1 SAMUEL 20:5 - KA BAIBL

⁵ Te u Dabid u la ong ha u Jonathan, “Ha khmih, lashai long u bnai u bathymmai, te da lei lei nga dei ban shong bam bad u syiem: hynrei, to shah ba ngan leit, ngan rieh ïa lade ha lyngkha, haduh ka sngi ka balai ynda janmiet.

Khasi CL Bible (BSI)

⁵ “Lashai ka sngi ka dei ka jingkhawai mih bnai thymmai” u Dabid u jubab “bad nga dei ban ïashong bam ryngkat bad u syiem. Hynrei lada ka long kaba biang ïa phi, ngan leit noh ban rieh ha ki bri haduh la shi sngi janmiet.

1 SAMUEL 20:5 ပူးပေါင်းရင်းမြစ်များ

2 SYIEM 4:23

U la ong te, “Namar balei phan leit sha u mynta? kam long u bnai thymmai lane ka Sabbaton.” Bad ka la ong, “Koit.”

SALM 55:12

Namar ym shym la long u nongshun uba la krenbeiñ ïa nga; lada kumta, nga lah ban shah: lymne um shym long uba shun ïa nga uba la pynkhraw ïa lade pyrshah ïa nga; lada kumta, nga la buhrieh ïa lade na u:

SALM 81:3

To put ïa ka turoi ha u 'nai thymmai, haba pyllun bnai, ha ka sngi ka jingïaseng bakyntang jong ngi.

PROBERB 22:3

U briew u basian u ïohi ïa ka basniew, bad u buhrieh ïa lade: hynrei, u bymsian u shu nang ïaid, bad u shah shitom namar kata.

AMOS 8:5

phi ïa-ong, ‘Lano un ïap noh u 'nai thymmai, ba ngin ïadie Kew? bad ka Sabbaton, ba ngin pynmih noh ïa u Kew? da kaba pynrit ïa ka ephah, bad pynheh ïa ka shekel, bad leh shukor da ki tarajur ka jingbymhok;

JINGKHEIÑ 10:10

Ha kata ka sngi ka jinglehkmen jong phi ruh, bad ha ki sngi Ki Jingkhawai Niam bakyntang jong phi, bad ha ki jingsdang ki bnai jong phi, phin put da kita ki ronsing halor ki jingainguh thang jong phi, bad halor ki jingkñia bapynïasuk jong phi; ba kin ïoh long ka jingpynkynmaw ha phi ha khmat U Blei jong phi: Nga long U Trai U Blei jong phi.”

JINGKHEIÑ 28:11

“Ha kaba sdang ki bnai jong phi ruh, phin ainguh ïa ka ban long ka jingainguh thang ha U Trai; da ar tylli ki masi lyngraw, bad uwei u langbrot, bad hynñiew tylli ki bajanai bha ki khun langbrot kiba shi snem;

ÏOANNIS 8:59

Ynda kumta, ki la ïarah ïa ki maw ba kin ïoh lynthem ïa u, hynrei, U Jisu u la buhrieh ïa lade, bad u la mih noh na ka templ.

KI KAM 17:14

Te kumta, mar mar kita ki parabangeit ki la ïaphah noh ïa u Paul ban leit shaduh rud duriaw; hynrei, u Silas bad u Timothi ki la ïanangsah hangta.

KOLOSSAI 2:16

Namar kata, wat ai ba uno uno ruh un bishar ïa phi ha kaba bam lane kaba dih, lane shaphang ka sngi jingkhawai, lane u 'nai thymmai, lane ka sngi Sabbaton;

1 SAMUEL 19:2

Hynrei, u Jonathan u khun u Saul u la ieit eh ïa u Dabid. Bad u Jonathan u la ïathuh ha u Dabid, u da ong, “U Saul u kpa jong nga u thew ban pynïap ïa me: namar kata te, nga kyrpad ïa me, to sumar ïa lade lashai mynstep, bad to sah ha ka jaka rieh, bad to buhrieh ïa lade:

1 SAMUEL 20:18

Ynda kumta, u Jonathan u la ong ha u Dabid, “Lashai long u bnai u bathymmai: te yn kylli shaphang jong me, namar kan long suda ka jaka shong jong me.

1 SAMUEL 20:19

Te ynda me la sah lai sngi, men leit hiar kloi, bad to wan sha kata ka jaka ha kaba me la rieh mynba la long kata kawei ka kam, bad to sah hajan u maw Esel.

1 SAMUEL 20:24

Kumta, u Dabid u la rieh ïa lade ha kata ka lyngkha: te haba la poi u bnai u bathymmai, u syiem u la shong ban bam.

1 SAMUEL 20:27

Te ha kaba lashai u bnai u bathymmai, ka sngi ka ba-ar keiñ, ka jaka u Dabid ka la long suda; bad u Saul u la ong ha u Jonathan u khun jong u, “Balei ba u khun u Jesse um shym wan sha ka jingbam mynhynnin, bad mynta ruh?”

1 SAMUEL 20:4

Ynda kumta, u Jonathan u la ong ha u Dabid, “Ïa kano kano kaba kwah ka mynsiem jong me, ïa kata ngan leh na ka bynta jong me.”

1 SAMUEL 20:6

Lada u kpa jong me un kylli shaphang jong nga, me te men ong, ‘U Dabid u la pan khnang na nga ba un ïoh leit jang jang sha Bethlehem ka shnong jong u: naba ka jingkñia kaba shi snem shi snem ka don hangta ïa ki kur baroh.’