1 SAMUEL 22:2 - KA BAIBL

² Bad uwei uwei baroh uba ha ka jynjar, bad uwei uwei baroh uba dap ram, bad uwei uwei baroh uba la kthang la ka mynsiem, ki la ïalum lang sha u; te u la long rangbah halor jong ki: te ki la don hangta lem bad u kumba sawspah ki rangbah.

Khasi CL Bible (BSI)

² Ki briew kiba la shah banbeiñ lane kiba dap ram lane kiba kthang mynsiem ki la leit sha u, baroh ki don kumba sawspah ngut ki rangbah, bad u kylla long u nongïalam jong ki.

1 SAMUEL 22:2 ပူးပေါင်းရင်းမြစ်များ

2 SAMUEL 17:8

U Hushai u la ong ruh, “Me ithuh ïa la u kpa bad ïa ki rangbah jong u, ba ki long kiba shynrang ki briew, bad kiba bitar la ki jingmut, kum ka dngiem kaba la jah noh la ki khun ha khlaw: u kpa jong me u long u riewïapom ruh, te un ym sah miet ryngkat bad u paidbah.

2 SAMUEL 5:2

Mynshuwa ruh, mynba u Saul u la long syiem halor jong ngi, long ma me uba la ju ïalam shabar bad uba wallam shapoh ïa ki Israel: bad U Trai u la ong ha me, ‘Men bsa ma me ïa ki briew jong nga ki Israel, bad men long u nongïalam ïa ki Israel.’ ”

2 SYIEM 20:5

“To phai pat, bad to ong ha u Hesekaïah u rangbah u paidbah jong nga, ‘Kumne ong U Trai, U Blei u Dabid u kpa jong me, Nga la shahshkor ïa ka jingduwai jong me, nga la ïohi ïa ki ummat jong me: ha khmih, ngan pynkhiah ïa me: ha ka sngi ka balai men leit kiew sha ka ïing U Trai.

2 SYIEM 4:1

Te kawei ka kynthei na ki tnga ki khun ki nongïathuhlypa ka la pyrta ha u Elisha, ka da ong, “U shakri jong me u tnga jong nga u la ïap: bad me tip ba u shakri jong me u la sheptieng ïa U Trai: bad u nongshah ram u la wan ban ring mraw ha u ïa ki khun shynrang jong nga baroh ar ngut.”

PROBERB 31:6

To ai ïa ka kyiad ha uta uba la jan ïap, bad ka Waiñ ha uba kthang la ka mynsiem:

MATHAÏOS 11:12

Te naduh ki sngi u Ïoannis u Nongpynbaptis haduh mynta, la ïaknieh ïa ka hima ki bneng, bad kiba ïaknieh ki shim ïa ka da ka bor.

MATHAÏOS 11:28

To wan ha nga, phi baroh ki bathait bad bakhia ka jingkit, te ngan pynjem ïa phi.

HEBRU 2:10

Namar ka la bit ïa u, na ka bynta jong u ba la long kiei kiei baroh, bad da u ba long kiei kiei baroh, ha kaba u ïalam ïa ki khun shibun sha ka burom, ban pynjanai ïa U Nongpynlong ka jingpynim jong ki da ki jingshahshitom.

NONGBISHAR 11:3

Kumta te u Jephthah u la phet noh na khmat ki hynmen hynbew jong u, bad u la shong ha ka ri Tob: te ki la ïalang ki 'riewthala ha u Jephthah, bad ki la ïaleit mih noh lem bad u.

NONGBISHAR 18:25

Bad ki khun u Dan ki la ong ha u, “Wat ai ban ïohsngew shuh ïa ka ktien jong me hapdeng jong ngi, ïoh ba ki briew babitar kin kynrup ïa me, bad men duh ïa la ka jingim, bad ki jingim kiba ha ïing jong me de.”

1 SAMUEL 1:10

Bad ka la kthang ka mynsiem jong ka, ka la duwai ruh ha U Trai, ka da ïam eh.

1 SAMUEL 22:3

Te u Dabid u la leit noh nangta sha Mispeh ri Moab: bad u la ong ha u syiem ka Moab, “Nga kyrpad ïa me, to shah ïa u kpa jong nga bad ïa ka kmie jong nga ban wan shong bad phi, tad ynda ngan ïoh tip U Blei un leh kumno ïa nga.”

1 SAMUEL 23:13

Ynda kumta, u Dabid bad u paidbah jong u, kumba hynriewspah ngut, ki la ïeng bad ki la leit noh na Keilah, bad ki la leit kylleng kat sha kaba ki lah. Te la ïathuh ha u Saul ba u Dabid u la phet noh na Keilah; u ruh u la pep ban leit mih noh.

1 SAMUEL 25:13

Te u Dabid u la ong ïa la u paidbah, “To kieng uwei pa uwei ïa la ka waitlam.” Bad ki la kieng uwei pa uwei baroh ïa la ka waitlam; bad u Dabid ruh u la kieng ïa la ka waitlam: te ki la leit kiew kumba sawspah ki briew hadien u Dabid; bad arspah ngut ki la sah bad ki jingbuh jingsat.

1 SAMUEL 30:6

Te u Dabid u la sngewpisa eh; naba kita ki paidbah ki la ïa-ong ban lynthem maw ïa u, namar ki mynsiem jong kita ki briew baroh ki la kthang, uwei pa uwei namar la ki khun shynrang bad namar la ki khun kynthei; hynrei, u Dabid u la pynkhlaiñ ïa lade ha U Trai U Blei jong u.

1 SAMUEL 9:16

“Lashai hamar kane ka por ngan phah sha me ïa u briew uba na ka ri Benjamin, te men pynsleh ïa u ban long u nongïalam halor ki briew jong nga ki Israel, bad un pyllait ïa ki briew jong nga na ka kti ki Philistia: namar nga la khmih ïa la ki briew, naba ka jinglynñiar jong ki ka la poi sha nga.”