1 SAMUEL 26:12 - KA BAIBL

¹² Bad u Dabid u la shim noh ïa uta u sum bad ïa uta u khiew um najan ka syngkhlieh u Saul; bad ki la leit noh, te ym don ba la ïohi, lymne ba la tip, lymne kiba la peit: naba ki la ïohthiah baroh; namar U Trai u la pynïohthiah lyngngai ïa ki.

Khasi CL Bible (BSI)

¹² Kumta u Dabid u shim ïa uta u sum bad ïa uta u khiew um najan ka khlieh u Saul, bad ma u bad u Abishai ki mihnoh. Ym don mano mano uba la ïohi lane tip ïa kata; ym don ruh mano mano uba la kyndit — baroh ki dang ïohthiah lyngngai, namar ba U Trai u la phah ïa ka jingïohthiah kaba jur ha ki baroh.

1 SAMUEL 26:12 ပူးပေါင်းရင်းမြစ်များ

JENESIS 15:12

Bad haba ka sngi kan sa sep noh, la shoh samthiah eh ïa u Abram; bad ha khmih, ka jingsngewkyiuh bad ka jingdum ka bakhraw ka la ngat ha u.

JENESIS 2:21

Te U Trai uba U Blei u la pynngat ha u Adam da ka jingsamthiah kaba jur, u ruh u la ïohthiah: bad u la shim ïa kawei na ki shyieng krung jong u, bad u la set pat da ka doh ha ka jaka jong ka;

ESTHER 6:1

Ha kata ka miet, u syiem um lah ban ïohthiah; bad u la hukum ban wallam ïa Ki Kitab Ka Jingthoh Shaphang Ki Jingjia, bad la pule ïa ki ha khmat u syiem.

ISAÏAH 29:10

Namar U Trai u la theh halor jong phi ïa ka mynsiem ka jingïohthiah lyngngai, bad u la pynkhapbrip ïa ki khmat jong phi ki nongïathuhlypa; ïa ki rangbah jong phi ruh ki nongïohi, u la tap.

1 SAMUEL 24:4

Te ki rangbah u Dabid ki la ong ha u, “Ha khmih, kane hi ka sngi ba U Trai u la ong ha me shaphang jong ka, ‘Ha khmih, ngan aiti ïa u nongshun jong me ha ka kti jong me, ba men ïoh leh ïa u katba me ibit.’ ” Te u Dabid u la ïeng, bad u la ot noh ha kaba rieh ïa ka rmiang kata ka barandi kaba ha u Saul.

1 SAMUEL 26:13

Ynda kumta, u Dabid u la leit sha shiliang, bad u la ïeng halor uwei u lum na jngai: te ki la ïakham jngai shibun:

1 SAMUEL 26:7

Kumta, u Dabid bad u Abishai ki la wan poi sha uta u paidbah mynmiet: te, ha khmih, u Saul u thiah ba u da ïohthiah ha kata ka jaka shong dara, bad u sum jong u ba la sieh ha ka khyndew hajan ka syngkhlieh jong u: bad u Abner bad uta u paidbah ki thiah baroh sawdong ïa u.