1 SAMUEL 2:2 - KA BAIBL

² “Ym don u bakhuid kat U Trai; naba nalor jong me ym don shuh mano mano; lymne ym don u mawsiang kum U Blei jong ngi.

Khasi CL Bible (BSI)

² “Ym don uba khuid kum U Trai; ym don uba kum ma u, ym don nongïada uba kum U Blei jong ngi.

1 SAMUEL 2:2 ပူးပေါင်းရင်းမြစ်များ

2 SAMUEL 22:3

U Blei uba u mawsiang jong nga, ha u keiñ ngan shaniah; ka stieh jong nga, bad ka reng ka jingpynim jong nga, ka kut bajrong jong nga, bad ka jaka rieh jong nga; u nongpynim jong nga, me pynim ïa nga na ka jingleh-jubor.

2 SAMUEL 22:32

“Naba uei uba long U Blei, hynrei, tang U Trai? bad uei uba long u mawsiang, hynrei, tang U Blei jong ngi?

2 SAMUEL 7:22

Namar kata, me long u bakhraw, A Trai U Blei; naba ym don uba kat ma me, lymne ym don U Blei nalor jong me, katba kum kata baroh ïa kaba ngi la ïohsngew da la ki shkor.

1 SYIEM 8:23

bad u la ong ruh, “A Trai, U Blei ki Israel, ym don Blei kum ma me, ha bneng sha jrong, lane ha ka khyndew shapoh; uba sumar ïa ka jutang bad ka jingisynei bad la ki shakri, kiba ïaid ha khmat jong me da ka dohnud jong ki baroh:

SALM 111:9

U la phah ïa ka jingpynim ïa la ki briew; u la hukum ïa la ka jutang junom: ka bakhuid bad kaba itieng long ka kyrteng jong u.

SALM 18:2

U Trai u long u mawsiang jong nga, bad ka kut jong nga, bad u nongpyllait jong nga; U Blei jong nga, u mawsiang baskhem jong nga, ha u keiñ ngan shaniah; ka stieh jong nga, bad ka reng ka jingpynim jong nga, ka kut bajrong jong nga.

SALM 18:31

Naba uei uba long U Blei, hynrei, tang U Trai? Bad uei uba long u mawsiang, nalor U Blei jong ngi?

SALM 71:19

Ka hok jong me ruh, A U Blei, kaba jrong eh; me uba la leh ïa kiei kiei ki bakhraw, A U Blei, uei uba kat ma me?

SALM 71:3

To long ma me ha nga u mawsiang ka jaka shong, ha kaba nga lah ban leit ha la ka sngi: me la ai hukum ban pynim ïa nga; naba me long u mawsiang jong nga bad ka kut jong nga.

SALM 73:25

Nga don ïano ha bneng hynrei, tang ma me? Bad ym don ha ka khyndew uba nga kwah nalor jong me.

SALM 86:8

Ym don uba kat ma me hapdeng ki blei, A Trai; lymne ki kam kum ki kam jong me.

SALM 89:6

Naba uei ha ki suiñ uba lah ban ïapyrshang bad U Trai? Uei na ki khun jong ki bakhrawbor uba kat U Trai.

SALM 89:8

A Trai U Blei ki paid, uei u bakhrawbor kat ma me, Ko Jah? Bad ka jingshisha jong me ka baroh sawdong ïa me.

SALM 99:3

To kin ïaroh ïa ka kyrteng kaba khraw bad kaba itieng jong me: ka long ka bakhuid.

SALM 99:5

To pynkhraw ïa U Trai U Blei jong ngi, bad to mane ha ka jingïuh kjat jong u: u long u bakhuid.

SALM 99:9

To pynkhraw ïa U Trai U Blei jong ngi, bad to mane ha u lum bakyntang jong u; naba U Trai U Blei jong ngi u long u bakhuid.

EKSODOS 15:11

“Uei uba kat ma me, A Trai, hapdeng ki blei? uei uba kat ma me uba tyngshaiñ ha ka jingkhuid, uba itieng ha ki jingïaroh, uba leh ïa ki kam phylla?

ISAÏAH 40:18

Badno te phin pynsyriem ïa U Blei? Bad ka dur aïu phin ïanujor bad u?

ISAÏAH 44:6

Kumne u ong U Trai, U Syiem u Israel, bad u Nongsiewspah jong u, U Trai ki paid: “Nga, nga long u banyngkong, bad nga, nga long u bakhatduh; bad nalor jong nga ym don Blei shuh.

ISAÏAH 44:8

To wat sheptieng, lymne khaw-eit: ngam shym la pynbna ha me naduh mynhyndai, bad nga la pynpaw ïa ka? Bad phi, phi long ki sakhi jong nga. Don U Blei nalor jong nga? Shisha, ym don U Mawsiang; nga ngam tip ïa uno uno.”

ISAÏAH 57:15

Naba kumne ong uta uba ha khlieh bad hajrong tam uba shong dap ïa ka bymjukut, uba ka kyrteng jong u, “U Bakhuid:” “Nga shong ha ka jaka kaba hajrong bad ka bakhuid, bad kata ka mynsiem ruh kaba sngewsih bad ba sngewrit, ban pynim ruh ïa ka mynsiem jong uba sngewrit, ban pynim ruh ïa ka dohnud jong kiba sngewsih.

ISAÏAH 6:3

Te uwei u la pyrta ha uwei pat, bad u la ong, “U Bakhuid, U Bakhuid, U Bakhuid, U Trai ki paid: ka khyndew baroh ka dap da ka burom jong u.”

JEREMAÏAH 10:6

Ym don uba kum ma me, A Trai; me long u bakhraw, bad ka kyrteng jong me ka long ka bakhraw ha ka bor.

LEBITIKOS 11:44

Naba nga long U Trai U Blei jong phi: namar kata, to pynkyntang ïa lade, bad phin long ki bakhuid; naba nga long u bakhuid: bad wat pyntngit ïa lade da kaei kaei bapar halor ka khyndew.

LEBITIKOS 11:45

Naba nga long U Trai uba la ïalam noh ïa phi na ka ri Ijipt, ïa ka ban long U Blei ïa phi: kumta, to long ki bakhuid, naba nga long u bakhuid.’ ”

LEBITIKOS 19:2

“To kren ha u paidlang ki khun Israel baroh, bad to ong ha ki, ‘To long ki bakhuid; naba nga u bakhuid, U Trai U Blei jong phi hi.

Ka Shithi U Paul Sha Ki Nong Rom 15:4

Namar ïa kiei kiei baroh ba la thoh mynbarim, la thoh khnang ban long ka jinghikai ïa ngi keiñ; ba da ka jingïaishah bad da ka jingpyntngen jong kita Ki Jingthoh, ngin dup ïoh ka jingkyrmen.

Ka Shithi U Paul Sha Ki Nong Rom 4:8

Suk uta u briew, uba U Trai un ym ñiew shuh ïa ka pop ha u.”

DEUTERONOMI 3:24

‘A Trai uba U Blei, me la sdang ban pyni ha la u shakri ïa ka jingkhraw jong me, bad ïa ka kti badonbor jong me: naba uno u blei uba ha ki bneng lane ha ka khyndew, uba lah ban leh katba kum ki jingleh jong me, bad katba kum ki bor jong me?

DEUTERONOMI 32:20

U la ong ruh, ‘Ngan buhrieh ïa la ka khmat na ki, ngan khmih te ïa ka bakut jong ki kan long kumno; namar ki long ka pateng bynriew bamutlop eh, ki khun ha kiba ym don ka jingïaineh.

DEUTERONOMI 32:39

“ ‘To khmih mynta, ba ma nga, ma nga keiñ long ma U, bad ym don u blei nalor jong nga; ma nga uba pynïap, bad ma nga uba pynim ruh: ma nga uba pynmong, bad ma nga uba pynkhiah ruh: lymne ym don uba lah ban pyllait noh na ka kti jong nga.

DEUTERONOMI 32:4

“U Mawsiang, ka jingleh jong U ka bajanai; namar ki lynti jong U baroh ki long ka jingbishar: U Blei ka jingshisha bad khlem ka jingbymhok, u bahok bad uba beit u long.

DEUTERONOMI 4:35

Ha me keiñ la pyni ïa kane, khnang ba men ïoh tip ba U Trai u long U Blei; ym don uwei pat, tang ma u.

DEUTERONOMI 4:39

Namar kata, to tip ha kane ka sngi, bad to da pyrkhat ruh ha la ka dohnud, ba U Trai, ma u hi u long U Blei ha ki bneng sha jrong bad ha ka pyrthei shapoh: uwei pat, um don shuh keiñ.

1 PETROS 1:16

naba la thoh: “To long phi ki bakhuid namar ma nga, nga long u bakhuid.”