1 SAMUEL 26:19 - KA BAIBL

¹⁹ Namar kata te, nga kyrpad ïa me, ko syiem kynrad jong nga, to sngap ïa ki ktien u shakri jong me. Lada dei U Trai uba la pynkhih ïa me pyrshah ïa nga, to un pdiang ïa ka jingkñia: hynrei, lada ki dei ki khun ki briew, to kin long kiba la tim ha khmat U Trai; namar ki la beh noh ïa nga ha kane ka sngi ba ngam ïoh shongneh ha ka jingïoh kynti U Trai, ki ïa-ong, ‘Khie leit shakri ïa kiwei pat ki blei.’

Khasi CL Bible (BSI)

¹⁹ Ko syiem kynrad, sngap ïa kaei ba ngan ong. Lada dei U Trai uba la pynkhih ïa phi pyrshah ïa nga, ka jingainguh ïa u, to kan pynkylla ïa ka jingmut jong u; hynrei lada ki briew ki la leh ïa ka, to ka jingtim U Trai kan hap ha ki. Naba ki la beh noh ïa nga na ka ri U Trai sha ka ri ha kaba nga lah ban mane tang ïa ki blei nongwei.

1 SAMUEL 26:19 ပူးပေါင်းရင်းမြစ်များ

JENESIS 44:18

Ynda kumta, u Judah u la kynshur hajan jong u, bad u la ong, “Ko kynrad, to shah, nga kyrpad ïa me, ïa u shakri jong me ban kren kawei ka ktien ha ki shkor u kynrad jong nga, bad to wat sngewbitar ïa la u shakri: naba me long kum u Pharaoh.

JENESIS 8:21

Te U Trai u la iw ïa ka jingiw baiwbih; bad U Trai u la ong ha la ka dohnud, “Ngan ym tim shuh ïa ka khyndew pat na ka bynta u briew; la ka jingpyrkhat ka dohnud u briew ka basniew naduh myndanglong samla jong u; bad ngan ym shoh ïap pat shuh ïa ki kynja ba-im baroh, kumba nga la leh.

2 SAMUEL 14:16

Naba u syiem un sngap, ïa ka ban pyllait ïa ka shakri jong u na ka kti jong uta u briew uba la thew ban pynjot noh ïa nga lem bad u khun jong nga na kata ka bynta trai jong U Blei.’

2 SAMUEL 16:10

Te u syiem u la ong, “Ngan rat donkam aïu bad phi, phi ki khun u Seruïah? Namar ba u tim noh, bad namar U Trai u la ong ïa u, ‘To tim ïa u Dabid’; uei uba nud ong, ‘Balei me la leh kumne?’ ”

2 SAMUEL 16:11

Bad u Dabid u la ong ha u Abishai, bad ha la ki shakri baroh, “Ha khmih, u khun jong nga, uba la mih na ka kpoh jong nga, u wad ïa ka jingim jong nga: sa katno tam te kumta une u kynja Benjamin? To iehnoh ïa u, un wat tim; naba U Trai u la hukum ïa u.

2 SAMUEL 20:19

Nga, nga long na kita kiba ïasuk bad kiba ïaineh ha Israel: me pyrshang ban pynjot noh ïa ka nongbah bad ïa ka kmie ha Israel: men pynduh balei ïa ka bynta ka jong U Trai?”

2 SAMUEL 21:3

bad u Dabid u la ong ha ki Gibeon, “Ngan leh aïu na ka bynta jong phi? bad da ei ngan pynlong ka kuna, ba phin dup kyrkhu ïa ka jingïoh kynti ka jong U Trai?”

2 SAMUEL 24:1

Bad ka jingbitar U Trai ka la meh pat ïa ki Israel, bad u la pynkhih ïa u Dabid pyrshah ïa ki, u da ong, “Khie da kheiñ ïa ki Israel bad ïa ki Judah.”

1 SYIEM 22:22

U Trai te u la ong ha u, ‘Da kumno?’ U te u la ong, ‘Ngan leit mih, bad ngan long u mynsiem balamler ha ka shyntur ki nongïathuhlypa jong u baroh.’ U te u la ong, ‘Men shukor ïa u, bad men lah ruh: to leit mih, bad to leh kumta.’

1 KHRONIKL 21:1

Te u Soitan u la ïeng ïaleh ïa ki Israel, bad u la pynkhih ïa u Dabid ban kheiñ ïa ki Israel.

SALM 120:5

Kordit ïa nga, ba nga sah ha Meshekh, ba nga shong ha ki ïingjaiñ ki Kedar!

SALM 20:4

Un ai ha me ïa ka jingkwah ka dohnud jong me, bad un pyndep ïa ka jingpyrkhat jong me baroh.

PROBERB 30:10

Wat krenbeiñ siar ïa u shakri ha u kynrad jong u, ïoh ba u tim ïa me, bad ba me kit pop.

ISAÏAH 60:5

Ynda kumta, phan ïohi bad yn pyntyngshaiñ ïa pha, bad ka dohnud jong pha kan khynñiuh bad yn sa pynkylluid ïa ka; namar ka jingdap kyrhai ka duriaw yn pynkylla sha pha, ka spah jong ki jaid bynriew kan wan ha pha.

LEBITIKOS 26:31

Ngan pynkylla khlaw ïa ki shnong jong phi, bad ngan pynjot noh ïa ki jaka kyntang jong phi, bad ngan ym iw shuh ïa ki jingiw baiwbih jong phi.

JINGKHEIÑ 36:7

Kumta, ïa ka bynta pateng jong ki khun Israel, yn ym pynkynriah noh na kawei ka jaid sha kawei pat ka jaid; namar uwei uwei baroh na ki khun Israel, un ïaineh keiñ ha ka bynta pateng ka jaid ki kpa jong u hi.

JINGKHEIÑ 36:9

Lymne wat ai ban pynkynriah ïa ka bynta pateng na kawei ka jaid sha kawei pat ka jaid; namar ki jaid ki khun Israel, kin ïaisah kawei kawei baroh ha la ka jong hi ka bynta pateng.”

Ka Shithi U Paul Sha Ki Nong Rom 14:15

Hynrei, lada la pynsngewsih ïa uta u parabangeit jong me na ka bynta i jingbam, mem ïaid shuh katba kum ka jingïa-ieit. Wat pynjot noh da ita i jingbam jong me ïa uta uba na ka bynta jong u, U Khrist u la ïap noh.

GALATIA 5:12

A nga da kwah ba kita kiba pynkhuslai ïa phi, kin da ot noh ïa lade.

DEUTERONOMI 13:3

to wat shahshkor me ïa ki ktien jong uta u nongïathuhlypa, lane ïa uta u nongphohsniew ïa ki jingphohsniew, namar U Trai uba U Blei jong phi u tynjuh ïa phi, ïa ka ban tip la phi ieit ne em ïa U Trai uba U Blei jong phi da la ka dohnud baroh, bad da la ka mynsiem baroh.

2 TIMOTHI 4:14

U Aleksander, uta u nongtrei tama, u la leh sniew shibun ïa nga; U Trai un ai ha u katba kum ki jingleh jong u;

1 SAMUEL 18:10

Te ha kaba lashai, ka la jia ba uta u mynsiem bymman uba na U Blei u la wan jur ha u Saul, bad u la ïathuhlypa hapdeng kata ka ïing; te u Dabid u la tem da la ka kti kumba mynshuwa: bad u sum u la don ha ka kti u Saul.

1 SAMUEL 24:9

Bad u Dabid u la ong ha u Saul, “Balei ba me sngap ïa ki ktien ki briew kiba ong, ‘Ha khmih, u Dabid u thew ïa ka basniew ïa me?’

1 SAMUEL 25:24

Bad ka la hap ha ki kjat jong u, bad ka la ong, “Ko kynrad jong nga, to kane ka pop kan long halor jong nga, halor jong nga hi keiñ: nga kyrpad ïa me, to shah ïa ka shakri jong me ba kan kren ha me, to shahshkor ruh ïa ki ktien ka shakri jong me.

1 SAMUEL 27:1

Te u Dabid u la ong ha la ka dohnud, “Shisha ha kawei ka sngi yn sa pynjot noh ïa nga da ka kti u Saul: ym don lad kaba kham bha ïa nga ban ïa kaba leit sha ka ri ki Philistia; te u Saul un pyndam shaphang jong nga, bad un ym wad shuh ïa nga ha ki phang Israel baroh: kumta, ngan lait im na ka kti jong u.”