1 SAMUEL 22:17 - KA BAIBL

¹⁷ Te u syiem u la ong ha kita ki nongphet kiba ïeng sawdong ïa u, “To phai, bad pynïap ïa ki lyngdoh jong U Trai: naba ka kti jong ki ruh ka don lem bad u Dabid, bad ba haba ki la tip ba u la phet noh, kim shym ïathuh ha nga.” Hynrei, ki shakri u syiem kim treh ban rah ïa la ka kti ban pynïap ïa ki lyngdoh jong U Trai.

Khasi CL Bible (BSI)

¹⁷ Nangta u ong ha ki nongap kiba ïeng hajan jong u, “Pynïap ïa ki lyngdoh jong U Trai! Ki la ïasylla bad u Dabid bad kim shym la ïathuh ïa nga ba u la phet, wat la ki la tip ïa ka baroh shi katta.” Hynrei ki nongap kim treh ban rah ïa la ka kti ban pynïap ïa ki lyngdoh jong U Trai.

1 SAMUEL 22:17 ပူးပေါင်းရင်းမြစ်များ

2 SAMUEL 15:1

Hadien kane te, u Absalom u la khreh ïa lade ki kali bad ki kulai, bad sanphew ngut ki briew ïa ka ban phet ha shuwa jong u.

1 SYIEM 1:5

Ynda kumta, u Adonijah u khun ka Haggith u la pynpaw khmat ïa lade, u da ong, “Ngan long syiem ma nga”: te u la pynkhreh ki kali bad ki nongshong kulai, bad sanphew ngut ki rangbah ban mareh ha shuwa jong u.

1 SYIEM 14:27

U syiem Rehoboam te u la thaw pli ha ki jaka jong ki da ki stieh rnong, bad u la aiti ïa ki ha ki kti ki kaptan jong ki santari kiba ap ïa ka jingkhang ka ïing u syiem.

1 SYIEM 18:4

naba mynba ka Jesebel ka la pynïap ïa ki nongïathuhlypa U Trai, u Obadaïah u la shim shispah ngut ki nongïathuhlypa, bad u la buhrieh ïa ki sanphew sanphew ha ka krem, bad u la bsa ïa ki da u kpu bad da ka um.)

2 SYIEM 10:25

Te u tang shu la lah ai ïa ka jingainguh thang, u Jehu u la ong ha kita ki nongap bad ha ki kaptan, “To rung, bad pynïap ïa ki; wat shah ba uwei ruh un mih.” Bad ki la pynïap ïa ki da ka syrti waitlam; bad ki nongap bad ki kaptan ki la bred ïa ki shabar, bad ki la leit sha ka shnong ka ïing u Baal.

EKSODOS 1:17

Hynrei, kita ki nongbat khun ki la sheptieng ïa U Blei, bad kim shym leh kumba uta u syiem ka ri Ijipt u la hukum ïa ki, hynrei, ki la ri im ïa ki khun shynrang.

KI KAM 4:19

Hynrei, u Petros bad u Ïoannis ki la ïathuh bad ki la ong ha ki, “La ka shong hok ha khmat U Blei ban sngap ïa phi kham tam ban ïa U Blei, to khan ma phi:

1 SAMUEL 14:45

Te kita ki briew ki la ong ha u Saul, “Hato un ïap u Jonathan, uba la pynlong ka jingpynim kaba khraw kat kane ha Israel? Kan ym long kumta, em: katba im U Trai, in ym hap iwei na ki 'ñiuh khlieh jong u ha ka khyndew; namar u la trei ryngkat bad U Blei ha kane ka sngi.” Kumta, kita ki briew ki la pynim ïa u Jonathan, ba um shym ïap.

1 SAMUEL 2:31

Ha khmih, ki sngi kin wan, ha kiba ngan ot noh ïa ka ksang'ti jong me, bad ïa ka ksang'ti ka ïing u kpa jong me, ba yn ym don u riewtymmen ha ka ïing jong me.

1 SAMUEL 20:33

Te u Saul u la sum ïa u sum sha u ban sum ïa u: na kane u Jonathan u la tip ba u kpa jong u, u la thew skhem ban pynïap ïa u Dabid.

1 SAMUEL 22:13

Te u Saul u la ong ha u, “Na ka balei phi la ïashet buit lem pyrshah ïa nga, ma me bad u khun u Jesse, ha kaba me la ai kpu ïa u, bad ka waitlam, bad ba me la ïakylli jingkylli na U Blei na ka bynta jong u, ba kumta un ïeng ïaleh ïa nga, ban ap thap, kumba ha kane ka sngi?”

1 SAMUEL 22:16

U syiem te u la ong, “Ko Ahimelekh, da kaba ïap men ïap shisha, ma me, bad baroh ka ïing u kpa jong me.”

1 SAMUEL 25:17

Mynta te namar kata, to tip bad to pyrkhat ïa kaei ba phan sa leh; namar la thew ïa ka basniew ïa u kynrad jong ngi, bad ka ïing jong u baroh: naba u long u khun u Belial katta katta, katba ym lah ïakren shuh bad u.”

1 SAMUEL 8:11

Bad u la ong, “Kane ka rukom uta u syiem u ban synshar halor jong phi: un shim na ki khun shynrang jong phi, bad un buh ïa ki ha lade, ïa ki kali jong u, bad ban long ki nongshong kulai ha u; bad ban phet ha khmat ki kali jong u: