ïa me ha ka kti jong nga ha kane ka sngi, hynrei, nga ngam treh ban rah ïa la ka kti pyrshah ïa uba la sleh jong U Trai.

1 SAMUEL 26:7

Kumta, u Dabid bad u Abishai ki la wan poi sha uta u paidbah mynmiet: te, ha khmih, u Saul u thiah ba u da ïohthiah ha kata ka jaka shong dara, bad u sum jong u ba la sieh ha ka khyndew hajan ka syngkhlieh jong u: bad u Abner bad uta u paidbah ki thiah baroh sawdong ïa u.

1 SAMUEL 26:9

Te u Dabid u la ong ïa u Abishai, “Wat pynjot ïa u: naba uei ba lah ban rah ïa la ka kti pyrshah ïa uba la sleh jong U Trai khlem kit pop?”