1 SAMUEL 26:21 - KA BAIBL

²¹ Ynda kumta, u Saul u la ong, “Nga la leh pop; to wan phai noh, ko Dabid u khun jong nga: namar ngan ym pynsniew shuh ïa me, naba ka jingim jong nga ka la long ka bakordor ha khmat jong me ha kane ka sngi: ha khmih, nga la leh bieit, bad nga la leh bakla shikatdei.”

Khasi CL Bible (BSI)

²¹ U Saul u jubab, “Nga la leh bakla; wan phai pat ko Dabid, u khun jong nga. Namar ba phi la kheiñ kor ïa ka jingim jong nga ha kane ka miet, lano lano ngan ym pynmynsaw shuh ïa phi. Nga la leh bieit shisha, bad nga la bakla palat.”

1 SAMUEL 26:21 ပူးပေါင်းရင်းမြစ်များ

2 SYIEM 1:13

Bad u la phah pat sa ïa u rangbah ka sanphew ka balai, lem bad la ki sanphew ngut. Te uta u rangbah sanphew u balai u la leit kiew, bad haba u la poi u la dem khrup ïa la ki khohsiew ha khmat u Elijah, bad u la kyrpad ïa u, bad u la ong ruh ha u, “A u briew jong U Blei, nga duwai ïa me, to shah ba ka jingim jong nga, lem bad ka jingim jong kine ki sanphew ngut ki shakri jong me, kin long kordor ha khmat jong me.

2 SYIEM 1:14

Ha khmih, la hiar ka ding na bneng bad ka la bam duh ïa kita ki ar ngut ki rangbah sanphew kiba mynshuwa lem bad ki sanphew ngut jong ki: hynrei, mynta to ai ba ka jingim jong nga kan long kordor ha khmat jong me.”

SALM 116:15

Ka bakordor ha khmat U Trai long ka jingïap ki riewkhuid jong u.

SALM 49:8

(Naba ka jingsiewspah ïa ka mynsiem jong ki ka long kaba rem, bad ka dei ban iehnoh bymjukut:)

SALM 72:14

Un pyllait ïa ka mynsiem jong ki na ka jingbanbeiñ bad ka jingleh-jubor; bad ka snam jong ki kan long kordor ha khmat jong u:

EKSODOS 9:27

Te u Pharaoh u la phah khot ïa u Moses bad ïa u Aaron, bad u la ong ha ki, “Ha kane shi sien nga la leh pop: U Trai u long u bahok, ma nga te bad ki briew jong nga ngi long ki bymman.

JINGKHEIÑ 22:34

Bad u Balaam u la ong ha uta u angel U Trai, “Nga la leh pop; naba ngam shym tip ba me la ïeng ïaleh pyrshah ïa nga ha kata ka lynti: te mynta, lada ka long ka basniew ha khmat jong me, ngan leit phai noh pat keiñ.”

MATHAÏOS 27:4

u da ong, “Nga la leh pop haba nga la die noh ïa ka snam balui lui.” Ki te ki la ong, “Kata ka dei aïu ïa ngi? khmih hi ma me keiñ.”

1 SAMUEL 13:13

Te u Samuel u la ong ha u Saul, “Me la leh bieit: mem shym la sumar ïa ka hukum U Trai uba U Blei jong me, ïa kaba u la hukum ïa me: namar U Trai toi un da pynskhem mynta ïa ka jinglong syiem jong me halor ki Israel junom.

1 SAMUEL 15:24

Te u Saul u la ong ha u Samuel, “Nga la leh pop: namar ba nga la palat ïa ka hukum U Trai, bad ïa ki ktien jong me: naba nga la sheptieng ïa ki paidbah, bad ba nga la kohnguh ïa ki ktien jong ki.

1 SAMUEL 15:30

Ynda kumta, u la ong, “Nga la leh pop: pynban, nga kyrpad ïa me, to burom ïa nga mynta, ha khmat ki tymmen basan ki paidbah jong nga, bad ha khmat ki Israel, bad to wan phai bad nga ba ngan ïoh mane ïa U Trai uba U Blei jong me.”

1 SAMUEL 18:30

Ynda kumta, ki rangbah ki Philistia ki la leit mih: te katba ki leit mih, u Dabid u la ju kham leh sian ïa lade ban ïa ki shakri u Saul baroh; kumta la ñiewkor eh ïa ka nam jong u.

1 SAMUEL 24:17

Bad u la ong ruh ha u Dabid, “Me kham hok ma me ban ïa nga: naba ma me, me la ai ïa nga da ka babha, nga te nga ai ïa me da ka basniew.

1 SAMUEL 26:22

Te u Dabid u la ïathuh bad u la ong, “Ha khmih ïa u sum, ko syiem! to un wan sha shiliang uwei na kita ki samla ban shim noh ïa u.

1 SAMUEL 26:24

Te, ha khmih, kumba ka jingim jong me ka la long ka bakordor ha khmat jong nga ha kane ka sngi, kumta to ai ba ka jingim jong nga kan long ka bakordor ha khmat U Trai, bad to ai ba un pyllait ïa nga na ki jingshipa khop baroh.”

1 SAMUEL 27:4

Te la ïathuh ha u Saul ba u Dabid u la phet sha Gath: te um shym wad shuh ïa u.