1 SAMUEL 25:3 - KA BAIBL

³ Te ka kyrteng uta u briew ka la long “u Nabal”; bad ka kyrteng ka tnga jong u “ka Abigail”: te kata ka briew ka la long kaba nang kaba sian, bad kaba bhabriew de: hynrei, uta u briew u la long uba eh runar, bad uba bymman ka jingleh jong u; bad u la long na ka ïing u Kaleb.

1 SAMUEL 25:3 ပူးပေါင်းရင်းမြစ်များ

JENESIS 12:11

Ka la jia ruh, haba u la poi jan ban leit bsut ha ka ri Ijipt, ba u la ong ha ka Sarai ka tnga jong u, “Ha khmih mynta, nga tip ba pha long kaba ibhabriew ban khmih:

SALM 10:3

Naba u bymman u kren khraw ïa ka jingkwah ka dohnud jong u, bad uba khwan u kyntait, bad u ñiewbeiñ ïa U Trai.

PROBERB 14:1

Ka briew ka bastad baroh ka tei ïa la ka ïing: hynrei, ka babieit ka lied noh ïa ka da la ki jong ki kti.

PROBERB 19:14

Ka ïing bad ka spah ki long ka jinghiar pateng na ki kpa: hynrei, ka tnga kaba sian ka long na U Trai.

PROBERB 30:22

namar u shakri haba u long syiem; bad u babieit haba u la kdang jingbam;

PROBERB 31:10

Ïa ka briew ka babha uei uba lah ban shem? Naba ka dor jong ka, ka kham kor shibun ïa ki Rubi.

PROBERB 31:26

Ka ang ïa la ka shyntur ha ka jingstad; bad ka aiñ ka jinglehsbun ka ha u thylliej jong ka.

JOSHUA 15:13

Te ïa u Kaleb u khun u Jephunneh u la ai ka bynta hapdeng ki khun u Judah, katba kum ka hukum U Trai ha u Joshua, ka shnong u Arba u kpa u Anak keiñ, (kata ka long “ka Hebron”).

1 SAMUEL 25:17

Mynta te namar kata, to tip bad to pyrkhat ïa kaei ba phan sa leh; namar la thew ïa ka basniew ïa u kynrad jong ngi, bad ka ïing jong u baroh: naba u long u khun u Belial katta katta, katba ym lah ïakren shuh bad u.”

1 SAMUEL 25:25

Nga kyrpad, wat ai ba u kynrad jong nga un ñiew ei ei ïa une u riew Belial, une u Nabal keiñ: naba kumba long ka kyrteng jong u, kumta ruh u long ma u; ‘u Nabal’ long ka kyrteng jong u, bad ka jingbieit ka snoh ha u: hynrei, ma nga ka shakri jong me ngam shym ïohi ïa kita ki shakri u kynrad jong nga, kiba me la phah.

1 SAMUEL 25:4

Te u Dabid u la ïohsngew ha kata ka ri khlaw ba u Nabal u dang ot shñiuh ïa la ki langbrot.

1 SAMUEL 30:14

Te ngi la hiar thma ïa ka shathie jong ki Khereth, bad ïa ka jong ka Judah, bad ïa ka phang shathie jong u Kaleb; bad ïa ka Siklag ngi la thang da ka ding.”