1 SAMUEL 26:10 - KA BAIBL

¹⁰ U Dabid u la ong ruh, “Katba im U Trai, U Trai hi un shoh ïap ïa u; lane kan poi hi ka sngi jong u ïa ka ban ïap; lane un hiar thma, bad un ïap.

Khasi CL Bible (BSI)

¹⁰ Da U Trai uba im,” u Dabid u bteng biang, “nga tip ba U Trai hi un shoh ïap ïa u, lane un ïap hi ynda poi ka por ba un ïap, lane haba un ïap ha ka thma.

1 SAMUEL 26:10 ပူးပေါင်းရင်းမြစ်များ

JENESIS 47:29

Bad ki sngi jong u Israel ki la nang jan ba un ïap noh: te u la khot ïa u Joseph u khun jong u, bad u la ong ha u, “Lada mynta nga la shem ka jingsngewbha ha khmat jong me, to buh, nga kyrpad ïa me, ïa la ka kti hapoh ka skhep jong nga, bad to pyni ïa nga ïa ka jingsngewbha bad ïa ka jingshisha; to wat tep ïa nga, nga kyrpad ïa me, ha ka ri Ijipt:

Ka Kitab U Job 14:14

Lada ïap u briew, un im pat ne em? Baroh kita ki sngi ka por ba la buh jong nga ngan da ap, haduh ban wan kata ka jingpyllait jong nga.

Ka Kitab U Job 14:5

Namar ba la pynthikna ïa ki sngi jong u, ka jingkheiñ ki bnai jong u ki don ha me, bad me la buh ïa ki pud jong u ba um lah ban ryngkang;

Ka Kitab U Job 7:1

“Hato don ne em ka por ka jingshakri ïa u briew ha ka pyrthei? bad ki sngi jong u kim long mo kum ki sngi u nongbylla?

SALM 37:10

Namar sa khyndiat pat, te u bymman um don shuh: bad men pyrkhat bniah ïa ka jaka jong u, te un ym don shuh.

SALM 37:13

U Trai un rkhie ïa u: naba u ïohi ïa ka sngi jong u ba ka wan.

SALM 94:23

Bad u la pynhap halor jong ki ïa la ka jong ka jingbymman, bad un ot noh ïa ki ha la ka jong ka jingsniew; U Trai U Blei jong ngi un ot noh ïa ki.

EKLESIASTIS 3:2

ka por ban kha, bad ka por ban ïap; ka por ban thung, bad ka por ban rat noh ïa kata kaba la thung;

LOUKAS 18:7

U Blei te un ym bishar hok ïa kita kiba la jied jong u, kiba lynñiar kyrpad ïa u mynsngi bad mynmiet, bad u shah slem na ka bynta jong ki?

Ka Shithi U Paul Sha Ki Nong Rom 12:19

Wat long ma phi hi kiba pynhiar kput, ko ki hep, hynrei, phin ai jaka ïa ka jingbitar U Blei, namar la thoh: “Ka jingpynhiar kput ka long ka jong nga hi, ngan leh kylliang ma nga,” ong U Trai.

DEUTERONOMI 31:14

Bad U Trai u la ong ha u Moses, “Ha khmih, ki sngi ki la wan ba me la dei ban ïap: to khot ïa u Joshua, bad phin ïaïeng ha khmat ha Ka Tabernakl ka jingïaseng, ba ngan ïoh ai hukum ïa u.” Te u Moses, bad u Joshua, ki la ïaleit, bad ki la ïaïeng ha khmat ha Ka Tabernakl ka jingïaseng.

DEUTERONOMI 32:35

Ka jingpynhiar kput ka long ka jong nga, bad ka jingleh kylliang ruh, ka sla'jat jong ki kan tyrsiang ha ka Ïa kaba dei: namar ka sngi ka jingjynjar jong ki ka la jan, bad kita kiei kiei ruh ki ban ngat ha ki, ki nang stet nang stet.

HEBRU 10:30

Namar ngi ithuh ïa uta uba la ong: “Ka jingpynhiar kput ka long ka jong nga, ngan leh kylliang ma nga.” Pat ruh: “U Trai un bishar ïa la u paidlang.”

HEBRU 9:27

Te kumba la buh ha ki briew ban ïap tang shi sien, bad hadien kane ka wan ka jingbishar;

JINGPYNPAW 18:8

Namar kane, kita ki jingïapthem jong ka kin ïawan ha kawei ka sngi, ka jingïap, bad ka jingsngewsih, bad ka 'nemsniew: bad yn thang duh ïa ka da ka ding; naba u bakhrawbor long U Trai uba U Blei uba bishar ïa ka.”

1 SAMUEL 24:12

To U Trai un bishar hapdeng jong nga bad jong me, bad to U Trai un pynhiar kput ïa nga halor jong me: hynrei, ka kti jong nga kan ym long halor jong me.

1 SAMUEL 24:15

Namar kata, to U Trai un long nongbishar, bad to un bishar hapdeng jong nga bad jong me, to un khmih ruh, bad un ïasaid ïa ka hok jong nga, bad pyllait ïa nga na ka kti jong me.”

1 SAMUEL 25:26

Mynta te, ko kynrad jong nga, katba im U Trai, bad katba im ka mynsiem jong me, namar ba U Trai u la khang ïa me ban ym pynmih snam, bad ban ym pynhiar kput da la ka jong ka kti, to ai te ïa ki nongshun jong me, bad kita kiba thew ïa ka basniew ïa u kynrad jong nga, ba kin long kum une u Nabal.

1 SAMUEL 25:38

Bad ynda la dep kumba shiphew sngi, U Trai u la shoh ïa u Nabal, ba kumta u la ïap noh.

1 SAMUEL 25:39

Te haba u Dabid u la ïohsngew ba la ïap u Nabal, u la ong, “Long ba la kyrkhu U Trai, uba la ïasaid ïa ka daw ka jingjahburom jong nga na ka kti u Nabal, bad uba la khang ïa la u shakri na kaba leh sniew: naba U Trai u la pynphai ïa ka jinglehsniew u Nabal halor ka khlieh jong u hi.” Bad u Dabid u la phah ïakren bad ka Abigail, ïa ka ban shim kurim ïa ka.

1 SAMUEL 31:4

Ynda kumta, u Saul u la ong ha uta uba rah ïa ki atiar jong u, “To sei ïa la ka waitlam, bad to dung peib'la ïa nga da ka; ïoh kine ïa ki bym shym la otsher kin wan bad dung peib'la ïa nga, bad ba kin lehbeiñ ïa nga.” Hynrei, uta u nongrah atiar jong u um treh, namar ba u la sheptieng eh. Namar kata, u Saul u la shim ïa la ka waitlam, bad u la hap halor jong ka.

1 SAMUEL 31:6

Kumta, u Saul, bad kita ki khun shynrang jong u, bad uta u nongrah atiar jong u, bad ki rangbah jong u baroh, ki la ïaïap-lem bad u ha kata ka sngi.