1 SAMUEL 20:3 - KA BAIBL

³ Te u Dabid u la smai de, bad u la ong, “U kpa jong me u tip bha ba nga la shem kaba sngewbha ha khmat jong me; bad u ong, ‘Wat ai ba u Jonathan un ïoh tip ïa kane, ïoh pynsngewsih ïa u;’ da shisha katba im U Trai, bad katba im ka mynsiem jong me ruh, ka don tang kum shi sien-jam hapdeng jong nga bad ka jingïap.”

Khasi CL Bible (BSI)

³ Hynrei u Dabid u jubab, “I pa jong phi i tip bha katno ba phi sngewieit ïa nga, bad i la rai ba phin ym tip ïa kaei ba i thmu ban leh, namar ba phin sa sngewkthang eh. Nga smai ha phi da U Trai uba im ba nga don sa tang shisien jam na ka jingïap!”

1 SAMUEL 20:3 ပူးပေါင်းရင်းမြစ်များ

2 SAMUEL 15:21

U Ittai te u la ïathuh ha u syiem, bad u la ong, “Katba im U Trai, bad katba im u syiem kynrad jong nga, shisha shisha ha kata ka jaka kaba u don u syiem kynrad jong nga, la ha kaba ïap lane ha kaba im, hangta hi keiñ u shakri jong me un don ruh.”

2 SYIEM 2:2

Bad u Elijah u la ong ha u Elisha, “To sah hangne, nga kyrpad ïa me; naba U Trai u la phah ïa nga haduh Bethel.” U Elisha te u la ong, “Katba im U Trai, bad katba im ka mynsiem jong me, ngan ym iehnoh ïa me.” Kumta, ki la ïaleit hiar sha Bethel.

2 SYIEM 2:4

Bad u Elijah u la ong ha u, “Ko Elisha, to sah hangne, nga kyrpad ïa me; naba U Trai u la phah ïa nga sha Jerikho.” U te u la ong, “Katba im U Trai, bad katba im ka mynsiem jong me, ngan ym iehnoh ïa me.” Kumta, ki la ïapoi sha Jerikho.

2 SYIEM 2:6

Bad u Elijah u la ong ha u, “Sah hangne nga kyrpad ïa me; naba U Trai u la phah ïa nga sha Jordan.” U te u la ong, “Katba im U Trai, bad katba im ka mynsiem jong me, ngan ym iehnoh ïa me.” Bad baroh ar ngut ki la nang leit.

SALM 116:3

Ki jingkhum ka jingïap ki la kyllaiñ sawdong ïa nga, ki jingshitom ka jingtep ki la bat ïa nga: nga la shem ka jynjar bad ka jingkhuslai.

JEREMAÏAH 38:16

Kumta u Sedekaïah syiem u la smai jar jar ha u Jeremaïah, u da ong, “Katba U Trai u im, uba la thaw ïa ngi kane ka mynsiem, ngan ym pynïap noh ïa me, lymne ngan ym ai noh ïa me ha ka kti jong kine ki briew kiba wad ïa ka jingim jong me.”

JEREMAÏAH 4:2

bad men smai, ‘Katba im U Trai,’ ha ka jingshisha, ha ka jingbishar, bad ha ka hok; bad ki jaid bynriew kin kyrkhu ïa lade ha u, bad ha u kin sngewsarong.”

DEUTERONOMI 28:66

te ka jingim jong me, kan shu sdien ha ka jingartatien ha khmat jong me; te men sheptieng synñia sngi, bad men ym thikna ïa la ka jingim:

DEUTERONOMI 6:13

To men sheptieng ïa U Trai uba U Blei jong me; bad to shakri ïa u, bad da ka kyrteng jong u men smai.

HEBRU 6:16

Namar ki briew ki ju smai da uta uba kham khraw: bad ha ka jingïania jong ki baroh ka jingsmai ka long ka bakut ïa ka ban pynskhem.

1 SAMUEL 1:26

Te ka la ong, “Ko kynrad, katba ka im ka mynsiem jong me, ko kynrad, nga long kata ka briew kaba la ïeng hangne hajan jong me, nga da duwai ha U Trai.

1 SAMUEL 17:55

Te haba u Saul u la ïohi ïa u Dabid ba u da leit mih ban ïaleh bad uta u Philistia, u la kylli ïa u Abner u nongïalam u paidïapom, “Une u samla u khun jongno, ko Abner?” Te u Abner u la ïathuh, “Katba ka im ka mynsiem jong me, ko syiem, ngam tip.”

1 SAMUEL 20:2

Te u la ong ha u, “Kam long kumta, em; men ym ïap: ha khmih, u kpa jong nga un ym leh ei ei ruh lymne ka bakhraw lymne ka barit khlem da ïathuh ha nga: te u kpa jong nga un buhrieh ïa kane na nga balei? kam long kumta.”

1 SAMUEL 20:4

Ynda kumta, u Jonathan u la ong ha u Dabid, “Ïa kano kano kaba kwah ka mynsiem jong me, ïa kata ngan leh na ka bynta jong me.”

1 SAMUEL 25:26

Mynta te, ko kynrad jong nga, katba im U Trai, bad katba im ka mynsiem jong me, namar ba U Trai u la khang ïa me ban ym pynmih snam, bad ban ym pynhiar kput da la ka jong ka kti, to ai te ïa ki nongshun jong me, bad kita kiba thew ïa ka basniew ïa u kynrad jong nga, ba kin long kum une u Nabal.

1 SAMUEL 27:1

Te u Dabid u la ong ha la ka dohnud, “Shisha ha kawei ka sngi yn sa pynjot noh ïa nga da ka kti u Saul: ym don lad kaba kham bha ïa nga ban ïa kaba leit sha ka ri ki Philistia; te u Saul un pyndam shaphang jong nga, bad un ym wad shuh ïa nga ha ki phang Israel baroh: kumta, ngan lait im na ka kti jong u.”