1 SAMUEL 23:2 - KA BAIBL

² Namar kata, u Dabid u la kylli na U Trai, u da ong, “Ngan leit ne em, bad ngan pom ïa kine ki Philistia?” Te U Trai u la ïathuh ha u Dabid, “Khie leit, bad pom ïa ki Philistia, bad pyllait im ïa ka Keilah.”

Khasi CL Bible (BSI)

² Kumta u kylli na U Trai, “Hato ngan leit bad tur ïaleh ïa ki Philistia?” “Ho-oid” U Trai u jubab. “Tur ïaleh ïa ki bad pyllait im ïa ka Keilah.”

1 SAMUEL 23:2 ပူးပေါင်းရင်းမြစ်များ

2 SAMUEL 2:1

Hadien kane te, u Dabid u la kylli na U Trai, u da ong, “Ngan leit kiew ne em sha kano kano na ki nongbah Judah?” Bad U Trai u la ïathuh ha u, “To leit kiew.” Te u Dabid u la kylli, “Shano ngan leit kiew?” U te U la ïathuh, “Sha Hebron.”

2 SAMUEL 5:19

Te u Dabid u la kylli na U Trai, u da ong, “Ngan leit kiew ne em ban ïaleh ïa ki Philistia? Men ai noh ne em ïa ki ha ka kti jong nga?” Bad U Trai u la ïathuh ha u Dabid, “Khie leit kiew; naba ngan ai noh shisha ïa kine ki Philistia ha ka kti jong me.”

2 SAMUEL 5:23

Te haba u Dabid u la kylli na U Trai, U la ong ha u, “Wat leit kiew: hynrei, leit sawdong na shadien jong ki, bad kyntur sha ki ha marpyrshah kita ki dieng Bekaim.

1 KHRONIKL 14:10

Bad u Dabid u la kylli na U Blei, u da ong, “Ngan leit ïaleh ïa ki Philistia? Te men ai noh ïa ki ha ka kti jong nga?” Bad U Trai u la ong ïa u, “Khie leit; naba ngan ai noh ïa ki ha ka kti jong me.”

SALM 32:8

Ngan pynnang ïa me bad ngan hikai ïa me ha ka lynti kaba men leit: ngan sneng ïa me da kaba khmih la ka khmat ha me.

JEREMAÏAH 10:23

A Trai, nga tip ba ka lynti u briew kam long ha u hi: kam long ha u briew uba ïaid ban pynbeit ïa la ki jingjam.

JINGKHEIÑ 27:21

Te un ïeng ha khmat u Eleasar lyngdoh, u ban ïakylli na ka bynta jong u, katba kum ka jingbishar ki Urim ha khmat U Trai: da ka ktien jong u, kin ïamih noh shabar, bad da ka ktien jong u, kin ïawan shapoh, ma u, bad ki khun Israel baroh ryngkat bad u, bad u paidlang baroh ruh de.”

JOSHUA 9:14

Te kita ki rangbah ki la shim na ka jingbam jong ki, bad kim shym la ïakylli na ka shyntur U Trai.

NONGBISHAR 1:1

Te hadien ka jingïap u Joshua, ki Israel ki la ïakylli ïa U Trai, ki da ong, “Uei un leit kiew nyngkong na ka bynta jong ngi pyrshah ïa ki Kanaan, ban ïaleh ïa ki?”

1 SAMUEL 10:22

Namar kata, ki la kylli shuh ïa U Trai, “La uta u briew un wan pat shane ne em?” Bad U Trai u la ïathuh, “Ha khmih, u rieh ïa lade hapdeng kita ki jingbuh.”

1 SAMUEL 14:37

Bad u Saul u la kylli na U Blei, “Ngan leit hiar ne em hadien kine ki Philistia? ma me ruh men aiti noh ne em ïa ki ha ka kti ki Israel?” Hynrei, um shym phai ktien ha u ha kata ka sngi.

1 SAMUEL 23:3

Te ki rangbah u Dabid ki la ïa-ong ha u, “Ha khmih, ngi ïasheptieng wat hangne ha Judah: sa katno tam te lei lei lada ngin leit sha Keilah ban ïaleh ïa ki paidïapom ki Philistia?”

1 SAMUEL 23:4

Ynda kumta, u Dabid u la kylli pat na U Trai. Bad U Trai u la ïathuh ha u bad u la ong, “To ïeng, to leit hiar sha Keilah; namar ngan sa aiti ïa ki Philistia ha ka kti jong me.”

1 SAMUEL 23:6

Ka la long te, haba u Abiathar u khun u Ahimelekh u la phet ïap sha u Dabid ha Keilah, ba u la wallam ruh ïa ka ephod ha la ka kti.

1 SAMUEL 30:8

Te u Dabid u la kylli na U Trai, u da ong, “Lada ngan beh nadien une u paid, ngan lap ïa u ne em?” U ruh U la ïathuh ha u, “To beh; namar men lap shisha, bad da shisha men ïoh pat ïa kiei kiei baroh.”