1 SAMUEL 2:7 - KA BAIBL

⁷ U Trai uba pynshipa, bad uba pynriewspah: ma u, uba pyndem, bad uba pynkyntiew.

Khasi CL Bible (BSI)

⁷ U pynduk ïa ki katto katne bad u pynriewspah ïa kiwei pat; U pynrit ïa ki katto katne bad u pynkhraw ïa kiwei pat.

1 SAMUEL 2:7 ပူးပေါင်းရင်းမြစ်များ

2 SYIEM 9:6

Te u la ïeng joit, bad u la leit shapoh ïing; bad u la theh ïa kata ka umphniang halor ka khlieh jong u, bad u la ong ha u, “Kumne ong U Trai, U Blei ki Israel, ‘Nga la pynsleh ïa me ban long syiem halor u paidbah jong U Trai, halor ki Israel keiñ.

1 KHRONIKL 29:12

Bad ka spah bad ka burom ki wan na me, bad me synshar halor baroh; bad ha ka kti jong me long ka bor bad ka jingskhem; bad ha ka kti jong me ka long ban pynkhraw, bad ban ai bor ha baroh.

2 KHRONIKL 32:27

Te u Hesekaïah u la don ka spah bad ka burom shibun eh: bad u la pynkhreh ïa u ki ïing jingkynshew ïa ka rupa, bad ïa ka ksiar, bad ïa ki mawkordor, bad ïa ki masla, bad ïa ki stieh, bad ïa ki jaid baroh ki khiew ki pliang babha;

2 KHRONIKL 32:29

Nalor kita, u la pynkhreh ïa u ki nongbah, bad ki jingdon da ki kynhun blang bad kynhun masi shibun namar U Blei u la ai ïa u shibun eh ka spah.

Ka Kitab U Job 1:21

bad u la ong, “Lyngkhuit nga la mih na ka kpoh ka kmie jong nga, bad lyngkhuit ngan phai pat shata: U Trai u la ai, bad U Trai u la shim noh; long ba la kyrkhu ïa ka kyrteng U Trai.”

Ka Kitab U Job 40:12

To khmih ïa uwei uwei baroh uba sarong, bad to pynhiar ïa u; bad to ïuh roit ïa ki bymman ha kaba ki ïeng.

Ka Kitab U Job 5:11

ba kumta U pynkyntiew sha jrong ïa kita ki bapoh; bad ïa kita ki basngewsih la pynkyntiew sha kaba skhem.

SALM 102:10

Namar ka jingotshla jong me bad ka jingbitar jong me: naba me la kyntiew ïa nga, bad me la pynkyllon ïa nga.

SALM 75:7

Hynrei, U Blei u long u nongbishar: u pynhiar ïa uwei, bad u kyntiew ïa uwei pat.

SALM 75:8

Naba ha ka kti U Trai ka don ka khuri, bad ka Waiñ ka thnam; ka dap da ka jingpynkhleh, bad u theh noh ïa kata: da shisha ïa ka ryngkhai jong ka, ki bymman baroh jong ka khyndew kin khñiot ïa ka, bad kin dih ïa ka.

PROBERB 22:2

Ki bariewspah bad ki baduk ki ïashem lang: U Trai u long u nongthaw jong ki baroh.

ISAÏAH 2:12

Namar kan don ka sngi ïa U Trai ki paid halor kaba sarong bad kaba meng baroh, bad halor kaba la pynkyntiew baroh; te yn pynpoh ïa ka:

JEREMAÏAH 49:15

Naba ha khmih, nga la pynlong ka barit ïa pha hapdeng ki jaid bynriew, bad ïa kaba la ibeiñ hapdeng ki briew.

ESEKIEL 17:24

Bad baroh ki dieng ka khyndew kin tip ba ma nga U Trai nga la pynhiar ïa u dieng uba jrong, nga la kyntiew ïa u dieng uba poh, nga la pyntyrkhong khait ïa u dieng bajyrngam, bad nga la pynman bha ïa u dieng batyrkhong: ma nga U Trai nga la kren bad nga la leh ïa ka.”

JAKOB 4:10

To phin pynrit ïa lade ha khmat U Trai, te un pynkhraw ïa phi.