1 SAMUEL 26:23 - KA BAIBL

²³ Te U Trai un ai ïa uwei pa uwei baroh ïa ka hok jong u bad ka jingïaineh jong u: namar U Trai u la aiti noh ïa me ha ka kti jong nga ha kane ka sngi, hynrei, nga ngam treh ban rah ïa la ka kti pyrshah ïa uba la sleh jong U Trai.

Khasi CL Bible (BSI)

²³ U Trai un ainong ïa kito baroh kiba hok bad ïaineh. Ha kane ka sngi u la aiti ïa phi ha ka bor jong nga, hynrei ngam shym la pynmynsaw ïa phi, uta ïa uba U Trai u la pynlong syiem.

1 SAMUEL 26:23 ပူးပေါင်းရင်းမြစ်များ

2 SAMUEL 22:21

“U Trai u la ai nong ïa nga katba kum ka jinglehhok jong nga: katba kum ka jingkhuid ki kti jong nga u la siew ïa nga.

2 SAMUEL 22:25

Namar kata, U Trai u la ai nong ïa nga katba kum ka jinglehhok jong nga; katba kum ka jingkhuid jong nga ha ka jingikhmat jong u.

1 SYIEM 8:32

ynda kumta, to sngew ma me ha bneng, bad to leh, bad to bishar ïa la ki shakri, da pynrem ïa u bymman, ban pynhap ïa ka lynti jong u ha ka khlieh jong u hi; da pynksan de ïa u bahok, ban ai ha u katba kum ka hok jong u.

NEHEMAÏAH 13:14

“Kynmaw ïa nga, A U Blei jong nga, shaphang kane, bad wat pyndam noh ïa ki jingleh babha jong nga kiba nga la leh ïa ka ïing U Blei jong nga, bad ïa ki kam jong ka.”

Ka Kitab U Job 34:11

Naba un ai ha u briew ïa la ka kam, bad un pynlong ba u briew baroh un shem katba kum ki lynti jong u.

SALM 62:12

ka jong me ruh, A Trai, ka jingisynei ka long: naba men ai ha u briew baroh katba kum ki jingleh jong u.

1 SAMUEL 24:11

Bad nalor kata ruh, to khmih, ko kpa jong nga, shisha, to khmih ïa ka rmiang ka barandi jong me ha ka kti jong nga; namar na kaba nga la ot noh ïa ka rmiang ka barandi jong me, khlem da pynïap ïa me, to tip keiñ bad to khmih ba ha ka kti jong nga ym don ka jingbymman lymne ka jingsniew, bad ba ngam shym la leh pop ïa me, pynban, ma me, me beh mrad ïa ka mynsiem jong nga khnang ban kem ïa ka.

1 SAMUEL 24:12

To U Trai un bishar hapdeng jong nga bad jong me, bad to U Trai un pynhiar kput ïa nga halor jong me: hynrei, ka kti jong nga kan ym long halor jong me.

1 SAMUEL 24:18

Bad ha kane ka sngi me la pyni ba me la leh ïa ka babha ïa nga: namar haba U Trai u la aiti ïa nga ha ka kti jong me, ma me pynban mem shym la pynïap ïa nga.

1 SAMUEL 24:19

Namar lada u briew un da shem ïa la u nongshun, un pyllait noh ïa u ha kaba suk? namar kata, to U Trai un ai ïa me da ka babha na ka bynta kata kaba me la leh ïa nga ha kane ka sngi.

1 SAMUEL 26:11

To U Trai un ri kyndong ïa nga ba ngan ym rah ïa la ka kti pyrshah ïa uba la sleh jong U Trai: hynrei, nga kyrpad ïa me, to shim noh mynta ïa uta u sum uba hajan ka syngkhlieh jong u, bad ïa uta u khiew um, bad ngin ïaleit noh.”

1 SAMUEL 26:22

Te u Dabid u la ïathuh bad u la ong, “Ha khmih ïa u sum, ko syiem! to un wan sha shiliang uwei na kita ki samla ban shim noh ïa u.

1 SAMUEL 26:9

Te u Dabid u la ong ïa u Abishai, “Wat pynjot ïa u: naba uei ba lah ban rah ïa la ka kti pyrshah ïa uba la sleh jong U Trai khlem kit pop?”