1 SAMUEL 22:4 - KA BAIBL

⁴ Te u la ïalam ïa ki ha khmat u syiem ka Moab: bad ki la shong lem bad u baroh ki sngi ba u Dabid u la don ha kata ka kut.

Khasi CL Bible (BSI)

⁴ Kumta u Dabid u iehnoh ïa la u kpa bad ka kmie ha u syiem Moab, bad ki la sah hangta katba u Dabid u dang rieh ha ka krem.

1 SAMUEL 22:4 ပူးပေါင်းရင်းမြစ်များ

2 SAMUEL 24:11

Te haba u Dabid u la khie mynstep, ka ktien U Trai ka la wan ha u Gad u nongïathuhlypa, u nongïohi u Dabid, da kaba ong,

2 SAMUEL 8:2

Bad u la shoh ïa ki Moab, bad u la thew ïa ki da u ksai, u da pynthiah ïa ki ha khyndew; ïa ka ban pynïap u la thew da ar tylli ki ksai, ïa ka ban ri im te u la thew da uwei u ksai shilynter. Bad kita ki Moab ki la long ki khun kliarwait, bad kiba ai khrong ha u Dabid.

1 KHRONIKL 11:16

Bad u Dabid ha kata ka por u don hapoh kata ka kut, bad ka karod ki Philistia ka la don ha Bethlehem ha kata ka por.

1 KHRONIKL 12:16

Bad la don na ki khun Benjamin bad Judah kiba la wan sha ka kut ha u Dabid.

1 KHRONIKL 21:9

Te U Trai u la kren ha u Gad, u nongïohi jong u Dabid, u da ong,

1 KHRONIKL 29:29

Te ki kam jong u Dabid u syiem, ki banyngkong bad ki bakhatduh, ha khmih, la thoh ïa ki ha Ka Jingïathuhkhana u Samuel u nongïohi, bad ha Ka Jingïathuhkhana u Nathan u nongïathuhlypa, bad ha Ka Jingïathuhkhana u Gad u nongïohi;

2 KHRONIKL 29:25

Te u la buh ïa ki Lebi ha ka ïing U Trai bad ki shakuriaw, bad ki nebel, bad ki duitara de, kat kum ka hukum jong u Dabid, bad ka jong u Gad u nongïohi jong u syiem, bad u Nathan u nongïathuhlypa: namar ka hukum ka la long na U Trai da ki nongïathuhlypa jong U.

NEHEMAÏAH 6:11

Bad nga la ong, “Hato dei u briew uba kat nga u ban phet ïap noh? bad don mano uba kat nga, u ban leit ha ka templ ïa ka ban ri pynim ïa lade? Ngan ym leit bsut.”

SALM 11:1

Ha U Trai nga shaniah: kumno phi ong ha ka mynsiem jong nga, “To her noh kum u sim sha u lum jong phi?

MATHAÏOS 10:23

Hynrei, haba ki ïabehbeiñ ïa phi ha kawei ka shnong, to ïaphet sha kawei pat: naba shisha nga ong ha phi, ba phin ym pat lah pyndep ïa ki shnong ki Israel, tad ynda un wan U Khun u briew.

1 SAMUEL 22:3

Te u Dabid u la leit noh nangta sha Mispeh ri Moab: bad u la ong ha u syiem ka Moab, “Nga kyrpad ïa me, to shah ïa u kpa jong nga bad ïa ka kmie jong nga ban wan shong bad phi, tad ynda ngan ïoh tip U Blei un leh kumno ïa nga.”

1 SAMUEL 22:5

Te u Gad u nongïathuhlypa u la ong ha u Dabid, “Wat sah shuh ha kane ka kut; to mih noh, bad leit noh sha ka ri Judah.” Kumta, u Dabid u la mih noh, bad u la leit poi sha ka khlaw Hareth.