1 SAMUEL 24:11 - KA BAIBL

¹¹ Bad nalor kata ruh, to khmih, ko kpa jong nga, shisha, to khmih ïa ka rmiang ka barandi jong me ha ka kti jong nga; namar na kaba nga la ot noh ïa ka rmiang ka barandi jong me, khlem da pynïap ïa me, to tip keiñ bad to khmih ba ha ka kti jong nga ym don ka jingbymman lymne ka jingsniew, bad ba ngam shym la leh pop ïa me, pynban, ma me, me beh mrad ïa ka mynsiem jong nga khnang ban kem ïa ka.

Khasi CL Bible (BSI)

¹¹ Ha khmih, ko pa jong nga, khmih ïa ka lyngkhot ka jaiñkup jong phi kaba nga bat! Ngan jin da la pynïap ïa phi, hynrei pynban nga shu ot noh tang ïa kane. Kane ka dei ban pynthikna ïa phi ba ngam don jingmut ei ei ban ïaleh pyrshah ne pynmynsaw ïa phi. Phi la beh mrad ïa nga ban pynïap ïa nga, wat la ngam shym leh kano kano kaba bakla ïa phi.

1 SAMUEL 24:11 ပူးပေါင်းရင်းမြစ်များ

2 SAMUEL 1:14

U Dabid te u la ong ha u, “Kumno ba mem shym la sheptieng ban rah ïa la ka kti ïa ka ban pynjot noh ïa uba la sleh jong U Trai?”

2 SYIEM 5:13

Te ki shakri jong u ki la wan hajan, bad ki la kren ha u, ki ong ruh, “Ko kpa, lada uta u nongïathuhlypa u la hukum ïa me ban leh kaei kaei kaba khraw, men ym da la leh ïa kata? Sa katno lei lei, haba u shu ong ha me, ‘To sum, bad to long khuid?’ ”

Ka Kitab U Job 10:16

Bad lada ka khlieh jong nga ka pynïeng ïa lade, me beh mrad ïa nga kum u sing: te pat me pyni ïa lade uba phylla halor jong nga.

SALM 119:161

Ki bakhraw batri ki la behbeiñ ïa nga khlem daw; hynrei, ka dohnud jong nga ka sngewsheptieng ïa ki ktien jong me.

SALM 140:11

Ïa u nongkren sniew yn ym pynskhem ha ka khyndew: ka jingsniew kan beh ïa uta u briew uba leh jubor ïa ka ban pynkyllon ïa u.

SALM 35:7

Naba khlem daw ki la buhrieh ïa la ka jar ha ka thliew ïa nga, khlem daw ki la tih thliew ïa ka mynsiem jong nga.

SALM 59:3

Naba ha khmih, ki ïa-ap thap ïa ka mynsiem jong nga; ki bakhrawbor ki ïalum lang ïaleh ïa nga: ym namar ka jingpalat jong nga, lymne namar ka pop jong nga, A Trai.

SALM 7:5

to u nongshun un behbeiñ ïa ka mynsiem jong nga, bad un lap ïa ka; to un ïuh roit ruh ïa ka jingim jong nga sha ka khyndew, bad un buh ïa ka burom jong nga ha ka 'dewmet. Selah

PROBERB 15:1

Ka jingphai ktien kaba jem ka pynphai noh ïa ka jingbitar: hynrei, ka ktien kaba eh ka pynkhih ïa ka jingbitar.

SNGEWSYNEI 4:18

Ki beh ïa ki jingjam jong ngi, katba ngim lah ban leit ha ki lynti shnong jong ngi: ka bakut jong ngi ka jan, ïa ki sngi jong ngi la pyndep; naba ka bakut jong ngi ka la poi.

ESEKIEL 13:18

bad to ong, ‘Kumne u ong U Trai U Blei: “Kordit ïa kita ki kynthei kiba suh ïa ki syngkhlieh halor ki tymbuit baroh, bad kiba thaw ïa ki jaiñ tapmoh ïa ka khlieh ki briew kiba kumno kumno ka rynïeng ïa ka ban beh mrad ïa ki mynsiem! Hato phin beh mrad ïa ki mynsiem ki briew jong nga, bad ri pynim ïa ki mynsiem na ka bynta ïa lade?

MIKAH 7:2

Ki babha ki la duh noh na ka khyndew, te ym don u bahok hapdeng ki briew: baroh ki ïa-ap thap ïa ka snam; ki ïabeh mrad uwei uwei baroh ïa la u para da ka jar.

ÏOANNIS 15:25

Hynrei, kane ka jia, ba yn ïoh pyndep ïa kata ka ktien kaba la thoh ha Ka Hukum jong ki, ‘Ki la shun ïa nga khlem daw.’

1 SAMUEL 12:3

Ha khmih ïa nga: to sakhi pyrshah ïa nga ha khmat U Trai, bad ha khmat uba la sleh jong u: u masi dab jongno nga la shim? lane ka kadda jongno nga la shim? lane ïano nga la shukor? ïano nga la banbeiñ? lane na ka kti jongno nga la shim sap ban pynmatlah ïa la ki khmat da ka? te ngan buria ïa kata ha phi.”

1 SAMUEL 18:27

bad u Dabid u la ïeng bad u la leit, ma u bad ki briew jong u, bad u la pynïap ïa arspah ngut ki Philistia; bad u Dabid u la wallam ïa ki sher jong ki, bad u la ai noh biang biang ïa ki ha u syiem, ba un ïoh long u pyrsa kurim u syiem. Te u Saul u la ai kurim noh ïa ka Mikhal ka khun jong u ha u.

1 SAMUEL 23:14

Te u Dabid u la shong ha ka ri khlaw ha ki kut, bad u la shong sah ha ri lum ha ka ri khlaw Siph. Te u Saul u la wad ïa u ha la ka sngi, hynrei, U Blei um shym la aiti noh ïa u ha ka kti jong u.

1 SAMUEL 23:23

To khmih te namar kata, bad to tip bha ïa kita ki jaka rieh baroh ha kiba u rieh, bad to wan phai pat sha nga khnang, te ngan ïaleit lem bad phi: bad lada u don ha kane ka ri, ngan wad ïa u kylleng ha ki hajar Judah baroh.”

1 SAMUEL 25:28

To map, nga kyrpad ïa me, ïa ka jingpalat ka shakri jong me: namar U Trai da shisha un pynlong ka ïing kaba skhem ïa u kynrad jong nga, naba u kynrad jong nga u ïaleh ïa ki jingïaleh thma ki jong U Trai; bad yn ym shem ei ei ka basniew ha me baroh ki sngi jong me.

1 SAMUEL 26:18

U la ong ruh, “Namar balei ba u kynrad jong nga u beh nadien u shakri jong u? namar ba nga la leh aïu? lane ka basniew aïu ka don ha ka kti jong nga?

1 SAMUEL 26:20

Te namar kata, wat ai ïa ka snam jong nga ba kan hap ha ka khyndew shawei shawei na khmat U Trai: naba u syiem ki Israel u la wan mih noh ïa ka ban wad ïa u thyllah, kumba uwei u beh ïa ka 'iar khlaw ha ki lum.”

1 SAMUEL 26:23

Te U Trai un ai ïa uwei pa uwei baroh ïa ka hok jong u bad ka jingïaineh jong u: namar U Trai u la aiti noh ïa me ha ka kti jong nga ha kane ka sngi, hynrei, nga ngam treh ban rah ïa la ka kti pyrshah ïa uba la sleh jong U Trai.