1 SAMUEL 2:12 - KA BAIBL

¹² Te ki khun u Eli ki la long ki khun u Belial; kim ithuh ïa U Trai.

Khasi CL Bible (BSI)

¹² Ki khun shynrang u Eli ki dei ki riewbymman. Kim ju shahshkor ïa U Trai

1 SAMUEL 2:12 ပူးပေါင်းရင်းမြစ်များ

1 SYIEM 21:10

bad buh ar ngut ki briew, ki khun u Belial, ha khmat jong u, bad to kin sakhi pyrshah ïa u, da kaba ong, ‘Me la tim ïa U Blei bad ïa u syiem.’ Bad hadien kata sa sei ïa u, bad phin lynthem maw ïa u, ba un ïap.”

1 SYIEM 21:13

Bad kita ar ngut ki briew, ki khun u Belial, ki la rung bad ki la shong ha khmat jong u: bad kita ki briew u Belial ki la sakhi pyrshah ïa u, ïa u Naboth keiñ, ha khmat uta u paidbah, ki da ong, “U Naboth u la tim ïa U Blei bad ïa u syiem.” Ynda kumta, ki la leit lam noh ïa u shabar ka shnong bad ki la lynthem ïa u da ki maw, ha ban da ïap.

JEREMAÏAH 2:8

Ki lyngdoh kim shym ong, ‘Hangno U Trai?’ Bad kita kiba bat ïa ka hukum kim shym ithuh ïa nga: ki nongsynshar ruh ki la leh palat ïa nga, bad ki nongïathuhlypa ki la ïathuhlypa da u Baal, bad ki la ïabeh ïa kita kiei kiei ki bymmyntoi.

JEREMAÏAH 22:16

U la bishar ïa ka kam jong u baduk bad u bakyrduh; hangta te ka la bha bad u. “Hato kane kam long kaba ithuh ïa nga?” ong U Trai.

JEREMAÏAH 9:3

“Bad ki pynkdor ïa la u thylliej kumba u la long ka ryntieh jong ki ïa ka jinglamler; bad ki la man khlaiñ ha ka ri, hynrei, ym na ka bynta ka jingshisha: naba ki nang ïaid na ka basniew sha ka basniew, bad kim ithuh ïa nga,” ong U Trai.

JEREMAÏAH 9:6

Ka jaka shong jong me ka long hapdeng ka jingshukor; namar ka jingshukor kim treh ban ithuh ïa nga,” ong U Trai.

ESEKIEL 22:26

Ki lyngdoh jong ka ki la leh bor ïa ka hukum jong nga, bad ki la lehbeiñ sang ïa kiei kiei ki bakhuid jong nga: kim shym pynïapher satia ïa kaba la kyntang bad ïa ka bym shym kyntang, lymne kim shym la pynithuh ha ki briew ïa ka bymkhuid na ka bakhuid, bad ki la buhrieh la ki khmat na ki Sabbaton jong nga, bad la lehbeiñ sang ïa nga hapdeng jong ki.

ÏOANNIS 16:3

Te ïa kine kiei kiei ruh, kin leh ïa phi, naba kim ithuh ïa U Kpa, lymne ïa nga.

ÏOANNIS 17:3

Kane te ka long ka jingim bymjukut, ba kin ïoh ithuh ïa me U Blei uba shisha tang ma me hi, bad ïa U Jisu Khrist, ïa uba me la phah.

ÏOANNIS 8:55

te pynban, phim shym la ithuh ïa u; hynrei, nga, nga ithuh ïa u; te lada nga ong ba ngam ithuh ïa u, ngan long kum ma phi, uba lamler; hynrei, nga ithuh ïa u, bad nga sumar ïa ka ktien jong u.

Ka Shithi U Paul Sha Ki Nong Rom 1:21

Namar haba ki la tip ïa U Blei, kim shym la pyndonburom ïa u kum U Blei, lymne kim shym la ainguh: hynrei, ki la man thala noh ha ki jingpyrkhat jong ki, kumta la pynsynñia tiaw ïa ka dohnud bieit jong ki.

2 KORINTH 6:15

Bad U Khrist u don ka jingïadei aïu bad u Belial? lane u bangeit u don bynta aïu bad u bymngeit?

DEUTERONOMI 13:13

‘Ba don ki briew, ki khun u Belial, ki la ïaleit mih noh napdeng jong phi, bad ki la ïa-pynkynriah noh ïa ki trai-shnong ka nongbah jong ki, da kaba ong, “Ïa ngin ïaleit shakri ïa kiwei pat ki blei,” ’ ïa kiba phim ju la ithuh keiñ;

DEUTERONOMI 13:14

te men wad, bad men tohkit, bad men kylli biang biang ruh; te ha khmih, lada ka long kaba shisha, bad ka skhem ruh, ba la leh kaba ijli kat kane, hapdeng jong phi;

NONGBISHAR 19:22

Katba ki la dang pynsngewbha ïa la ki dohnud, ha khmih, ki briew jong kata ka shnong, kiba na ki khun u Belial, ki la ker tawiar ïa kata ka ïing, ki da pduh ïa ka jingkhang; ki la kren te ha uta u trai ïing, uta u tymmen keiñ, ki da ong, “To pynmih noh ïa uta u briew uba la wan ha ïing jong me, ba ngin ïoh ithuh ïa u.”

NONGBISHAR 2:10

Bad ïa kata ka pateng bynriew ruh baroh la ïalum lang ha ki kpa jong ki: te la mih kawei pat ka pateng bynriew hadien jong ki, ka bym shym la ithuh ïa U Trai, lymne ïa ka kam ruh kaba u la leh na ka bynta ki Israel.

1 SAMUEL 10:27

Hynrei, don ki khun u Belial kiba la ïa-ong, “Kumno une un pynim ïa ngi?” Bad ki la beiñ ïa u, bad kim shym wallam ka jingai sngewbha ïa u. Hynrei, u, u la leh kum bym ïohsngew.

1 SAMUEL 25:17

Mynta te namar kata, to tip bad to pyrkhat ïa kaei ba phan sa leh; namar la thew ïa ka basniew ïa u kynrad jong ngi, bad ka ïing jong u baroh: naba u long u khun u Belial katta katta, katba ym lah ïakren shuh bad u.”

1 SAMUEL 3:13

Namar nga la ong ha u hi ba ngan bishar pynrem junom ïa ka ïing jong u, namar kata ka jingbymman kaba u tip ma u, naba ki khun jong u ki la pynlong ka jingtim ïa lade, u te um shym la khang ïa ki.

1 SAMUEL 3:7

Te u Samuel um pat shym la ithuh ïa U Trai, lymne ym pat shym la pynpaw ha u ïa ka ktien U Trai.