1 SAMUEL 2:6 - KA BAIBL

⁶ U Trai uba pynïap, bad uba pynim: u pynhiar ma u sha ka jingtep, u pynmih ruh ma u.

Khasi CL Bible (BSI)

⁶ U Trai u pynïap bad u pynim pat; u pynhiar ïa ki briew sha ka pyrthei kiba ïap, bad u pynkiew pat ïa ki.

1 SAMUEL 2:6 ပူးပေါင်းရင်းမြစ်များ

1 SYIEM 17:22

Bad U Trai u la shahshkor ïa ka ktien u Elijah; bad ka mynsiem uta u khynnah ka la wan pat ha u, bad u la im pat.

2 SYIEM 5:7

Te haba u syiem ki Israel u la lah pule ïa kata ka shithi, u la kad ïa la ki jaiñ, bad u la ong, “Nga long U Blei mo, u ban pynïap bad u ban pynim, ba une u briew u phah ha nga ban pynkoit ïa u briew na u 'ñiangthohlieh jong u? Hynrei, nga kyrpad ïa phi, to pyrkhat, bad to khmih, kumno u wad daw ban ïakajia bad nga.”

Ka Kitab U Job 5:18

Naba u pynmong ma u, bad u spaiñ ma u; u pynmynsaw ma u, bad ki kti jong u ki pynkhiah.

SALM 116:3

Ki jingkhum ka jingïap ki la kyllaiñ sawdong ïa nga, ki jingshitom ka jingtep ki la bat ïa nga: nga la shem ka jynjar bad ka jingkhuslai.

SALM 30:4

To rwai ka jingïaroh ha U Trai, ko phi ki riewkhuid jong u, bad to ainguh ïa ka kyrteng bakhuid jong u.

SALM 68:20

U Blei u long ha ngi U Blei ki jingpyllait; bad ha u Jehobah U Trai ki dei jinglait im na ka jingïap.

SALM 71:20

Ma me, uba la pynwan ha nga shibun bad kiba jur ki jingjynjar, men pynim ïa nga pat, bad men kyntiew ïa nga pat na kiba jylliew ka khyndew.

EKLESIASTIS 3:3

ka por ban pynïap, bad ka por ban pynkhiah; ka por ban pynpra noh, bad ka por ban tei pat;

ISAÏAH 26:19

Kiba ïap jong me kin im; ki metïap jong nga kin mih. To peit bad to rwai, phi kiba shong ha ka 'dewmet: namar ka umjer jong me ka long kum ka umjer ki jhur, bad ka khyndew kan bred noh ïa ki baïap.

ESEKIEL 37:12

Namar kata, to ïathuhlypa, bad to ong ha ki, ‘Kumne u ong U Trai U Blei: Ko ki briew jong nga, ha khmih, ngan plie ïa ki jingtep jong phi, bad ngan pynmih noh ïa phi na ki jingtep jong phi; bad ngan wallam ïa phi sha ka ri Israel.

ESEKIEL 37:3

Bad u la ong ha nga, “Ko khun u briew, Kine ki shyieng ki lah ban im?” Te nga la ïathuh, “A Trai U Blei, me tip ma me.”

MATHAÏOS 12:40

Naba kumba u Jonah u la shong lai sngi bad lai miet ha ka kpoh u dohkha khraw, kumta ruh U Khun u briew un shong lai sngi bad lai miet ha ka kpoh ka khyndew.

ÏOANNIS 11:25

U Jisu u la ong ha ka, “Nga long kata ka jingmihpat bad kata ka jingim: uta uba ngeit ha nga, la u la ïap, un ïoh im:

DEUTERONOMI 32:39

“ ‘To khmih mynta, ba ma nga, ma nga keiñ long ma U, bad ym don u blei nalor jong nga; ma nga uba pynïap, bad ma nga uba pynim ruh: ma nga uba pynmong, bad ma nga uba pynkhiah ruh: lymne ym don uba lah ban pyllait noh na ka kti jong nga.

JINGPYNPAW 1:18

bad nga la jia long u baïap, te ha khmih, nga long u ba-im sha ki bymjukut ki bymjukut, bad nga don keiñ ki shabi ka dujok bad ka jingïap.

1 SAMUEL 20:3

Te u Dabid u la smai de, bad u la ong, “U kpa jong me u tip bha ba nga la shem kaba sngewbha ha khmat jong me; bad u ong, ‘Wat ai ba u Jonathan un ïoh tip ïa kane, ïoh pynsngewsih ïa u;’ da shisha katba im U Trai, bad katba im ka mynsiem jong me ruh, ka don tang kum shi sien-jam hapdeng jong nga bad ka jingïap.”