1 SAMUEL 2:30 - KA BAIBL

³⁰ Namar kata, U Trai, uba U Blei ki Israel, u ong, ‘Nga la ong shisha ba ka ïing jong me, bad ka ïing u kpa jong me, kin ïaid ha khmat jong nga junom:’ hynrei, mynta U Trai u ong, ‘Kata kaba eh ïa nga; naba kiba pyndonburom ïa nga, ïa kita nga ruh ngan pyndonburom, te ïa kita kiba ñiewbeiñ ïa nga, yn ñiewbeiñ kylliang ïa ki.

Khasi CL Bible (BSI)

³⁰ Ma nga, U Trai U Blei ki Israel, nga la kular mynshuwa ba ka ïing jong me bad ka kur ka jait jong me kin shakri ïa nga junom kum ki lyngdoh. Hynrei mynta ngam shah shuh ba kan long kumta. Pynban, ngan pyndonburom ïa kito kiba pyndonburom ïa nga, bad ngan ibeiñ ïa kito kiba ibeiñ ïa nga.

1 SAMUEL 2:30 ပူးပေါင်းရင်းမြစ်များ

1 SYIEM 11:11

Namar kata, U Trai u la ong ha u Solomon, “Namar ba kat kane ka long bad me, bad mem shym la sumar ïa ka jutang jong nga bad ïa ki aiñ jong nga, kiba nga la hukum ïa me, shisha ngan kad ïa ka hima na me, bad ngan ai ïa ka ha u shakri jong me.

1 SYIEM 2:27

Kumta, u Solomon u la beh noh ïa u Abiathar na kaba long lyngdoh ha U Trai; ba un pyndep ïa ka ktien U Trai, kaba u la kren shaphang ka ïing u Eli ha Sheiloh.

1 KHRONIKL 17:18

Aïu pat u Dabid u lah ban dang ong shuh ha me shaphang ka burom ïa kaba la leh ha u shakri jong me? naba me ithuh ïa u shakri jong me.

2 KHRONIKL 15:2

bad u la leit mih noh ban tan ïa u Asa, bad u la ong ha u, “Ko Asa, bad phi baroh ki Judah bad ki Benjamin, to sngew ïa nga: U Trai u long ryngkat bad phi, katba phi long ryngkat bad u; bad lada phin wad ïa u, phin shem ïa u; hynrei, lada phin kyntait ïa u, u ruh un kyntait ïa phi.

2 KHRONIKL 26:18

bad ki la ïaïeng pyrshah ïa u syiem Ussiah, bad ki la ong ha u, “Ym dei ka jong me, ko Ussiah, ban thang jingiwbih ha U Trai, hynrei, ka jong ki lyngdoh hi ki khun u Aaron, ïa kiba la pynkyntang ban thang jingiwbih: to mih noh na ka jaka kyntang; naba me la leh palat; lymne kan ym long burom ïa me na U Trai U Blei.”

SALM 18:20

U Trai u la ai nong ïa nga katba kum ka jinglehhok jong nga; katba kum ka jingkhuid ki kti jong nga u la siew ïa nga.

SALM 18:26

bad u bakhuid men leh khuid; bad u bamutlop ruh men leh mutlop.

SALM 50:23

uta uba ai ka jingkñia ka jingainguh u pyndonburom ïa nga; bad ha uba pynbeit ïa la ka jingïaid ngan pyni ïa ka jingpynim U Blei.

SALM 73:20

Kum ka jingphohsniew haba la peit u briew; kumta, A Trai, ynda me la peit, men ñiewbeiñ ïa ka dur jong ki.

SALM 91:14

Namar ba u la buh ïa la ka jingieit ha nga, namar kata, ngan pynim ïa u: ngan kyntiew sha jrong ïa u, namar ba u la ithuh ïa ka kyrteng jong nga.

SALM 91:15

Un khot kyrpad ïa nga, nga ruh ngan phai ktien ïa u; ha ka jynjar ngan long lem bad u: ngan pyllait ïa u, bad ngan pyndonburom ïa u.

EKSODOS 28:43

bad u Aaron un phong ïa ki, bad ki khun shynrang jong u kin phong ïa ki, haba ki leit bsut hapoh Ka Tabernakl ka jingïaseng, lane haba ki wan hajan ka duwan ïa ka ban shakri ha kata ka jaka kyntang ba kin ym kit pop bad ïap noh: kane kan long ka hukum ïa u bad ïa u symbai jong u hadien jong u ha la ka rta.

EKSODOS 29:9

Bad men pynpanpoh ïa ki da ki jingpanpoh, ïa u Aaron keiñ bad ïa ki khun shynrang jong u, bad men pynphong ïa ki da kita ki tupia: bad kata ka kam lyngdoh ruh kan ïailong ka jong ki da ka hukum pateng la pateng: bad men pynkyntang ruh ïa u Aaron bad ïa ki khun shynrang jong u.

PROBERB 12:8

Ïa u briew yn ïaroh katba kum ka jingstad jong u: hynrei, ïa uba mutlop ka dohnud, yn ñiewbeiñ.

PROBERB 4:8

To kyntiew ïa ka, te ka ruh kan kyntiew ïa me: kan wallam ïa me sha ka burom, haba me piam ïa ka.

PROBERB 8:17

Nga ieit ïa kita kiba ieit ïa nga; bad kita kiba wad biang biang ïa nga kin shem ïa nga.

ISAÏAH 29:13

Te U Trai u la ong, “Namar kat kumba une u paidlang u wan hajan jong nga, bad da la ka shyntur bad da la ki rmiang shyntur ki burom ïa nga, hynrei, ki la pynjngai noh ïa ka dohnud jong ki na nga, bad ka jingsheptieng jong ki ïa nga ka long ka hukum briew ba la hikai ïa ki:

JEREMAÏAH 29:32

namar kata, kumne u ong U Trai: “Ha khmih, ngan pynshitom ïa u Shemaïah u nong Nehelam bad ïa u symbai jong u; un ym ïoh ïa u briew ïa ka ban shong hapdeng une u paidbah, lymne un ym ïohi ïa kata ka babha kaba ngan leh ha u paidbah jong nga,” ong U Trai: “namar u la kren ïa ka jingïaleh pyrshah ïa U Trai.”

JEREMAÏAH 49:15

Naba ha khmih, nga la pynlong ka barit ïa pha hapdeng ki jaid bynriew, bad ïa kaba la ibeiñ hapdeng ki briew.

ESEKIEL 34:10

Kumne u ong U Trai U Blei: “Ha khmih, nga ïaleh pyrshah ïa ki nongaplangbrot; bad ngan pan ïa ki langbrot jong nga na ka kti jong ki, bad ngan pynsangeh noh ïa ki na ka ban bsa ïa ki langbrot jong nga; lymne ki nongaplangbrot kin ym ïoh bsa shuh ïa lade; te ngan pyllait ïa ki langbrot jong nga na ka shyntur jong ki, khnang ba kin ym long jingbam shuh ïa ki.”

DANIEL 4:34

“Te ha ka bakut kita ki sngi, nga, u Nebukhadnessar, nga la khmied la ki khmat sha bneng, bad ka jingshemphang jong nga ka la wan phai pat sha nga, bad nga la kyrkhu ïa U Bahakhlieh Tam Eh, bad nga la ïaroh bad nga la pyndonburom ïa uta u ba-im junom; “namar ka jingsynshar jong u ka long ka jingsynshar bymjukut, bad ka hima jong u pateng la pateng bynriew:

MALAKHI 1:6

“U khun u burom ïa la u kpa, bad u shakri ïa la u kynrad: te lada nga long u kpa, hangno ka burom jong nga? bad lada nga long u kynrad, hangno ka jingsheptieng ïa nga?” ong U Trai ki paid ha phi, “ko ki lyngdoh, kiba ibeiñ ïa ka kyrteng jong nga.” Phi te phi ong, “Ha kaba kumno ngi la ibeiñ ïa ka kyrteng jong me?”

MALAKHI 2:3

Ha khmih, ngan pynshitom ïa ki symbai jong phi namar jong phi, bad ngan tah da ka kynsha halor ki khmat jong phi, da ka kynsha ki jingkñia jong phi keiñ; bad yn shim noh ïa phi lem bad ka.

JINGKHEIÑ 11:20

hynrei, baroh ki sngi shi bnai, ha ban da ka mih noh na ki thliew khmut jong phi, bad ba phi sngewjli ïa ka: namar ba phi la ñiewbeiñ ïa U Trai uba don hapdeng jong phi, bad ba phi la ïam lynñiar ha khmat jong u, phi da ong, “Balei ba ngi la wan mih noh na ka ri Ijipt?” ’ ”

JINGKHEIÑ 35:34

Namar kata, to wat pyntngit sang ïa ka khyndew ha kaba phin ïashongneh, hapdeng kaba nga shongneh ma nga: namar nga U Trai, nga shongneh hapdeng ki khun Israel.’ ”

ÏOANNIS 12:26

Lada uno uno ruh un shakri ïa nga, to ai ba un bud ïa nga; bad sha kaba nga don ma nga, hangta ruh u shakri jong nga un long: lada uno uno ruh u shakri te ïa nga, U Kpa jong nga un pyndonnam ïa u.

ÏOANNIS 5:23

ba baroh kin burom ïa U Khun, kumjuh kumba ki burom ïa U Kpa. Uta u bymburom ïa U Khun, um burom ïa U Kpa uba la phah ïa u.

ÏOANNIS 5:44

Kumno phi lah ban ngeit, phi kiba ïakhmih burom paralok hi, bad phim ïawad ïa kata ka burom kaba na U Blei uba tang ma u hi?

ÏOANNIS 8:49

U Jisu u la ïathuh, “Nga ngam don u ksuid: hynrei, nga burom ïa la U Kpa, phi te phim burom ïa nga.

1 KORINTH 4:5

Kumta te, phi wat bishar ei ei ruh ha bym pat poi ka Ïa, tad ynda U Trai un wan, u ban pynshai ïa kiei kiei ba la buhrieh jong ka jingdum, bad u ban pynpaw ruh ïa ki jingthmu jong ki dohnud: ynda kumta, uwei pa uwei un ïoh la ka jingïaroh na U Blei.

1 PETROS 1:7

khnang ba kata kaba phrang ïa ka jingngeit jong phi, kaba kham kordor ïa ka ksiar kaba jot noh, la la phrang ruh ïa ka da ka ding, yn ïoh shem ïa ka ha ka jingïaroh bad ka burom bad ka jinglong burom, ha ka jingpynpaw U Jisu Khrist:

NONGBISHAR 9:10

Ki dieng te ki la ong ha u dieng Dumbur, ‘Ale ma me, to synshar halor jong ngi.’