1 SAMUEL 23:4 - KA BAIBL

⁴ Ynda kumta, u Dabid u la kylli pat na U Trai. Bad U Trai u la ïathuh ha u bad u la ong, “To ïeng, to leit hiar sha Keilah; namar ngan sa aiti ïa ki Philistia ha ka kti jong me.”

Khasi CL Bible (BSI)

⁴ Kumta u Dabid u kylli sa shisien na U Trai, bad U Trai u ong ha u, “Khie leit bad tur ïaleh ïa ka Keilah, namar ngan ai ha me ka jingjop halor ki Philistia.”

1 SAMUEL 23:4 ပူးပေါင်းရင်းမြစ်များ

2 SAMUEL 2:1

Hadien kane te, u Dabid u la kylli na U Trai, u da ong, “Ngan leit kiew ne em sha kano kano na ki nongbah Judah?” Bad U Trai u la ïathuh ha u, “To leit kiew.” Te u Dabid u la kylli, “Shano ngan leit kiew?” U te U la ïathuh, “Sha Hebron.”

2 SAMUEL 5:19

Te u Dabid u la kylli na U Trai, u da ong, “Ngan leit kiew ne em ban ïaleh ïa ki Philistia? Men ai noh ne em ïa ki ha ka kti jong nga?” Bad U Trai u la ïathuh ha u Dabid, “Khie leit kiew; naba ngan ai noh shisha ïa kine ki Philistia ha ka kti jong me.”

2 SYIEM 3:18

Te kane ka long tang kaba rit ha khmat U Trai: un ai ruh ïa ki Moab ha ka kti jong phi.

1 KHRONIKL 14:10

Bad u Dabid u la kylli na U Blei, u da ong, “Ngan leit ïaleh ïa ki Philistia? Te men ai noh ïa ki ha ka kti jong nga?” Bad U Trai u la ong ïa u, “Khie leit; naba ngan ai noh ïa ki ha ka kti jong me.”

JOSHUA 8:7

ynda kumta, phin mih na kaba thap, bad phin jop ïa ka shnong; naba U Trai U Blei jong phi un aiti ïa ka ha ka kti jong phi.

NONGBISHAR 6:39

Te u Gideon u la ong ha U Blei, “Wat ai ba ka jingbitar jong me kan meh ïa nga, bad ngan kren sa kane shi sien: nga kyrpad ïa me, ai ngan tynjuh da une u shñiuh sa kane shi sien; ai kan rkhiang tang ha une u shñiuh, bad ha ka khyndew baroh kan long umjer.”

NONGBISHAR 7:7

Bad U Trai u la ong ha u Gideon, “Da kita ki laispah ki rangbah kiba la jliah ngan pynim ïa phi, bad ngan ai noh ïa ki Midian ha ka kti jong me: bad to ai ba u paidbah baroh uwei pa uwei un leit sha la ka jaka.”

NONGBISHAR 7:9

Te ha kata ka miet, U Trai u la ong ha u, “To ïeng joit, to leit hiar sha uta u paidbah; naba nga la ai noh ïa u ha ka kti jong me.

1 SAMUEL 10:22

Namar kata, ki la kylli shuh ïa U Trai, “La uta u briew un wan pat shane ne em?” Bad U Trai u la ïathuh, “Ha khmih, u rieh ïa lade hapdeng kita ki jingbuh.”

1 SAMUEL 23:2

Namar kata, u Dabid u la kylli na U Trai, u da ong, “Ngan leit ne em, bad ngan pom ïa kine ki Philistia?” Te U Trai u la ïathuh ha u Dabid, “Khie leit, bad pom ïa ki Philistia, bad pyllait im ïa ka Keilah.”

1 SAMUEL 23:3

Te ki rangbah u Dabid ki la ïa-ong ha u, “Ha khmih, ngi ïasheptieng wat hangne ha Judah: sa katno tam te lei lei lada ngin leit sha Keilah ban ïaleh ïa ki paidïapom ki Philistia?”

1 SAMUEL 23:5

Kumta, u Dabid bad ki rangbah jong u ki la ïaleit sha Keilah, bad u la ïaleh thma ïa ki Philistia, bad u la knieh noh ïa ki masi jong ki, bad u la pom ïa ki da ka jingpynïap kaba khraw. Kumta u Dabid u la pyllait im ïa ki nong Keilah.

1 SAMUEL 28:6

Bad haba u la kylli na U Trai, U Trai um shym ïathuh ha u, lymne da ki jingphohsniew, lymne da ki Urim, lymne da ki nongïathuhlypa de.

1 SAMUEL 30:8

Te u Dabid u la kylli na U Trai, u da ong, “Lada ngan beh nadien une u paid, ngan lap ïa u ne em?” U ruh U la ïathuh ha u, “To beh; namar men lap shisha, bad da shisha men ïoh pat ïa kiei kiei baroh.”