1 SAMUEL 26:5 - KA BAIBL

⁵ Te u Dabid u la ïeng, bad u la wan poi sha kata ka jaka ha kaba u Saul u shong dara: bad u Dabid u la ïohi ïa ka jaka ha kaba u Saul u la thiah, bad u Abner u khun u Ner, u nongïalam u paidïapom jong u: te u Saul u la thiah hapdeng ka jaka shong dara, bad u paidbah u shong dara baroh sawdong ïa u.

Khasi CL Bible (BSI)

⁵ U leit mar mar ban tip thik ïa ka jaka ha kaba u Saul bad u Abner, u khun jong u Ner, u rangbah ka kynhun shipai jong u Saul ki thiah. U Saul u thiah hapdeng ka jaka sher dara, bad sawdong jong u ki briew jong u ki shong dara.

1 SAMUEL 26:5 ပူးပေါင်းရင်းမြစ်များ

2 SAMUEL 3:27

Te haba u Abner u la wan phai noh sha Hebron, u Joab u la shim kyrpang ïa u shapdeng ka khyrdop ban ïakren bad u da kaba suk, bad u la shoh ïa u hangta na ka kpoh, ba kumta u la ïap noh, namar ka snam u Asahel u para jong u.

1 KHRONIKL 9:39

Bad u Ner u la pynkha ïa u Kish; bad u Kish u la pynkha ïa u Saul; bad u Saul u la pynkha ïa u Jonathan, bad ïa u Malkhi-shua, bad ïa u Abinadab, bad ïa u Eshbaal de.

1 SAMUEL 17:20

Te u Dabid u la khie dang step, bad u la iehnoh ïa kita ki langbrot bad u nongsumar, bad u la shim, bad u la leit, kumba la hukum u Jesse ïa u; te u la poi sha kata ka jaka shong dara, katba ki paidïapom ki dang ïaleit mih sha kata ka jaka ïaleh, bad ki da ïarisa ban sa ïaleh.

1 SAMUEL 17:55

Te haba u Saul u la ïohi ïa u Dabid ba u da leit mih ban ïaleh bad uta u Philistia, u la kylli ïa u Abner u nongïalam u paidïapom, “Une u samla u khun jongno, ko Abner?” Te u Abner u la ïathuh, “Katba ka im ka mynsiem jong me, ko syiem, ngam tip.”

1 SAMUEL 26:4

Namar kata, u Dabid u la phah ïa ki nongsyntiat, bad u la ïoh tip ba u Saul u la wan shisha.

1 SAMUEL 9:1

Te la don u briew uba na ki Benjamin, uba kyrteng “u Kish”, u khun u Abiel, uba u khun u Seror, u khun u Bekhoreth, u khun u Aphiah, u khun u kynja Benjamin, uba khraw bor eh.