1 SAMUEL 2:25 - KA BAIBL

²⁵ Lada u briew un leh pop ïa u parabriew, U Blei un bishar ïa u; hynrei, lada u briew un leh pop ïa U Trai, uei u ban ïasaid na ka bynta jong u?” Pynban, kim shym sngap ïa ka ktien u kpa jong ki, naba U Trai u la thew ban pynïap noh ïa ki.

Khasi CL Bible (BSI)

²⁵ Lada u briew u leh pop pyrshah ïa la u parabriew, U Blei u lah ban ïasaid na ka bynta jong u; hynrei mano ba lah ban ïasaid na ka bynta u briew uba leh pop pyrshah ïa U Trai?” Hynrei kim shym sngap ïa la u kpa, naba U Trai u la thmu ban pynïap ïa ki.

1 SAMUEL 2:25 ပူးပေါင်းရင်းမြစ်များ

JENESIS 38:10

Bad kata ïa kaba u la leh ka la long ka basniew eh ha khmat U Trai: bad namar kata, U la pynïap noh ïa u ruh.

JENESIS 38:7

Te u Er, u khun nyngkong u Judah, u la long u basniew eh ha khmat U Trai; te U Trai u la pynïap noh ïa u.

1 SYIEM 8:31

“Lada u briew u leh palat ïa la u paramarjan, bad ba la buh ka jingsmai halor jong u ban pynsmai ïa u, bad u wan smai ha khmat ka duwan jong me ha kane ka ïing:

1 SYIEM 8:32

ynda kumta, to sngew ma me ha bneng, bad to leh, bad to bishar ïa la ki shakri, da pynrem ïa u bymman, ban pynhap ïa ka lynti jong u ha ka khlieh jong u hi; da pynksan de ïa u bahok, ban ai ha u katba kum ka hok jong u.

2 KHRONIKL 10:15

Kumta, u syiem um shym shahshkor ha u paidbah; namar ka la long kaba la pynjia da U Blei, ba U Trai un ïoh pynskhem ïa la ka ktien, kaba u la kren da ka kti u Ahijah u nong Shilon ha u Jeroboam u khun u Nebat.

2 KHRONIKL 25:16

Te katba u dang kren bad u, u syiem u la ong ha u, “Hato ngi la thung ïa me na ka jingsylla jong u syiem? Sngap jar; balei yn shoh ïap ïa me?” Ynda kumta, u nongïathuhlypa u la sngap, bad u la shu ong, “Nga tip ba U Blei u la thmu ban pynjot ïa me, namar me la leh ïa kane, bad mem shym la shahshkor ïa ka jingpyni jong nga.”

Ka Kitab U Job 9:33

Lymne ym don u nongpynïasuk hapdeng jong ngi, uba lah ban buh ïa la ka kti halor jong ngi baroh ar ngut.

SALM 51:16

Namar me mem sngewmon ïa ka jingkñia; ne nga la ai ïa ka: mem sngewbha ïa ka jingainguh thang.

SALM 51:4

Ïa me, ïa me hi, nga la leh pop, bad nga la leh ïa kata ka basniew ha khmat jong me: ba yn lah pynksan ïa me haba me kren, bad ba men long khuid haba me bishar.

PROBERB 13:1

U khun u bastad u sngap ïa ka jinghikai u kpa jong u: hynrei, u nongrkhiebeiñ um sngap ïa ka jingsneng.

PROBERB 15:10

Ka jingsneng kaba shitom ka ap ïa uta uba iehnoh noh ïa ka lynti: bad uta uba isih ïa ka jingsneng un ïap.

PROBERB 29:1

Uta haba la sneng ïa u bunsien u pyneh ïa la ka ryndang yn pynlwet kyndit ïa u, bad kata bymdon jingshna shuh.

EKLESIASTIS 3:3

ka por ban pynïap, bad ka por ban pynkhiah; ka por ban pynpra noh, bad ka por ban tei pat;

JINGKHEIÑ 15:30

Hynrei, uta u briew uba leh pop da kaba leh meng, la u trai-shnong, lane u nongwei, uta keiñ u lehbeiñ ïa U Trai; ïa uta u briew yn ot noh napdeng ki briew jong u.

DEUTERONOMI 1:17

Wat ñiew shiliang khmat ha ka jingbishar; hynrei, phin sngap ïa u barit kum ïa u bakhraw; phin ym sheptieng ïa ka khmat u briew; namar kata ka jingbishar ka long ka jong U Blei: te ïa ka kam kaba kham eh ïa phi to wallam ha nga, bad nga ngan sngap ïa kata keiñ.’

DEUTERONOMI 2:30

Hynrei, u Sihon u syiem ka Heshbon um shah keiñ ïa ngi ban ïaid lait hajan jong u: naba U Trai uba U Blei jong me u la pyneh ïa ka mynsiem jong u, bad u la pynmutlop ïa ka dohnud jong u, khnang ban aiti ïa u ha ka kti jong me, kumba ka paw ha kane ka sngi.

1 TIMOTHI 2:5

Namar don uwei U Blei, bad uwei u ksiang ruh hapdeng U Blei bad ki briew, U Khrist Jisu, uba u hi ruh u briew;

HEBRU 10:26

Namar lada ngi leh pop da la ka mon hi ynda ngi la ïoh pdiang ïa ka jingtip ïa ka jingshisha, kam sah shuh ka jingkñia namar ki pop,

HEBRU 10:27

hynrei, ka jingkhmih lynti ba-itieng ïa ka jingbishar, bad ka jingklang ka ding ka ban sa bam duh ïa kita ki nongleh pyrshah.

HEBRU 7:25

Namar kata, u lah ruh ban pynim janai ïa kita kiba wan ha U Blei da u, haba u im ha la ka rta ïa ka ban ïasaid na ka bynta jong ki.

JOSHUA 11:20

Namar ka la long na U Trai ban pyneh ïa ki dohnud jong ki, ba kin wan ïaleh ïa ki Israel ha ka thma, ba un ïoh pynduh ïa ki khoit, ba kin ym ïoh ka jingisynei, hynrei, ba un pynduh ïa ki, kumba U Trai u la hukum ïa u Moses.

1 SAMUEL 3:14

Namar kata, nga la smai ha ka ïing u Eli, ba yn ym sait ïa ka jingbymman ka ïing u Eli da ka jingkñia lymne da ka jingainguh junom.”