1 SAMUEL 2:8 - KA BAIBL

⁸ U pynïeng ïa ki baduk na ka 'dewmet, u pynkyntiew ruh ïa ki bakyrduh khait na ka thliew sboh, ban pynshong ïa ki lem bad ki syiem, bad ban pynïoh ha ki ka khet ka burom; naba ki rijied jong ka khyndew ki long ki jong U Trai, bad u la pynshong ma u ïa ka pyrthei halor jong ki.

Khasi CL Bible (BSI)

⁸ U kyntiew ïa kiba duk na ka dewmet, bad u rah ïa kiba kyrduh na ka jingjynjar jong ki. U pynlong ïa ki, ki paralok jong ki khun syiem, bad buh ïa ki, ha ki jaka badonburom. Ki nongrim jong ka khyndew ki dei ki jong U Trai; bad ha ki u la pynshong ïa ka pyrthei.

1 SAMUEL 2:8 ပူးပေါင်းရင်းမြစ်များ

JENESIS 41:14

U Pharaoh, namar kata, u la phah khot ïa u Joseph, ki te ki la ïaphet ban wallam ïa u na kata ka ïing byndi; bad u ruh u la khi ïa lade, bad u la pli ïa la ki jaiñkup bad u la wan sha u Pharaoh.

JENESIS 41:40

ma me, men long halor ka ïing jong nga, bad da ka ktien jong me yn synshar ïa ki briew jong nga baroh: hynrei, tang ha ka khet syiem ma nga ngan long uba kham khraw halor jong me.”

2 SAMUEL 7:8

Mynta te men ong kumne ïa u Dabid u shakri jong nga, “Kumne u ong U Trai ki paid: Nga la shim ïa me na kata ka jingker, bad na kaba bud ïa ki langbrot, ïa ka ban long u nongïalam halor ki briew jong nga, halor ki Israel keiñ.

1 SYIEM 16:2

“Namar kumba nga la kyntiew ïa me na ka 'dewmet, bad la pynlong syiem ïa me halor ki briew jong nga ki Israel; bad me la ïaid ha ka lynti u Jeroboam, bad me la pynleh pop ïa ki briew jong nga ki Israel, ban pankwah ïa nga ban bitar da ki pop jong ki;

2 SYIEM 9:6

Te u la ïeng joit, bad u la leit shapoh ïing; bad u la theh ïa kata ka umphniang halor ka khlieh jong u, bad u la ong ha u, “Kumne ong U Trai, U Blei ki Israel, ‘Nga la pynsleh ïa me ban long syiem halor u paidbah jong U Trai, halor ki Israel keiñ.

Ka Kitab U Job 1:21

bad u la ong, “Lyngkhuit nga la mih na ka kpoh ka kmie jong nga, bad lyngkhuit ngan phai pat shata: U Trai u la ai, bad U Trai u la shim noh; long ba la kyrkhu ïa ka kyrteng U Trai.”

Ka Kitab U Job 2:8

Bad u la shim ïa ka tyrwiang khiew ïa ka ban trud ïa lade da ka; bad u la shong hapdeng ka dpei.

SALM 102:25

Naduh mynhyndai me la seng ïa ka nongrim jong ka khyndew; bad ki bneng ki long ki jingleh ki kti jong me.

SALM 104:5

Uba la seng ïa ki nongrim jong ka khyndew, ba kan ym khih junom junom.

SALM 107:41

Pynban ïa u barangli u kyntiew sha jrong na ka jingshitom, bad u pynlong ïing ïa u kum ki kynhun langbrot.

SALM 24:2

Naba u la seng ïa ka halor ki duriaw, bad u la pynskhem ïa ka halor ki jingshlei.

SALM 75:3

Ka khyndew bad baroh kiba shong ha ka ki la pra noh: nga la pynïeng ma nga ïa ki rishot jong ka. Selah.

SALM 75:4

Nga la ong ïa kiba meng, “Wat da leh meng:” bad ïa ki bymman, “Wat da kyntiew ïa ka reng.

SALM 75:7

Hynrei, U Blei u long u nongbishar: u pynhiar ïa uwei, bad u kyntiew ïa uwei pat.

EKLESIASTIS 4:14

Namar na ka ïing byndi u la mih noh ban long syiem; shisha, wat ha ka hima jong u la kha duk ïa u.

ISAÏAH 22:23

Ngan pynskhem ïa u kum u prek ha ka jaka baskhem; te un long ka khet ka burom ïa ka ïing u kpa jong u.

DANIEL 2:48

Ynda kumta, u syiem u la kyntiew nam ïa u Daniel, bad u la ai bun ki jingai ki bakhraw ïa u, bad u la thung ïa u ban synshar halor kata ka shnat baroh jong ka Babilon, bad ban long u nongsynshar rangbah halor ki riewstad baroh jong ka ri Babilon.

DANIEL 4:17

Kane ka jingrai ka long da ka hukum jong kita ki nongap phira, bad ka jingleh da ka ktien jong kita ki bakhuid: khnang ba kita ki ba-im kin tip ba U Bahakhlieh Tam Eh u synshar ha ka hima jong ki briew, bad ba u ai ïa ka ha uno uno uba u mon hi, bad ba u buh halor jong ka, ïa uba poh tam na ki briew.’

DANIEL 6:3

Ynda kumta, une u Daniel u la kham donnam halor kita ki rangbah bad ki lyngskor, namar ba la don ka mynsiem ka babha eh ha u; bad u syiem u la pyrkhat ban buh ïa u halor ka hima baroh.

HEBRU 1:3

uba haba u long ka jingtyngshaiñ ka burom jong u, bad ka dur hi ka jinglong tynrai jong u, bad uba kyrshan ïa kiei kiei baroh da ka ktien ka bor jong u, haba u la lah pynlong ka jingpynkhuid ïa ki pop, u la shong ha ka kti kamon jong U Bakhraw Tam sha jrong;

JAKOB 2:5

To da sngew phi, ko parabangeit ba-ieit jong nga: Hato U Blei um ju la jied ïa kita ki baduk jong kane ka pyrthei, ban long ki bariewspah ha ka jingngeit, bad ki nongïoh pateng ïa kata ka hima, ïa kaba u la kular ha kita kiba ieit ïa u?

JINGPYNPAW 1:6

bad u la pynlong ïa ngi ki syiem bad ki lyngdoh ha U Blei bad U Kpa jong u; ha u to long ka burom bad ka jingsynshar sha ki bymjukut ki bymjukut: Amen.

JINGPYNPAW 22:5

Bad ka miet kan ym long shuh; te kim donkam ïa ka jingshai ka sharak, lymne ïa ka jingshai ka sngi; naba U Trai uba U Blei un pynshai ha ki, bad kin synshar sha ki bymjukut ki bymjukut.

JINGPYNPAW 3:21

Uta uba jop, ngan ai ha u ban shong lem bad nga halor ka khet jong nga, kumba nga ruh nga la jop, bad nga la shong lem bad U Kpa jong nga halor ka khet jong u.

JINGPYNPAW 5:10

bad me la pynlong ïa ki, ki syiem bad ki lyngdoh ha U Blei jong ngi, bad kin ïasynshar ha ka pyrthei.”

1 SAMUEL 15:17

Bad u Samuel u la ong, “La me la long uba ñiew rit ïa lade, la pynlong ne em ïa me u nongïalam ïa ki jaid Israel? Bad U Trai u la pynsleh ïa me ban long syiem halor ki Israel.