1 SAMUEL 2:29 - KA BAIBL

²⁹ Balei te phi ïuhbeiñ ïa ka jingkñia jong nga bad ïa ka jingainguh jong nga, kiba nga la hukum ban long ha ka jaka shong jong nga: ba me kham pyndonburom ruh ïa la ki khun ban ïa nga, phi da pynsngaid ïa lade da kita ki jingainguh baroh ki babha tam ki jong ki briew jong nga ki Israel?’

Khasi CL Bible (BSI)

²⁹ Balei mynta pat, me da kwah rhah sa ïa ki jingkñia bad ki jingainguh ba nga dawa na la ki briew? Balei Eli ba me kham ai burom ïa la ki khun shynrang ban ïa nga da kaba me shah ba kin pynsngaid ïa lade da ki bynta kiba bha tam na ki jingkñia ba ki briew ki ai ha nga?

1 SAMUEL 2:29 ပူးပေါင်းရင်းမြစ်များ

2 SYIEM 12:6

Te ha ka ba-arphew lai snem u syiem Jehoash, ki lyngdoh kim pat shna pat ïa ki jingpra jong ka ïing.

SALM 26:8

Ko Trai, nga ieit ïa ka jaka shong ka ïing jong me, bad ïa ka jaka ha kaba ka shong sah ka burom jong me.

ESEKIEL 13:19

Bad phi la leh sang ïa nga hapdeng ki briew jong nga na ka bynta ki kham Barli bad ki lyngkhot kpu, ban pynïap ïa ki mynsiem ki bymdei ban ïap, bad ban ri pynim ïa ki mynsiem ki bymdei ban im, da ka jinglamler jong phi ïa ki briew jong nga kiba sngap ïa ki jinglamler.” ’ ”

ESEKIEL 34:10

Kumne u ong U Trai U Blei: “Ha khmih, nga ïaleh pyrshah ïa ki nongaplangbrot; bad ngan pan ïa ki langbrot jong nga na ka kti jong ki, bad ngan pynsangeh noh ïa ki na ka ban bsa ïa ki langbrot jong nga; lymne ki nongaplangbrot kin ym ïoh bsa shuh ïa lade; te ngan pyllait ïa ki langbrot jong nga na ka shyntur jong ki, khnang ba kin ym long jingbam shuh ïa ki.”

ESEKIEL 34:2

“Ko khun u briew, to ïathuhlypa pyrshah ïa ki nongaplangbrot jong ki Israel, to ïathuhlypa, bad to ong ruh ha ki, ha ki nongaplangbrot keiñ, ‘Kumne u ong U Trai U Blei: Kordit ïa ki nongaplangbrot jong ki Israel kiba bsa ïa lade! ym dei ïa ki nongaplangbrot ban bsa ïa ki langbrot?

HOSIA 4:8

Ki bam kdang na ka pop u paidlang jong nga, bad ki buh ïa la ka dohnud sha la ka jingleh bymhok.

LEBITIKOS 19:15

“ ‘Wat leh ka bymhok ha ka jingbishar: wat shah shiliang ïa u baduk, lymne burom ïa ka khmat u badonbor: hynrei, men bishar ïa u paramarjan jong me ha ka hok.

MIKAH 3:5

“Kumne u ong U Trai shaphang kita ki nongïathuhlypa kiba pynbakla ïa ki briew jong nga: kiba dait da la ki bniat bad kiba pyrta, ‘Ka jingsuk’; bad kat u bym ai bam ha ki, ki khreh ïa ka thma ïa u.

MATHAÏOS 10:37

Uta uba ieit ïa u kpa lane ka kmie nalor jong nga, ym dei ïa u ban ïoh ïa nga; bad uta uba ieit ïa u khun lane ïa ka khun nalor jong nga, ym dei ïa u ban ïoh ïa nga.

MATHAÏOS 22:16

Te kumta, ki la phah ha u ïa ki synran jong ki, lem bad ki nongbud u Herod, ki ïa-ong, “Ko Nonghikai, ngi tip ba me long uba shisha, bad ba me hikai ïa ka lynti U Blei ha kaba shisha, bad ba mem ñiew ïano ruh; naba mem khmih ïa ka khmat ki briew:

LOUKAS 14:26

“Lada uno uno ruh u wan ha nga, bad u bym isih ïa la u kpa bad ïa la ka kmie, bad ïa la ka tnga bad ïa la ki khun, bad ïa la ki hynmen hynbew ruh shynrang bad kynthei, ho-oid bad ïa la ka jong ka jingim ruh, um lah ban long u synran jong nga.

Ka Shithi U Paul Sha Ki Nong Rom 16:18

Namar kiba kum kita, kim shakri ïa U Jisu Khrist uba U Trai jong ngi, hynrei, ïa la ka jong ka kpoh; bad da ka ktien jali ja-um bad ka ktien ïaroh arsap, ki ïashukor ïa ki dohnud jong kiba lui lui.

2 KORINTH 5:16

Kumta te, naduh mynta, ngi ngim ñiew ïano ïano ruh katba kum ka doh; toi lada ngi la ju ñiew ïa U Khrist katba kum ka doh, hynrei, mynta, ngim ñiew shuh.

DEUTERONOMI 32:15

“Hynrei, u Jeshurun u la man sngaid, bad u la kynjat: me la man sngaid, me la dap, me la khleiñ ruh: ynda kumta, u la kyntait noh ïa U Blei uba la thaw ïa u, bad u la ñiewbeiñ ïa U Mawsiang ka jingpynim jong u.

DEUTERONOMI 33:9

uba la ong ha la u kpa, bad ha la ka kmie, ‘Ngam shym la ïohi ïa u’; bad um shym la ithuh ïa la ki para, lymne um shym la ithuh ïa la ki khun: naba ki la sumar ïa ka ktien jong me, bad ki la rakhe ïa ka jutang jong me.

JAKOB 3:17

Hynrei, kata ka jingstad kaba na jrong ka long nyngkong ka bakhuid, ynda kumta, kaba suk, kaba shah jemnud, kaba ngeit eh, kaba dap da ka jingisynei bad da ki soh babha, kaba khlem ñiew shiliang khmat, bad kaba khlem arsap.

JOSHUA 18:1

Bad u paidbah ki khun Israel baroh ki la ïalum lang ha Sheiloh, bad ki la pynïeng ïa Ka Tabernakl ka jingïaseng hangta: bad la lah jop ïa ka ri ha shuwa jong ki.

1 SAMUEL 3:13

Namar nga la ong ha u hi ba ngan bishar pynrem junom ïa ka ïing jong u, namar kata ka jingbymman kaba u tip ma u, naba ki khun jong u ki la pynlong ka jingtim ïa lade, u te um shym la khang ïa ki.