1 SAMUEL 22:3 - KA BAIBL

³ Te u Dabid u la leit noh nangta sha Mispeh ri Moab: bad u la ong ha u syiem ka Moab, “Nga kyrpad ïa me, to shah ïa u kpa jong nga bad ïa ka kmie jong nga ban wan shong bad phi, tad ynda ngan ïoh tip U Blei un leh kumno ïa nga.”

Khasi CL Bible (BSI)

³ U Dabid u leit noh na kata ka jaka sha Mispah ha Moab bad u ong ha u syiem Moab, “Sngewbha shah ïa i pa bad i mei jong nga ban wan bad sah bad phi haduh ba ngan da tip aïu U Blei un leh na ka bynta jong nga.”

1 SAMUEL 22:3 ပူးပေါင်းရင်းမြစ်များ

JENESIS 47:11

Bad u Joseph u la pynshong neh ïa la u kpa bad ïa la ki hynmen hynbew, bad u la ai ha ki, ïa ka bynta trai ha ka ri Ijipt, ha ka jaka kaba kham bha tam, ha ka khyndew Rameses, kumba u Pharaoh u la lah ai hukum.

2 SAMUEL 8:2

Bad u la shoh ïa ki Moab, bad u la thew ïa ki da u ksai, u da pynthiah ïa ki ha khyndew; ïa ka ban pynïap u la thew da ar tylli ki ksai, ïa ka ban ri im te u la thew da uwei u ksai shilynter. Bad kita ki Moab ki la long ki khun kliarwait, bad kiba ai khrong ha u Dabid.

EKSODOS 20:12

“To burom ïa la u kpa bad ïa la ka kmie: ba yn pynslem ïa ka rta jong me ha ka khyndew ïa kaba U Trai U Blei jong me u ai ha me.

1 TIMOTHI 5:4

Hynrei, lada kano kano ka riewkynthei ka don ki khun lane ki ksiew, to ai kin nang nyngkong ban pyni ka jingriewblei ïa ka ïing la ka jong hi, bad ban siew kylliang ha la ki kmie ki kpa: namar kane ka long ka babha bad kaba pdiang hun ha khmat U Blei.

NONGBISHAR 11:29

Hamar kata, U Mynsiem U Trai u la wan ha u Jephthah, bad u la ïaid lyngba ïa ka Gilead bad ïa ka Manasseh, bad u la ïaid lyngba ïa ka Mispeh jong ka Gilead, bad na ka Mispeh jong ka Gilead u la ïaid sha shiliang sha ki khun u Ammon.

RUTH 4:10

Ïa ka Ruth ruh ka nong Moab, ka tnga u Mahlon, nga la thied ban long ka tnga jong nga, ban pynmih ïa ka kyrteng jong uta uba la ïap ha kata ka bynta jong u, ba yn ym duh noh ka kyrteng jong u baïap napdeng ki para jong u, bad na ka khyrdop ka jaka jong u: phi long ki sakhi keiñ ha kane ka sngi.”

RUTH 4:17

Te kita ki paramarjan kynthei jong ka ki la kyrteng ïa u, ki da ong, “La kha khun shynrang ha ka Naomi,” bad ka la kyrteng ïa u, “u Obed”: u te u la long u kpa u Jesse, uba u kpa u Dabid.

1 SAMUEL 14:47

Te haba u Saul u la shimti ïa ka jinglong syiem halor ki Israel, u la ïaleh thma ïa la ki nongshun baroh kylleng, ïa ki Moab, bad ïa ki khun u Ammon, bad ïa ka Edom, bad ïa ki syiem Sobah, bad ïa ki Philistia de: bad shano shano ba u la phai la ka khmat, u la jop.

1 SAMUEL 22:2

Bad uwei uwei baroh uba ha ka jynjar, bad uwei uwei baroh uba dap ram, bad uwei uwei baroh uba la kthang la ka mynsiem, ki la ïalum lang sha u; te u la long rangbah halor jong ki: te ki la don hangta lem bad u kumba sawspah ki rangbah.

1 SAMUEL 22:4

Te u la ïalam ïa ki ha khmat u syiem ka Moab: bad ki la shong lem bad u baroh ki sngi ba u Dabid u la don ha kata ka kut.

1 SAMUEL 3:18

Te u Samuel u la ïathuh ha u ïa kiei kiei baroh, bad um shym la buhrieh ei ei ruh na u. U te u la ong, “U long U Trai; to un leh ïa kaba u hi u sngewbha.”