1 SAMUEL 20:8 - KA BAIBL

⁸ Namar kata, to leh isynei ïa la u shakri; naba me la ïalam ïa la u shakri lem bad me ha ka jutang U Trai: hynrei, lada don ei ei ka basniew ha nga, to pynïap ma me ïa nga; namar ïa ka ban lei ba men ïalam ïa nga sha u kpa jong me?”

Khasi CL Bible (BSI)

⁸ Sngewbha leh ïa kane namar jong nga; bad bat ïa ka jingkular bakyntang kaba phi la ai ha nga. Hynrei lada nga long ba la pynrem, pynïap ïa nga da lade hi! Balei phin shim ïa nga sha i pa jong phi ban shah pynïap?”

1 SAMUEL 20:8 ပူးပေါင်းရင်းမြစ်များ

JENESIS 24:49

Te mynta lada phi don ka mon ban leh ïa ka jingsbun bad ka jingshisha ïa u kynrad jong nga, to ïathuh ha nga: bad lada phim mon, to ïathuh keiñ ha nga, ba ngan ïoh phai shawei sha ka kti kamon, lane sha kadiang.”

JENESIS 47:29

Bad ki sngi jong u Israel ki la nang jan ba un ïap noh: te u la khot ïa u Joseph u khun jong u, bad u la ong ha u, “Lada mynta nga la shem ka jingsngewbha ha khmat jong me, to buh, nga kyrpad ïa me, ïa la ka kti hapoh ka skhep jong nga, bad to pyni ïa nga ïa ka jingsngewbha bad ïa ka jingshisha; to wat tep ïa nga, nga kyrpad ïa me, ha ka ri Ijipt:

2 SAMUEL 14:32

U Absalom te u la ïathuh ha u Joab, “Ha khmih, nga la phah sha me, da kaba ong, ‘Ale shane, ba ngan ïoh phah ïa me sha u syiem, ïa ka ban ong, “Nga la wan noh na Geshur ïa ka ban lei? Ka la kham bha ïa nga ban sah hangto haduh mynta: mynta te, to ai ngan ïohi ïa ka khmat u syiem; bad lada don ka pop ha nga, to un pynïap ïa nga.” ’ ”

1 KHRONIKL 12:17

Bad u Dabid u la leit tan ïa ki, bad u la ïathuh u ong ruh ha ki, “Lada phi wan sha nga da kaba suk ban ïarap ïa nga, ka dohnud jong nga kan ïasoh ha phi: hynrei, lada phi wan ban die noh ïa nga ha ki nongïaleh pyrshah jong nga, haba ym don jingsniew ha ki kti jong nga, to U Blei ki kpa jong ngi un khmih ïa kata, bad un sneng ïa ka.”

SALM 116:11

nga la ong ha la kaba kyrkieh, “Ki briew baroh ki long ka jinglamler.”

PROBERB 3:3

Wat ai ba ka jingisynei bad ka jingshisha kin iehnoh noh ïa me: to teh ïa ki ha ka ryndang jong me; to thoh ïa ki ha u maw lyngkniap ka dohnud jong me:

KI KAM 25:11

Lada shisha nga la leh bymdei, bad nga la leh ei ei kaba dei ban ïap, ngam kyrngah ïa ka ban ïap; hynrei, lada kine kiei kiei ruh kim long kiba shisha ba kine ki mudui ïa nga, ym don uba lah ban aiti noh ïa nga ha ki. Nga appil ha u Kaisar.”

JOSHUA 2:14

Te kita ki briew ki la ïathuh ha ka, “Ka jingim jong ngi namar ka jong phi, lada phin ym pynpaw ïa kane ka kam jong ngi; kan long ruh, haba U Trai un ai ïa kane ka ri ha ngi, ba ngin leh isynei bad kaba shisha ïa phi.”

JOSHUA 22:22

“U Trai, U Blei ki blei, U Trai, U Blei ki blei, u tip, bad u Israel un sa tip; lada ka long ha ka jingïaleh pyrshah, lane lada ha ka jingpalat ïa U Trai, (wat pynim ïa ngi ha kane ka sngi,)

RUTH 1:8

Te ka Naomi ka la ong ha kita ki ar ngut ki pyrsa kurim jong ka, “To khie phi to leit phai noh ha la ïing la ïing ka kmie: to U Trai un leh isynei ïa phi, kumba phi ruh phi la leh isynei ïa kita kiba la ïap, bad ïa nga ruh.

1 SAMUEL 18:1

Te ynda u la wai noh ban kren ha u Saul, u Jonathan bad u Dabid ki la ïa-ieit thep mynsiem, bad u Jonathan u la ieit ïa u kum la ka jong ka mynsiem.

1 SAMUEL 18:3

Ynda kumta, u Jonathan bad u Dabid ki la ïateh jutang, naba u la ieit ïa u kum la ka jong ka mynsiem.

1 SAMUEL 20:16

Kumta, u Jonathan u la pynlong ka jutang bad ka ïing u Dabid, da kaba ong, “To U Trai un dawa ïa kane na ka kti ki nongshun u Dabid.”

1 SAMUEL 20:9

Te u Jonathan u la ong, “Wat ai kan long kumta ïa me haba da lei lei: namar lada nga la tip ei ei ba u kpa jong nga u la thew ïa ka basniew ha me, balei ngan ym ïathuh ïa me?”

1 SAMUEL 23:18

Te ki baroh ar ngut ki la ïateh ka jutang ha khmat U Trai: te u Dabid u la shong sah ha kata ka 'law lynnong, bad u Jonathan u la leit noh sha la ïing.