1 SAMUEL 26:11 - KA BAIBL

¹¹ To U Trai un ri kyndong ïa nga ba ngan ym rah ïa la ka kti pyrshah ïa uba la sleh jong U Trai: hynrei, nga kyrpad ïa me, to shim noh mynta ïa uta u sum uba hajan ka syngkhlieh jong u, bad ïa uta u khiew um, bad ngin ïaleit noh.”

Khasi CL Bible (BSI)

¹¹ Da lei lei U Trai un ym shah ïa nga ban pynmynsaw ïa uta uba U Trai u la pynlong syiem! To ngin ïashim ïa une u sum bad une u khiew um jong u, bad ïa ngin ïaleit noh.”

1 SAMUEL 26:11 ပူးပေါင်းရင်းမြစ်များ

2 SAMUEL 1:14

U Dabid te u la ong ha u, “Kumno ba mem shym la sheptieng ban rah ïa la ka kti ïa ka ban pynjot noh ïa uba la sleh jong U Trai?”

2 SAMUEL 1:16

U Dabid te u la ong ha u, “To ka snam jong me kan long halor ka khlieh jong me; naba ka shyntur jong me hi ka la phla sakhi pyrshah ïa me, ka la ong, ‘Nga la pynïap ïa uba la sleh jong U Trai.’ ”

2 SAMUEL 19:22

Te u Dabid u la ïathuh, “Nga donkam aïu bad phi, phi ki khun ka Seruïah, ba phin long ki nongïaleh pyrshah ïa nga ha kane ka sngi? hato yn pynïap ïa uno uno ha Israel ha kane ka sngi? namar nga tip ne em ba ha kane ka sngi nga long u syiem halor ki Israel?”

SALM 17:4

Shaphang ki kam ki briew, da ka ktien ki rmiang shyntur jong me nga la sumar ïa lade na ki lynti kiba leh jubor.

Ka Shithi U Paul Sha Ki Nong Rom 12:17

Wat leh markylliang hano hano ruh ïa ka basniew namar ka basniew; to pyrkhat lypa ïa kiei kiei ruh ki babha tynnad ha khmat ki briew baroh;

Ka Shithi U Paul Sha Ki Nong Rom 12:19

Wat long ma phi hi kiba pynhiar kput, ko ki hep, hynrei, phin ai jaka ïa ka jingbitar U Blei, namar la thoh: “Ka jingpynhiar kput ka long ka jong nga hi, ngan leh kylliang ma nga,” ong U Trai.

1 PETROS 3:9

ym kiba leh markylliang ïa ka basniew namar ka basniew, lane ïa kaba krenbeiñ namar kaba krenbeiñ; hynrei, da kumwei keiñ kiba kyrkhu; haba tip ba sha kane khnang la khot ïa phi, ba phin da ïoh ïa ka jingkyrkhu.

1 SAMUEL 12:3

Ha khmih ïa nga: to sakhi pyrshah ïa nga ha khmat U Trai, bad ha khmat uba la sleh jong u: u masi dab jongno nga la shim? lane ka kadda jongno nga la shim? lane ïano nga la shukor? ïano nga la banbeiñ? lane na ka kti jongno nga la shim sap ban pynmatlah ïa la ki khmat da ka? te ngan buria ïa kata ha phi.”

1 SAMUEL 24:12

To U Trai un bishar hapdeng jong nga bad jong me, bad to U Trai un pynhiar kput ïa nga halor jong me: hynrei, ka kti jong nga kan ym long halor jong me.

1 SAMUEL 24:4

Te ki rangbah u Dabid ki la ong ha u, “Ha khmih, kane hi ka sngi ba U Trai u la ong ha me shaphang jong ka, ‘Ha khmih, ngan aiti ïa u nongshun jong me ha ka kti jong me, ba men ïoh leh ïa u katba me ibit.’ ” Te u Dabid u la ïeng, bad u la ot noh ha kaba rieh ïa ka rmiang kata ka barandi kaba ha u Saul.

1 SAMUEL 24:6

Bad u la ïathuh ïa la ki rangbah, “To U Trai un khang ba ngan leh ïa kane ïa la u kynrad, ïa uba la sleh jong U Trai, kat ban rah ïa la ka kti pyrshah ïa u, haba u long ïa uba la sleh jong U Trai.”