1 SAMUEL 20:30 - KA BAIBL

³⁰ Ynda kumta, ka jingbitar u Saul ka la meh lep ïa u Jonathan, bad u la ong ha u, “Me u khun jong kata ka bakiat bad bamutlop, nga ngam tip ba me la jied ïa une u khun u Jesse ban long ka jingjahburom ïa me, bad ban long ka jinglehrain ïa ka jinglyngkhuit ka kmie jong me?

Khasi CL Bible (BSI)

³⁰ U Saul u bitar lep ïa u Jonathan bad u ong ha u, “Me u khun pongka! Mynta nga tip ba me ïashah liang bad u Dabid bad me pynjahburom ïa lade bad ïa kato ka kmie jong me!

1 SAMUEL 20:30 ပူးပေါင်းရင်းမြစ်များ

Ka Kitab U Job 5:2

Naba ka jingsngewshitom ka pynïap ïa u babieit, bad ka jingbishni ka pynïap ïa u bymstad.

PROBERB 14:29

Uta uba tud ban bitar u don ka jingshemphang kaba khraw: hynrei, uta uba jyndong la ka mynsiem u kyntiew ïa ka jingbieit.

PROBERB 15:2

U thylliej jong u bastad u kren beit ïa ka jingtip: hynrei, ka shyntur jong ki babieit ka theh noh ïa ka jingbieit.

PROBERB 19:12

Ka jingbitar u syiem ka long kum ka jingkyrhuh u sing; hynrei, ka jingsngewbha jong u kum ka umjer halor u phlang.

PROBERB 19:19

U briew u bakhraw ka jingbitar un shah ïa ka jingshitom: naba lada men pyllait ïa u, me dei ban dang leh kumta shuh shuh.

PROBERB 21:24

Uba sarong bad uba sngewmeng, “U nongrkhiebeiñ” long ka kyrteng jong u, u trei ha ka jingsngewkhraw ka jingsarong.

PROBERB 25:28

Uta u bymdon ka jingkhang ïa la ka mynsiem u long kum ka nongbah kaba la twa bad ka bymdon kynroh.

PROBERB 27:3

U maw u khia, bad u shyiap um sting; hynrei, ka jingbitar u babieit ka kham khia ïa ki baroh ar.

MATHAÏOS 5:22

hynrei, nga ong ha phi, ba uno uno ruh uba da sngewbitar ïa u paralok jong u khlem nia, kan dei ïa u ban hap ha ka jingbishar: uno uno ruh de u ban khot ïa u paralok jong u, ‘Raka’, kan dei ïa u ban hap ha ka jingbishar bah; uno uno ruh de u ban khot ïa u, ‘Me uba mutlop runar’, kan dei ïa u ban hap ha ka dujok ding.

EPHESOS 4:31

To bred noh na phi ïa ka jingkthang baroh, bad ka jingkhih bitar, bad ka jingbitar, bad ka jingkaw kaw, bad ka jingkrenbeiñ, lem bad ka jingpynsniew baroh;

EPHESOS 6:4

Phi ruh ki kpa, to wat pynbitar ïa la ki khun; hynrei, to bsa pjiah ïa ki ha ka jinghikai bad ka jingsneng U Trai.

1 SAMUEL 20:29

bad u la ong, ‘Nga kyrpad ïa me, to shah ba ngan leit; namar ka ïing jong ngi ka don ka jingkñia ha shnong; bad u hynmen jong nga u la hukum ïa nga ba ngan don hangta: te mynta, lada nga la shem kaba sngewbha ha khmat jong me, nga kyrpad ïa me, to shah ba ngan leit, ba ngan ïoh jngoh ïa la ki hynmen.’ Namar kata, um shym wan sha ka miej u syiem.”

1 SAMUEL 20:31

Namar katba une u khun u Jesse u dang im ha kane ka pyrthei, yn ym pynskhem ïa me, lymne ïa ka hima jong me. Namar kata te, to phah bad wallam ïa u sha nga, namar un ïap shisha keiñ.”