1 SAMUEL 2:14 - KA BAIBL

¹⁴ te u la ju dung ïa u ha ka nar sdieh, lane ha u khiew rnong, lane ha u dek, lane ha u khiew phiang; baroh katba ngat ha u proh, u lyngdoh u la ju shim ha lade. Kumta, ki la ju leh ha Sheiloh ha ki Israel baroh kiba la wan shata.

Khasi CL Bible (BSI)

¹⁴ u ju dung ïa uta u proh hapoh u khiew shet, bad kat kaba ngat ha uta u proh ka dei ka jong u lyngdoh. Ki ju leh kumta ïa ki Israel baroh kiba wan sha Shiloh ban ai jingkñia.

1 SAMUEL 2:14 ပူးပေါင်းရင်းမြစ်များ

ISAÏAH 56:11

Ki ksew keiñ kiba jlawnguid, kim ju sngewthuh kaba kdang; te kine ki long ki nongaplangbrot ki bym lah sngewthuh: ki la phai baroh sha la ka lynti, uwei uwei baroh sha la ka jingmyntoi.

LEBITIKOS 7:34

Naba ka shadem ka jingkaweh, bad ka kti ka jingkyntiew, nga la shim ma nga na ki khun Israel na ki jingkñia bapynïasuk jong ki, bad nga la ai ïa ki ha u Aaron lyngdoh bad ha ki khun shynrang jong u, da ka hukum bajunom pateng la pateng napdeng ki khun Israel.

MIKAH 3:3

kiba bam ruh ïa ka doh ki briew jong nga; bad ki khoh ïa ka snep jong ki na ki, bad ki pynkheiñ ïa ki shyieng jong ki; shisha, ki daiñ lyngkhot lyngkhai ïa ki, kumba ïa u khiew, bad kum ka doh ha u dek.

MALAKHI 1:10

“A ban da don uwei hapdeng jong phi u ban khang ïa ki jingkhang, ba phin ym lah ban sliew ding thala ha ka duwan jong nga! Ngam don jingsngewbha shuh ha phi,” ong U Trai ki paid, “lymne ngan ym pdiang ïa ka jingainguh na ka kti jong phi.

1 SAMUEL 2:13

Bad ka rukom ki lyngdoh bad ki briew ka la long, ba haba uno uno u la ainguh ka jingkñia, u shakri u lyngdoh u ju wan haba dang shet ïa ka doh, bad u proh u balai pnat ha la ka kti;

1 SAMUEL 2:15

Bad haba ym pat thang ïa ka khleiñ ruh, u shakri u lyngdoh u ju wan, u da ong ruh ha u briew uba kñia, “To ai doh ban syang ïa u lyngdoh; naba un ym shim ïa ka doh kaba la shet, hynrei, kaba im.”

1 SAMUEL 2:29

Balei te phi ïuhbeiñ ïa ka jingkñia jong nga bad ïa ka jingainguh jong nga, kiba nga la hukum ban long ha ka jaka shong jong nga: ba me kham pyndonburom ruh ïa la ki khun ban ïa nga, phi da pynsngaid ïa lade da kita ki jingainguh baroh ki babha tam ki jong ki briew jong nga ki Israel?’