1 SAMUEL 26:20 - KA BAIBL

²⁰ Te namar kata, wat ai ïa ka snam jong nga ba kan hap ha ka khyndew shawei shawei na khmat U Trai: naba u syiem ki Israel u la wan mih noh ïa ka ban wad ïa u thyllah, kumba uwei u beh ïa ka 'iar khlaw ha ki lum.”

Khasi CL Bible (BSI)

²⁰ Wai ai ba ngan shah pynïap ha ka ri nongwei, jngai na U Trai. Balei u syiem Israel un wan ban pynïap ïa u thyllah kum ïa nga? Balei un beh ïa nga kumba beh ïa ka sim khlaw?”

1 SAMUEL 26:20 ပူးပေါင်းရင်းမြစ်များ

JEREMAÏAH 16:16

“Ha khmih, ngan phah khot shibun ki nongtong dohkha,” ong U Trai, “bad kin tong ïa ki; bad hadien kata, ngan phah khot shibun ki nongbeh mrad, bad kin beh mrad ïa ki na u lum bah baroh, bad na u lum rit baroh, bad na ki thliew ki mawsiang.

SNGEWSYNEI 3:52

“Kiba shun ïa nga khlem daw, ki la beh mrad eh ïa nga kum ïa ka sim.

MATHAÏOS 26:47

Haba U dang kren ruh, ha khmih u Judas, uba uwei na ki khat-ar ngut, u la wan, bad u paidbah babun lem bad u bad ki waitlam bad ki diengduh ruh, na ki rangbah lyngdoh bad na ki tymmen basan jong u paidbah.

MATHAÏOS 26:55

Ha kata ka por, U Jisu u la ong ha kita ki paidbah, “Kumba ïa u nongtuh phi la mih bad ki waitlam bad ki diengduh ban kem ïa nga? Ha la ka sngi bad phi nga ju shong hikai ha ka templ, te phim shym la kem ïa nga.

1 SAMUEL 2:9

“Un sumar ïa ki sla'jat ki riewkhuid jong u, hynrei, ïa u bymman un pynsngap noh jar ha ka jingdum; namar un ym jop uno uno u briew da ka bor.

1 SAMUEL 24:11

Bad nalor kata ruh, to khmih, ko kpa jong nga, shisha, to khmih ïa ka rmiang ka barandi jong me ha ka kti jong nga; namar na kaba nga la ot noh ïa ka rmiang ka barandi jong me, khlem da pynïap ïa me, to tip keiñ bad to khmih ba ha ka kti jong nga ym don ka jingbymman lymne ka jingsniew, bad ba ngam shym la leh pop ïa me, pynban, ma me, me beh mrad ïa ka mynsiem jong nga khnang ban kem ïa ka.

1 SAMUEL 24:14

Hadien jongno u la wan mih u syiem ki Israel? Hadien jongno me beh? Hadien u ksew baïap, hadien u thyllah keiñ.

1 SAMUEL 24:15

Namar kata, to U Trai un long nongbishar, bad to un bishar hapdeng jong nga bad jong me, to un khmih ruh, bad un ïasaid ïa ka hok jong nga, bad pyllait ïa nga na ka kti jong me.”

1 SAMUEL 25:29

La u briew u la ïeng ïa ka ban beh ïa me ruh, bad ban wad ïa ka mynsiem jong me, pynban, ka mynsiem u kynrad jong nga kan long ba la tehsong ha ka jingteh ka jingim bad U Trai U Blei jong me; bad ïa ki mynsiem ki nongshun jong me un shat noh, kum na ka pdeng ka jingshat maw.