1 SAMUEL 24:4 - KA BAIBL

⁴ Te ki rangbah u Dabid ki la ong ha u, “Ha khmih, kane hi ka sngi ba U Trai u la ong ha me shaphang jong ka, ‘Ha khmih, ngan aiti ïa u nongshun jong me ha ka kti jong me, ba men ïoh leh ïa u katba me ibit.’ ” Te u Dabid u la ïeng, bad u la ot noh ha kaba rieh ïa ka rmiang kata ka barandi kaba ha u Saul.

Khasi CL Bible (BSI)

⁴ Ki ong ha u, “Kane ka dei ka kabu jong phi! U Trai u la ïathuh ïa phi ba un buh ïa u nongshun ha ka bor jong phi bad phi lah ban leh ïa u kat kaba phi kwah.” U Dabid u par sor sor bad u ot shi lyngkhot na ka jaiñkup u Saul khlem ka jingtip u Saul.

1 SAMUEL 24:4 ပူးပေါင်းရင်းမြစ်များ

2 SAMUEL 4:8

Bad ki la wallam ïa ka khlieh u Ishbosheth sha u Dabid ha Hebron, bad ki la ong ha u syiem, “Ha khmih ïa ka khlieh u Ishbosheth u khun u Saul u nongshun jong me, uba la wad ïa ka jingim jong me; te ha kane ka sngi U Trai u la pynhiar ïa ka kput u syiem kynrad jong nga halor u Saul, bad halor u symbai jong u.”

Ka Kitab U Job 31:31

lada ki briew ba dei ha ïingjaiñ jong nga kim shym la ong, ‘Uei ba lah ban shem ïa uno uno ruh u bym shym la kdang da ka doh jong u?’

SALM 142:1

Nga kyang da la ka ktien ha U Trai; da la ka ktien ha U Trai nga kyrpad.

SALM 57:1

To isynei ïa nga, A U Blei, to isynei ïa nga; namar ka mynsiem jong nga ka rieh ha me: shisha keiñ, ha ka jingkah ki thapniang jong me ngan rieh, tad ynda ki la ïaid jah noh kine ki jingjynjar.

EKSODOS 21:13

Te lada u briew um shym la ap thap, hynrei, U Blei u la aiti ïa u ha ka kti jong u; te ngan buh ïa me ka jaka sha kaba un phet ïap noh.

1 SAMUEL 22:1

U Dabid te, namar kata, u la leit noh nangta, bad u la phet noh sha ka krem Adullam: te haba ki hynmen jong u bad baroh ka ïing u kpa jong u ki la ïohsngew ïa kata, ki la ïaleit hiar noh shato sha u.

1 SAMUEL 23:17

Bad u la ong ha u, “Wat sheptieng: naba ka kti u Saul u kpa jong nga kan ym ïoh kem ïa me; te men ïoh synshar halor ki Israel; bad nga ruh ngan long uba kham hajan ïa me; bad u Saul u kpa jong nga u tip ïa kata.”

1 SAMUEL 23:7

Te la ïathuh ha u Saul ba u Dabid u la wan poi sha Keilah. Bad u Saul u la ong, “U Blei u la aiti ïa u ha ka kti jong nga: naba la set kut ïa u, haba u la rung shapoh ka shnong kaba don ki khyrdop bad ki dieng jingkhang.”

1 SAMUEL 24:10

Ha khmih, ha kane ka sngi ki khmat jong me ki la ïohi ba U Trai u la aiti ïa me ha ka kti jong nga ha kane ka sngi ha kata ka krem: bad don kiba la ong ïa nga ban pynïap ïa me: hynrei, nga la pyllait im ïa me; bad nga la ong, ‘Ngan ym rah ïa la ka kti pyrshah ïa la u kynrad; namar u long ïa uba la sleh jong U Trai.’

1 SAMUEL 24:18

Bad ha kane ka sngi me la pyni ba me la leh ïa ka babha ïa nga: namar haba U Trai u la aiti ïa nga ha ka kti jong me, ma me pynban mem shym la pynïap ïa nga.

1 SAMUEL 26:23

Te U Trai un ai ïa uwei pa uwei baroh ïa ka hok jong u bad ka jingïaineh jong u: namar U Trai u la aiti noh ïa me ha ka kti jong nga ha kane ka sngi, hynrei, nga ngam treh ban rah ïa la ka kti pyrshah ïa uba la sleh jong U Trai.