1 SAMUEL 22:23 - KA BAIBL

²³ To sah ma me bad nga, wat sheptieng; naba uta uba wad ïa ka jingim jong nga u wad ïa ka jingim jong me ruh: hynrei, bad nga men ïoh ka jingïada.”

Khasi CL Bible (BSI)

²³ To sah noh bad nga bad wat sheptieng. U Saul u kwah ban pynïap ïa phi bad ïa nga, hynrei phin lait na ka jingma bad nga.”

1 SAMUEL 22:23 ပူးပေါင်းရင်းမြစ်များ

2 SAMUEL 9:7

Bad u Dabid u la ong ha u, “Wat sheptieng: naba ngan leh isynei keiñ ïa me shisha na ka bynta u Jonathan u kpa jong me, bad ngan ai noh pat ha me ïa ka khyndew baroh ka jong u Saul u kpa jong me; bad men ïoh bam kpu ha ka miej jong nga ha la ka sngi.”

1 SYIEM 1:7

Te u la ïasylla bad u Joab u khun ka Seruïah, bad u Abiathar lyngdoh de; te haba ki ïabud ïa u Adonijah ki la ïarap ïa u.

1 SYIEM 2:26

U syiem te u la ong ïa u Abiathar lyngdoh, “Khie me sha Anathoth, sha la ki khyndew; naba me long u briew uba dei ban ïap: hynrei, ngan ym pynïap ïa me ha kane ka por, namar me la bah ïa ka synduk U Trai U Blei ha khmat u Dabid u kpa jong nga, bad namar ba la pynshitom ïa me ha baroh ha kaba la pynshitom ïa u kpa jong nga.”

MATHAÏOS 24:9

“Ynda kumta, kin ai noh ïa phi ha ka shitom, bad kin ïa-pynïap noh ïa phi; bad phin long kiba la shun da ki kynja bynriew baroh na ka bynta ka kyrteng jong nga.

ÏOANNIS 15:20

To kynmaw ïa kata ka ktien kaba nga la ong ma nga ha phi, ‘U shakri um long uba kham khraw ïa u kynrad jong u.’ Lada ki la lehbeiñ ïa nga, kin lehbeiñ ruh ïa phi; lada ki la sumar ïa ka ktien jong nga, kin sumar ïa ka jong phi ruh.

ÏOANNIS 17:12

Mynba nga la don lem bad ki, nga la sumar ïa ki ha ka kyrteng jong me: ïa kita kiba me la ai ha nga, nga la ri kyndong, bad ym don ba la jot noh na ki, hynrei, tang uta u khun ka jingjot, ba yn ïoh pyndep ïa ka jingthoh.

ÏOANNIS 18:9

Ba yn pyndep ïa kata ka ktien ïa kaba U la kren, “Na kita kiba me la ai ha nga, ngam shym la pynjah noh uwei ruh.”

1 SAMUEL 23:17

Bad u la ong ha u, “Wat sheptieng: naba ka kti u Saul u kpa jong nga kan ym ïoh kem ïa me; te men ïoh synshar halor ki Israel; bad nga ruh ngan long uba kham hajan ïa me; bad u Saul u kpa jong nga u tip ïa kata.”