1 SAMUEL 2:1 - KA BAIBL

¹ Te ka Hannah ka la duwai, bad ka la ong: “Ka dohnud jong nga ka leh kmen ha U Trai, ïa ka reng jong nga la pynkyntiew ha U Trai; la plie wang ïa ka shyntur jong nga halor ki nongshun jong nga: namar nga leh kmen ha ka jingpynim jong me.

Khasi CL Bible (BSI)

¹ Ka Hannah ka la duwai: “U Trai u la pyndap ïa ka dohnud jong nga da ka jingkmen; katno nga sngewtynnat namar kaei kaba u la leh! Nga rkhie ïa ki nongshun jong nga; katno nga shadkmen namar ba U Blei u la ïarap ïa nga.

1 SAMUEL 2:1 ပူးပေါင်းရင်းမြစ်များ

2 KHRONIKL 20:27

Ynda kumta, ki la ïaphai noh, u briew ka Judah bad Jerusalem baroh, bad u Jehoshaphat ha shuwa jong ki, ban leit pat sha Jerusalem da ka jingkmen; namar U Trai u la pynrisa ïa ki halor ki nongshun jong ki.

NEHEMAÏAH 11:17

bad u Mattaniah u khun u Mika, u khun u Sabdi, u khun u Asaph, u la long u rangbah ban sdang ïa ka jingainguh ha ka jingduwai, bad u Bakbukiah, u long u ba-ar hapdeng ki para jong u; bad u Abda u khun u Shammua, u khun u Galal, u khun u Jeduthun.

Ka Kitab U Job 16:15

Nga la suh da ka jaiñ byrni halor la ka snep, bad nga la buh ïa la ka reng ha ka 'dewmet.

SALM 118:14

U Trai u long ka bor bad ka jingrwai jong nga; bad u la wan long ka jingpynim jong nga.

SALM 13:5

Hynrei, nga la shaniah ha ka jingisynei jong me; ka dohnud jong nga ka shadkmen ha ka jingpynim jong me:

SALM 148:14

Bad u la pynkyntiew ïa ka reng ki briew jong u, ka jingïaroh ki riewkhuid jong u baroh; ka jong ki khun Israel keiñ, ki briew kiba hajan jong u. To ïaroh ïa U Trai.

SALM 18:2

U Trai u long u mawsiang jong nga, bad ka kut jong nga, bad u nongpyllait jong nga; U Blei jong nga, u mawsiang baskhem jong nga, ha u keiñ ngan shaniah; ka stieh jong nga, bad ka reng ka jingpynim jong nga, ka kut bajrong jong nga.

SALM 20:5

Ngin leh risa ha ka jingpynim jong me, bad ha ka kyrteng U Blei jong ngi ngin sieh ïa la ki lama: to U Trai un pyndep ïa ka jingkyrpad jong me baroh.

SALM 21:2

Me la ai ha u ïa ka jingkwah ka dohnud jong u, bad mem shym la kyntait ïa ka jingkyrpad ki rmiang shyntur jong u. Selah.

SALM 35:9

Te ka mynsiem jong nga kan kmen ha U Trai: kan shadkmen ha ka jingpynim jong u.

SALM 51:15

A Trai, to plie ma me ïa ki rmiang shyntur jong nga; te ka shyntur jong nga kan pyni paw ïa ka jingïaroh jong me.

SALM 71:8

Yn pyndap ïa ka shyntur jong nga da ka jingïaroh jong me, bad da ka burom jong me baroh shi sngi.

SALM 75:10

Ïa ki reng baroh jong ki bymman ruh ngan ot noh; hynrei, ïa ki reng jong ki bahok yn kyntiew.

SALM 89:17

Naba me, me long ka burom ka bor jong ki: bad ha ka jingsngewbha jong me yn pynkyntiew ïa ka reng jong ngi.

SALM 89:18

Naba ka stieh jong ngi ka long U Trai: bad u syiem jong ngi u long U Bakhuid jong u Israel.

SALM 89:24

Hynrei, ka jingshisha jong nga bad ka jingisynei jong nga kin long lem bad u; bad ha ka kyrteng jong nga yn pynkyntiew ïa ka reng jong u.

SALM 9:14

ba ngan ïoh pynbna ïa ka jingïaroh jong me baroh: ha ki khyrdop ka khun ka Seïon, ngan shadkmen ha ka jingpynim jong me.

SALM 92:10

Hynrei, ïa ka reng jong nga me la pynkyntiew kum ka jong u kyndad: la pynsleh ïa nga da ka umphniang thymmai.

EKSODOS 15:1

Ynda kumta, u Moses bad ki khun Israel ki la ïarwai ïa kane ka jingrwai ha U Trai, bad ki la kren, da kaba ong, “Ngan rwai ha U Trai, naba u la jop da ka burom bakhraw: ïa u kulai bad la u nongshong kulai u la bred sha ka duriaw.

EKSODOS 15:21

Ka Miriam ka la ong ruh ha ki, “To rwai phi ïa U Trai, naba U la jop da ka burom; ïa u kulai bad ïa u nongshong kulai U la phyrnep sha ka duriaw.”

HABAKKUK 3:1

Ka jingduwai u Habakkuk u nongïathuhlypa, ha ka Shigionoth.

HABAKKUK 3:18

pynban, ngan shadkmen ha U Trai, ngan leh kmen ha U Blei ka jingpynim jong nga.

LOUKAS 1:69

bad U la pynmih ïa ka reng ka jingpynim ïa ngi, ha ka ïing u Dabid u shakri jong U;

Ka Shithi U Paul Sha Ki Nong Rom 5:11

Bad ym tang kumta, hynrei, ngi sngewkmen ruh ha U Blei hi da U Trai jong ngi U Jisu Khrist, da u, ba mynta ngi la ïoh pdiang ïa kane ka jingpynïasuk.

DEUTERONOMI 33:17

Ka burom jong u, kum u khun nyngkong u masi lyngraw jong u, bad ki reng jong u, kum ki reng jong u kynda: da ki, un tur lang ïa uta u paidlang, haduh ki bakut kata ka pyrthei: kine ki long ki shiphew hajar jong u Ephraim, kine ruh ki hajar jong u Manasseh.”

PHILIPPI 3:3

Namar ngi keiñ, ngi long kata ka jingotsher, kiba mane da U Mynsiem U Blei, bad kiba leh kmen ha U Khrist Jisu, bad ki bymshaniah ha ka doh.

PHILIPPI 4:4

To phin ïakmen noh ha U Trai ha la ka sngi; te nga ong pat, “To ïakmen.”

PHILIPPI 4:6

Wat khuslai ïa kaei kaei ruh; hynrei, ha kaei kaei baroh da ka jingduwai bad ka jingkyrpad lem bad ka jingainguh, to phin pyntip ïa ki jingpan jong phi sha U Blei.

1 PETROS 1:8

ïa uba, haba ym ïohi ruh, phi ieit; ha uba, la phim ïohi mynta, hynrei, phi ngeit, phi ïasngewkmen eh da ka jingkmen ka bym lah ong bad kaba dap da ka burom;

JINGPYNPAW 18:20

To phan leh kmen halor jong ka, ko ka bneng, bad phi ki riewkhuid, bad phi ki apostol, bad ki nongïathuhlypa; naba U Blei u la bishar ïa ka jingtian bishar jong phi halor jong ka.”

1 SAMUEL 1:6

Te ka nongïaleh pyrshah jong ka, ka la pynkhih bitar khait ïa ka, khnang ban pynkhuslai ïa ka, naba U Trai u la pynlyngki ïa ka.

1 SAMUEL 1:7

Bad namar ba u la ju leh kumta man ka snem, haba ka la leit kiew ha ïing U Trai, ka ruh ka la ju pynkhih bitar ïa ka; haduh ba ka ju ïam, ka jingbam ruh kam ju bam.